هديتي لكم :)...تفسير الاحلام.

[قمـــر الزمــان]

؟؟؟؟

 

[خليفة العظماء]

شسالفه عسا ماشر؟ حلمي بصفحه 31 وفي أنتظار التفسير وربي يكون في ميزان حسناتج

 

[صمت الهدوء]

السلام عليكم ورحمة الله وبركاته
الله يعطيج العافية اختي ام وليد وان شاء الله بميزان حسناتج.
اول شي بياناتي( موظفة ومو متزوجة ومسافرة وراح اطول شوي بالسفر لعلاج الوالد)
هذا حلمي
حلمت انه بنك من البنوك دقوا على وقالوا ان قبلوني اتوظف عندهم ويوم رحت كان وقتها عصر وراح يفتح البنك للمراجعين الساعة 5 بس عشان بقابلوني دخلوني ولما وصل دوري جان تقولي لآ مو انتي اللي قابلينج اصلا احنا قابلين اخوج في الوظيفة اما انتي لآ فاستغربت قلت لها شلون انا بس اللي قدمت للوظيفة قالت عبي بيانات اخوج ودفعي رسوم الاوراق قلت شسوي دقيت على اخوي وكمل اوراقة لما سألتها ليش ما قبلتوني قالت انه التخصص مو مناسب استغربت لان تخصصي مثل اخوي
جان يقولي موظف تعالي يوم الخميس وان شاء الله يقبلونج بحزتها رحت عند الدريشة وكانت الشمس غايبة ومظلم الوقت واشوف بالبحر سمكة كبيرة ودي اناديهم يشوفونها معاي بس خفت محد يشوفها ويضحكون علي وكانت وايد وايد كبيرة.
وبس وجزاج الله خير بقيت اعرف حلمي اه معنى ولا بس سوالف مع اني مو مقدمة على وظيفة ثانية ومشكورة

 

[فوشية...]

السلام عليكم
عندي حلمين بس اثنينهم قصار
الاول من شهر اني اشوف ايدي اليمين فيها شعر
وتكرر معاي بس كأنه برجلي اليمين وحاطه ببالي انه ماينشال الشعر
الحلم الثاني كأننا بصاله بيتنا قاعده انا وامي وابوي وولد خالتي وبعدين دخل
ولد خالتي الثاني(يكون اخو الاول)كأنه سلم علي وانا مستحيه ماحطيت عيني بعينه
ظل ماسك ايدي بقوه ويكلم ابوي بعد دقايق ترك ايدي
انا بنت ادرس ثانوي ومشكوره مقدما

 

[brownycake]

السلام عليكم و يزاج الله خير
اليوم حلمت حلم و أبيج تفسرينه إذا ما عليج أمر ضروري عشان أعرف شنو أسوي والحلم خرغني
الحلم: حلمت ان أنا وصديق لي كنا رايحين مقبرة و بعدين نمنا على مغسلة الأموات و كنا نسولف وأنا كنت خايفة بس أهوا
كان عادي يسولف و يضحك و كان بالليل. شوي جان يصرخ ينادي وحدة اسمها دلال بس لما ناداها قال دلول. أهوا نادا بس جذي يعني ما يعرف
وحدة بهالاسم بي جذي عبط جان تيي وحدة لابسة عباية سودة و حاطة العباية بويها و تمشي بخطوات بطيئة و ياية لنا و كان في حية لزجة لونها عنابي
و مبللة تلمع كانت تزحف تحت تلحقنا بس ما كانت تقدر تصعد لنا بعدين صديقي انسدح تحت جان الحية راحت تبي تهاجمه بعدين قعدت و قريت أية الكرسي
جان أدق عليه و أسأله إذا يعرف وحده اسمها دلال و طلع ما يعرف أحد بهالاسم

أنا عمري ?? سنة و أبوي متوفي و عندي اخوان ?
و أهوا عمره ?? سنة عنده ? خوات وابوه ملتزم وأهوا بعد ما شا الله خلوق و يصلي و معرفتي فيه مو من زمان

يعطيج العافية

 

[brownycake]

عمري 16 و خواني 2
وأهوا عمره 20 و عنده 3 خوات

 

[صمت الهدوء]

وينج اختي ام وليد عسى ما شر كنت بطرش على الخاص بس ما شاء الله مافي مجال ، الله يعطيج العافية انطر تفسيرج بإذن الله

 

[Marymary]

واي امس كان السبت " شوفو القهر وتوني اشوف الموضوع يعني انطر اسبوع كامل حق حلمي اهي اهي "

 

[عبير الكويت%%]

" شلونج ام وليد

حلمي الاول
اني الحين مو حامل وحلمت انه ابو زوجي يعطيني بوك فلوسه وانا مستحيه لا اخذه بس بقلبي ابيه حيل واصر علي واخذته
هذا قبل لا احمل


وحلمت حلم جديد حلمت انه ابوي يسلم علي وحيل مستانس وانا بعد وكان يبي يعطيني فلوس عشرتين يعني 10 و10 ورقتين بس انا مارضيت قلت له زوجي معطيني قالي لازم تاخذينهم بس رد العشرات وعطاني عشرين ورقه وحده وان مستانسه شنو تفسيره عفيه بنات الي تعرف تفسيرهم تقولي

 

[ندى العبير]

هلا ام الوليد

عسى ماشر حبيبتي

حلمت حلم من فترة اني بعرس وكنت لابسه عباية جديدة وكنت مستانسه وفي الحلم كانوا 3 من عماتي خوات ابوي سلمت عليهم لما

سلمت عل عمتي الثالثه وهي اسمها فاطمة طلعت من المكان اللي كانوا فيه

وكم العبايه حقتي محترق استغربت وانه بالحلم شلي حرقه وبس

 

[الأmـاكن]

في أنتظار أم وليد

 

[شــغــب]

اليوم السبت وام وليد مو مبينه

وانا كاتبه حلمي بصفحه 31 من زماان وماكو رد

ان شاءالله تكونين بخير يام وليد

 

[Marymary]

سلام عليكم ام وليد

انا حلمانه حلم ياريت تفسرينه لي لو ماعليج امر "

اول شي انا متزوجة من سنتين وعندي بنت اصغير مدرسة

حلمت اني انا عطييييييت هديه حق وحدة تراجيي انا انا الذهب ( تراجيي انا الي ملوت تجهيزي يوم كنت عروس بس ما عطيتها الطقم كامل من خاتم والقلب لا بس عطيتها التراجي ) التراجي ذهب وعليها فصووص عطييته حق هالوحدة بعديييييين حيل حيل حيل ندمت اني عطيتها شنو تفسيره؟؟

 

[غصن الغلا]

السلام عليكم ورحمة الله وبركاته


اختي ام وليد انا يوم السبت ما اقدر اكتب حلمي لانه ماعندي نت انا اشبك من الدوام ولا عليج امر بيج تفسرين حلمي


(انا موظفه ومومتزوجه وعمري 32 وميسورة الحال)


واتمنى تفسيرحلمي سوا زين أوشين انا مؤمنه بالقضاء والقدر

حلمي هو : مثل امس عرسي والحين انا ثاني يوم عرسي وسألتني اختي اشلون المعرس قلت لها طلع كذاب طلع متزوج وعنده اعيال هو قايل لنا مو متزوج بس زين واسالتني أختي بتروحين معاه او لا قلت شنو اسوي خلصت بروح الساعه 9 بليل بيجي ياخذني يوديني بيته (كانت ليلتي بفندق) وكنت لابسه بالحلم روب قصير وحلو مال بيت وفوقه عباية راس راهيه وزينه ووسيعه وساتره كل جسمي .


ولكي مني جزيل الشكر واتمني من كل قلبي تفسيرين حلمي

 

[~اح ــساس~]

جا سبت ورااااااااح السبت وام ولييييييد للحين ما فسرتى حلمي :eh_s(16):



جارى الانتظاااااااار :eh_s(11):​

 

[غصن الغلا]

الله يكون بعونها يمكن عندها ظروف هي ما تقصر بتفسر الحلم

 

[غصن الغلا]

:eh_s(1): وينج :eh_s(1): لالالالالالالالالالالالالالالالالالالالالالالالالالالالا

 

[Violetta]

?يعني في تفسير والا راح الموضوع ؟

 

[*+$كويتية$+*]

السلام عليكم اختي
الله يعيطك العافية على الموضوع

وانا انتظر بس متى يكون يوم سبت علشان تفسريلي حلمي


انا عندي اخوي متوفي من سنتين

تحلمت حلم اني شفتة ةقلتلة يا فلان انت حي واهوا بالحلم حلو ماشالله الوجة ابيض والعيون مكحلة
ودخل بالغرفة وقالي اي انا الحمدلله بخير

واهلي عندي بالحلم ويقولولي انتي تكلمني منو قلتلهم اخوي بالحلم اهلي ما يشوفون اخوي بس انا اشوفة
حسبالهم اني يتهيالي

وضحك معاي وطلع
وعقبها اسمع صوتة لا تجوني بالمنام لا تجوني
وللعلم انا مو متزوجة وطالبة
الله يخليج ابي تفسير

 

[!@Bling@!]

ممممم عســى ماشر ,,

الله يردج لنا بالسلامه ,,

وفي ميزان حسناتج ,,