قوة ام وليييد شلوونج يا قلبي؟؟
حلمت اختي
انها راكبه السياره مع امي وامي تسوووق فيها ,, على اساس انهم بيردون البيت بس قبل البيت اكو فرع وفي محل المحيسن ( امي اساسا ماتسوق) وشكلها مضايق, واختي اشتهت بسبوسه ,, جان تقول حق امي ابي بسبوسه بخاطري بسبوسه جان تاخذ فوق تحت وترجع جان تسأل امي : شفيج مضايقه؟ جان تقولي انها كلمت ام خالد (وحده نعرفها) قلتها اي واذا ! جان تقولي انها حضرت عرس ولدها وماكانت تدري انه ملج فولدها (قصدي ام خالد) انصدم لما شاف امه بالعرس ,, فاختي استغربت مالقت تفسير لضيقة امي؟ وبطريجهم وقفوا بمكان مرتفع بالسياره ..وقبالهم الفرع وشافوا اختي بالسياره معاهم ،، امي واختي يسولفون عن وحده قاعدين يشوفونها عييب تلبس جذي فقالت لهم منو هذي اللي عيب تلبس جذي؟ واهما لاهين بالصدمه وماردوا عليها اول مره؟ فقالت امي مهما كان المفروض ما تلبس جذي فكررت السؤال عليهم منو هذي؟
جان امي ترد عليها وتقول فلانه ( اختنا بعد) لابسه (اندر وير) وداخله مكان مو زين ،، واختي تفكر شلون في مكان مو حلو بالفرع. وبعدين المحتني انا (شافتني) جان تقول هذي مو جنها فلانه (انا ) جان يقولون اي والله ،، وانا كنت ماسكه اكياس cake and bake وامشي على ارض خضرا ولا اتعرجب بس ما طحت ولا اشوف قطوة صغيره سوده جان اشيلها واحطها وراي بمثل حفره صغيره ومشيت عنها جان اختي تقول حق امي اهيا شايله واجد بروحها اساعدها ويوم نزلت اختي شافتني وصلت لنص الشارع وكان في مجموعه حريم واثنين شباب او واحد . جان انا اوقف مصري وقلته لو سمحت ممكن تساعدني؟ جان اختي تأشرلي بيدها جان اقول للمصري خلاص لقيت اختي! يوم قربت عندي ولا تشووف اكياس محطوطه على القار فوق بعض بكميات كثيره من تشكيله الكيك والحلويات،، جان تسألني اووف هذوول كلهم بجم؟
جان اقولها ب82 او 85 لقيت واحد من الشباب اخذ صحن القيمات وفج القصدير وقعد ياكل فطالعته منصدمه بس ما علقت عليه..جان تشيل الاكياس معاي والحريم ساعدونا بعد .
يوم وصلنا البيت كان نفس بيتنا من برا بس من داخل غير ,, لما ندش من الباب الرئيسي نروح يمين نلاقي غرفه صغيره فيها طاولات البوفيه،، الحريم دشو قبلنا بعدين انا واختي. وجدام البوفيه صاله كبيره سيراميك ابيض حلو جان تقولي شرايج نصف الحلو بطاولة البوفيه جان اقولها طاولة البوفيه مو حاطين عليها فرش الساتان بس من فوق وتحت ماكو وكان بغرفة البوفيه دريشتين ،، دريشه كان فيها جلاد مشجر بدون برده ودريشه فيها ستاره من قطعه وحده لونها عنابي او بنفسجي ,, جان تقولي انا ناويه لما اشتري البرده احط فرشة ساتان حق البوفيه.
