هديتي لكم :)...تفسير الاحلام.

[طال الهجر]

السلام عليكم

مشكوووووووره وااايد وااايد على تفسيرج للاحلام جد جد مشكوره

:ggdw::ggdw::ggdw:

الحلم اللي بقولج اياه هو حلم خالي ارجو انج تفسرينه لي )

معلوماته الشخصيه :-
متزوج وعنده ولد عمره سنتين
موظف بالشرطه (رقيب اول )
يدرس حاليا بالجامعه
وعمره 28

الـــــحــــــــلــــــم1:-

حلم كأنه اهو داخل خيمه (ركزي معاي لاني ابي اوصف لج شكل الخيمه)

اول ما دخل الخيمه من الباب
ومشى شوي فيها وبعدين لف(ما ادري اذا لف يميناو يسار) وشااااف مكااان وسيع حييييل حيييل

الـــــحــــلــــم2 :-
حلم كأنه ماسك بارود كانو اثنين


واسفه على الاطاله ويعطيج العافيه

 

[f_alkabi]

تفسير الاحلام.

السلام عليكم،
هلا ام وليد ويعطيج الف عافيه، انا حامل في الشهر الرابع، حلمت وقت الفجر، اني اتزوج من زوجي، وانا لابسه الفستان الابيض، وشفت امي، ابوي وام زوجي وكأن كان حفلة بس بدون أي صوت او موسيقى ولما دخلت امي قمت وسلمت عليها.



وقبل هذا الحلم حلمت اني عند الدكتوره سويت لي سونار وتأكد لي انا اللي في بطني ولد، وانا اخبرت زوجي وانا سميناه عبدلله وزوجي يبتسم لي.

ويعطيج الف عافيه

 

[صب القفشه]

ام وليييييييييييييييييييييييييييد

 

[كويتية فاصله]

السلام عليكم ورحمه الله وبركاته
أشلوونج أم وليد

آنا عندي حلمين

الأول آنا حلمت أنه خالي وأبوي وخالتي والباجي ما أتذكرهم قاعدين أبداري بس في طوفه أمقلمه أبداري بالواقع متغير مكانها بالحلم صاير ألي عند الباب وخالي وأبوي معطينها ظهرهم وقاعدين عند الباب وبعدين يت مرت خالي هذا أطالعنا آنا وخالتي أتسوي روحها يعني أتغشمر معانا تبي أتسلم على أبوي ولا تدخل داري وتسلم وتمد أيدها بتي أتصافح وآنا وخالتي أنطالعها ولا يطلع هذا ريال ما أعرفه أسمر عبد وكلنا عبيد الله وتسلم عليه ولا آنا اقول يعني يصير حق عايله أمي عشان مرت خالي أتصير بنت خال أمي قلت ابي ارووح أسلم على الريال وقمت ولا اشوف يدي يمد ايده يبي يصافحني وكان مبتسم لي ومستانس حيل ولا أمد ايدي وأصافحه وألمه واقول ترا هذاك مو بس حقي حقي وحقك (آنا بالحلم كنت أقصد صدقه دافعتها بالعشر الأواخر بالمسيد وكنت ناويتها حقي بس ) ولا شوي صرنا بس بالدار آنا وخالاتي وصرنا أبدار ثانيه صغيرة وآنا وخالتي كنا منسدحين على بطنا والباجي قاعدين عادي بس يدي كان متغير جنه تعبان وايخ وقال حق أمي مشكورة على الهريسه ولا أمي أتقوله يبا على اليريش قال وأنا أبوج آنا دايخ ولا يقول حق خاله من خالاتي بس نسيت منو أهيا مشكووورة على العمرة (مع الحلم أنه ولا وحده معتمرة له آنا سألتهم بس أمي ألي أعتمرت له بس اهوا شكر خالاتي مو أمي) وقال حق أمي أطالبج أبحج في عام ما أدري شنو ما أتذكر أي عام وبعدين قال لهم ما أتذكر الكلام عدل بس معناه أنه يترجاهم أنه يدعوله عشان أهوه تعب من عذاب النار والقبر

مع العلم أني كله أحلم فيه توه طالع متسبح ولابس دشداشه مقلمه ولا لابس دشداشه طلعه وكاشخ ويبتسم لي مع العلم انه يدي لما مات والله أعلم خاتمته حسنه وبأذن الله أهوه من الصالحين بس تكفين طمنين عليه وآنا كله لما أحلم فيه أصير آنا أشوفه والباجي ما يشوفونه ولا يشوفونه ويسلمون عليه وبعدين يصيرون ما يشوفونهبس آنا اصير أشوفه تكفين آنا خايفه عليه

الحلم الثاني
أحنا كنا نايمين ابياخورنا ولا احلم أني توني أقعد من النوم وطلعت من الدار ولا اشوف خدامتنا اتنظف الصاله الي بالياخور وآنا كنت ابي اطلع اروح الحمام ولا ارفع أهدومي لين بينت نص افخوذي ولا أكثر من النص وخدامتنا اتشوفني ولا انتبه لها ولا انزل ورحت وقفت عند باب الحمام ولا تييلي وتقولي عادي ليش انتي جذي يعني آنا بالحلم قعد اقول فشله عيب شافت افخوذي ولا اتقول مدام انتي لابس سروال عادي اهم شي انه عضوج ما بين ولا اقول لا عيب وراح بعد جم يوم يعني ابنفس الحلم طلعت على افخوذي اليسار ورمتين كبار وعلى اليمين حبوب صغار أمسحهم فيهم ماي يطلعون مرة ثانيه وجم ورمه ما اتذكر بس مو نفس هذيلاك كباروشي طلع نفس العصاه الي حق الشير ولا احط أنزل دراعتي وأشيل هذا وصار الي باجي الورمات بس بالحلم ما ادري من شنو قالولي نامي عليهم يروحون ونمت عليهم وخفوا بس ما راحوا ولما قمت من النوم ولا اقول لايكون هذا من عين خدامتنا بالواقع قلت

وأخيرا ابي اقولج أمي أحلمت انه جنها أمسافرين أحنا ويدي الله يرحمه وريل خالتي وبالطريج واقفين نفس مكان نبي انصلي وأمي ياله أقدرت اتوضى ولا يقولها يدي يلا صلي وامي بتصلي ما تقدر يدي فارش لها العبايه وما سكلها وكل ما تسجد يدخل ابخشمها تراب


آنا بنت مو متزوجه أدرس بالكليه وعمري 19
والحلم الأول كان في ليله 29 من رمضان قبل لا ارووح صلاة الجيام ابربع ساعه ولا أقل
والحلم الثاني أيام 13شوال
وحلم أمي اليووم


ومشكووورة

 

[*BaBy Face*]

انا حلمت اني يبت بنتين ويا بعض بس وحده اكبر من الثانية بنفس الوقت وكنت حيل مستانسه وحده سميتها شيخة والثانيه اسيل
مع اني مو متزوجة ويسألوني بالحلم من وين يو هالبنات

 

[صب القفشه]

امممم ولييييييييييييييييييد ويييينججج

 

[@أسيرة الشوق@]

السلام عليكم ورحمة الله وبركاته
اختي انا كله اتحلم تكرمين جواتيي يضيعون مني بالمدرسة او طالعه زواره كلة القى فرده وحده او اثنينهم ضايعين وايد يتكرر الحلم معاي وبعد اتحلم اني قاعده امتحن بالمدرسه واكون خايفه في الحلم ومعني متخرجه من سنتين
وانا عزباء وتوني متوظفه

 

[قلبي ابيض]

قوة اختي ام وليد

انا حلمانة بمرت حماي ملامحها متغيرة للأسوأ وتخرع واطراف خشمها اسود وسألتها ليش متغيرة ؟؟

قالت : من القرادة !!!

للعلم احنا حوامل

 

[العيون الشقيه]

السلام عليكم

يعطيج العافيه حبيبتي


انا حلمت اني تزوجت اخوي اللي اكبر مني !!

وكنت متضايقه انه موعاجبني

واقولهم مايصير حرام يقولون لا عادي يصير !!

استغربت يعني


معلومه : لا انا ولا اخوي متزوجين


ويسلموووووووووو حبيبتي

 

[صب القفشه]

اممممممممممم وليييييييييييييييد ايـــــــن انتيييييييييييي

 

[AusSi_Girl]

سلاام عليكم اختي شلوونج ؟

انا حلمت مرتين بأسناني
وقمت مختررعه من النوم مع ان الحلم مو وايد يخرع
الحلم الأول ان اسناني اللي فوق كانو مختربطين (مع العلم انهم بالصج صفة وحدة الحمدلله) وكان شكلهم مو حلوو كل واحد على الثاني وبالحلم كنت اشووفهم بالمنظره وضايق خلقي واحاتيهم
والحلم الثاني حلمت ان ضرسي الأمامي اللي فوق (اللي صاير جدام مااعرف شلوون اشرحه عدل) حلمت انه انقص نصه
يعني مو طايح من عرجه لا بس مقصوص نصه

يا ليت تقدرين تساعديني اختي واكون متشكرة لج
يعطيج العافية والله

وأنا مو متزووجة وطاالبة بالجامعة

 

[M!$$.3NoNa]

ام وليد :0bee2e8d89:


حاولت ارسلج على الخااااص ماقدرت لانه رسايلج مليااانه ماشاءلله :0bee2e8d89:


ع العموم بحطه ع العاام واتمنـــــــى تردين علي بأسرع وقت


اسفه بثقل عليج اشوويه عندي 3 احلاام

واحد مالي والثاني مال اختي والثالث مرت اخوي :0bee2e8d89: والله مفتشله منج بس شسوي والله انطر


الحلم الاول مال اختي عمرها 24 مو متزوجه مخلصه جامعه وقاعده تنتظر وظيفه

1ـ انها افتحت الثلاجه وطلعت بيضه لقت القشر لين ولونها غامج قالت وي خراابه وقطتها
طلعت الثانيه ونفس الشي والثالثه والرابعه وهلما جرى كلهم نفس الشي وبس خلص الحلم ..


2ـ حلم مرت اخوي (امها حلمانه فيها ) اهي مخلصه جامعه وتنتظر وضيفه وعندها ولد صغير

حلمانه انه بنتها (مرت اخوي) عروس بثياب العرس يعني ساكته وهادئه في صالة بيتهم
وانه في مغنين مب قاعدين يغنون بس قاعدين يطلعون من باب البيت ولا شفنا المغنين بس قاعدين يسمعون عنهم

وحلمييييي انااا

3ـ انا متخرجه من الثنويه وليحين مادخلت جامعه عمري 19 ان شاءلله بدش الجامعه قريب

حلمت اني على سريري ووياي اختي انا قاعده على السرير واهي واقفه برا السرير

وقاعده اقولها او تقولي مادري
شوفي النمل شوفي اشكثره والسرير كان ابيض والنمل جنه مغطي السرير الا شوي واهي تكشف الصوب الثاني وتقول شوفي شوفي اهني بعد وااااااااااااايد وايد


وبس خلص الحلم




:0bee2e8d89: انتظررررررررررررج على احر من الجمر بليز لاتنسيني ام وليد :ggdw: وعساج ع القوة

 

[قطيووه^_^]

السلام عليكم


يعطيج العافيه اختي رفيجتي تحب ولد خالتها بس ما حصل نصيب وتزوج الولد
حلمت فيه انه يقولها انا جوعااااااان


تكفين ردي علي عشان اطمنها

 

[بازوكه]

up



up

 

[صب القفشه]

اب

اب

اب

اب


اب

 

[وهج الحب]

بنات عندي تسأل حد تفسر له حلم ؟؟؟
لاني اشوف الصفحة وصلت 22 ولا تفسير واحد على الاحلام ؟؟؟

 

[آلسحرآلحلال]

^^

لا ولله لنا 3 اسابيع ماشفناا ام وليد

 

[صب القفشه]

 

[تفـاحهـ]

بناااات اللي تعرف ام ولييييد شخصيااا خلوها تطمناا علببببها

 

[Australia girl]

اي والله مسكينه اكيد عندها عذر قوي ..الله يفرج عليها