هديتي لزوجي بعيد ميلاده / اشرايكم فيها ؟ وفكرة للي تحب تستفيد حياااهاااا

[*ريما*]

الا يحبون الشعر راح تعجبهم هديتك
ولا مايحبونة مارح تعجبهم
والله يوفقك

 

[Diva-Q8]

رد : هديتي لزوجي بعيد ميلاده / اشرايكم فيها ؟ وفكرة للي تحب تستفيد حياااهاااا

حلوه بس تصلح الزوج يهديها حق الزوجه لانه المراه بطبعها رومانسيه وتحب الكلام الحلو والمدح امه الرجل يبي فعل ولا ماده

مايحبون الكلام الرومانسي

بس انتي سويتي اللي عليج وهم عرفتي ذوقه

 

[غدووور الكويت]

وااايد حلوه الفكره بس لو مسجله القصيده بصوتج كان احسن وعطينا اسم المركز علشان نبوق فكرتج

 

[تفداج روحي]

اتوقع ما عجبته لان الرياييل عمليين والله يسلمج احنا اذا فكرنا نفكر بشي رومانسي اهما يبون شي حلو ويستفيدون منه
ماعليج يوخيتي اهيا عاجبته بس كان متوقع شي غير
عموما هذا الفرق بين الريال والمره لو اهو مهديج هالسي دي جان طرتي من الفرحه وحسيتيه روميو بس اهما ما يفكرون بهالاشياء غالبا

 

[ام القمرالمطيري]

تبون الصج انا مازعلت حيييل .. وهمي افيدكم بتجربتي للي حابه تهدي زوجها بمناسبه او بدون مناسبه

اسم المركز الشاعر .. هو دي جي واشعار للمناسبات والافراح

للاسف ماسيفت الرقم عندي .. طلعت الرقم من اعلانهم من جرايد الوسيط وهالطقه

وبالنت بحثت عنه مالقيت رقمهم :bbbiu:

صج زوجي مو رومانسي ويحب الشغلات الماديه والعمليه :eh_s(4):

اول ماشغل السيدي مدح وفهمني ان الهديه اعجبته بس حسيت انه يقص علي :eh_s(10): حنييت عليه وقال وااجد خمسين ع شعر :eh_s(2): لو جايبه لي ساعه ابرك

وحسيت بقلبه كلام بس ثاني يوم فضفض لي قال اشلون كتب هالشاعر هالكلمات الخ

وانفعل لاني اتصلت واخذت وعطيت معاه بالتلفون .. يعني تضايق يقو ل كل مابي اسمع القصيده اسمعها بصوته انقهر

بس الشاعر مؤدب وخلوق واصلن انا مااعطي مجال كله اخوي واخوي

بعدين مو حلوه اقول الشعر بنفسي .. اولا كلماتي بتكون بسيطه

القائي جدا عادي ومو حلو بعد

واشلون بحفظ الشعر صوتيا بسيدي وبحط مؤثرات نفس زفة العروس :bbbiu:

ولو قلتله انت اكتب الشعر وانا علي اقرا الشعر .. هم صعبه يابضطر اروح لمكانهم .. او يسجل صوتي بالتلفون .. بالله نشر صوتتي :krkrkr:


بعدين الافكار مني .. يعني طلبت يقول انه اهداء من مرتك المحبه فلانه

ويذكر اسمه وتاريخ ميلاده واطباعه الي تعجبني .. وبعض صفاته الشكليه

وهو الاسلوب والوزن والقافيه واللعب بالكلمات كان علييه

يعني الشاعر اشعرفه باسم ولا شكل ولا طبع زوجي الي انا احبه

يعني هو وصل احساسي ورايي بزوجي بهالشعر

بس صج والله طلعت جنان القصيده وخواتي استخفوو

وان شاالله بعيد بناتي بتصل مره ثانيه وبطلب شعر .. بس بدون لا يذكر اسمي

عشان انشر القصيده عند خوالهم واعمامهم

والي سالتني هل زوجج يذكرج بعيد ميلادج

زوجي كان يذكرني بدون مناسبات وكل هداياه عطورات بس هذاك للامانه اول الزواج

اما بعيد ميلادي ينسى :eh_s(2): بس العام ذكرني :rgewrg:

تبين الصج حتى انا قلتله احسه حتى من قبل الزواج او مع ربعه متعود انهم يهدوونه مو يهدي غيره

وانه مفارقته الرومانسيه

نوررتوو

:eh_s(7):

 

[صمــت_ALsHfaaH]

الله يهنيكم يارب

فكرتج حلووووووة حييل

 

[يكفيني حنانك..]

حلوه الفكره اذكر صديقتي سوتلي زيه الشريط واسمي وحركتات لوول

 

[ام القمرالمطيري]

يعطيكم العافيه يابنات وشكررررررا ع الردود الحلووه

مثل ماوعدتكم هذا رقم مركز الشاعر 96688895

من فتره بس قدرت احصله

للي عجبتها الفكره

ودي اطلب قصيده ثانيه لبناتي بس زوجي رافض .. مع انه للاطفال احس فكرتها احلا لاني اقدر اطرشها لكل الاهل ويكبرون الاطفال واحنا محتفظين بالقصيده ذكرى لهم .. خاصة البنات بيحبون هالفكره والاهداء ولا شرايكم

​

وسووري ع التاخير

نوورتوووو موضووعي​

 

[ام خدود ورديه]

درع وشعر لوول ريلج شنو اصله اكيد ماراح تعجبه هالسوالف انا اقول لو حاجزتله سبا وفندق تستانسون احسن
الله يخليكم حق بعض ان شاءالله

 

[احلى بنت بالدنيا]

دام الهدية ماعجبته .. ليش تنصحي البنات فيها ؟!!

 

[pusy cat]

يمكن يبي كلام يطلع من قلبج

اهو استكثر الفلوس علا الشعر عشان جذي ماعجبه

لو انتي مألفتله بيتين حتا لو مو موزونين كان راح يستانس لانها من مشاعر صادقه

 

[طموحه بزياده]

فكرتج غريبه وحلوه

 

[ام القمرالمطيري]

واي الي تقول دام الفكره ماعجبته ليش تنصحين البنات فيها
اول شي هدي حبيبتي اعصابج شوي
ثانيا ماعجبت زوجي ممكن تعجب زوج وحده ثانيه
ثالثا الفكره بشكل عام حلوه ومختلفه
رابعا ممكن تصلح لاعياد ميلاد عيالنا وبناتنا ولا خواتنا ولا حتى رفيجه لج تهدينها شعر بعيد ميلادها
انا احب افيد غيري ماراح استفيد شي لو قلت تجربتي لوحده يمكن تعجبها وتنفعها
الفايده اني نفعت غيري بس
حرام هالشي
؟
وزوجي اسباب عدم اعجابه بالهديه وااجد وذكرتها برد لي بالصفحه الثانيه اذا ماخاب ظني
وعادي مو زعلانه
بالعكس عاجبتني هديتي له
لان السيدي صار ذكرى ومحتفظه فيه واستانس لي سمعته
بدال لا اسمع قصيده او اغنيه تذكرني فيه صارت لنا قصيده خاصه وتذكرني فيه
هالشي حلوو موو شين
وسلامتكم
نورتووو

 

[رضاهم جنه]

انا ماعجبتني ويمكن زوجج ماعجبته لان يدري ان مو انتي كاتبه الشعر والي يلقيها رجال

المهم الله يوفقج معاه ولايغير عليكم يارب

 

[يا عيون سمي]

عسي الله يهنيكم

 

[ScarletteO'Hara]

انا ما تعجبني هالنوع من الهدايا و لا الدرع و هذا و انا مرة فما بالج الريال؟
اكيد ماراح تعجبه
الي اييوز لج مو شرط اييوز لريلج
معروف لما تفكرين بهدية لريلج شوفي ميوله شنو مو اي هدية و السلام
ادري فيج حامل و الله حاسة فيج بس حسافة الخمسين ما استفدتي منها شي
بعد تعالي اقول لج؟
شكو قايلة له عن سعر السي دي؟
الهدية مو بقيمتها عشان تقولين له حتى لو اهو طلب منج
يلا اتخذي هذا درس لج عشان المرة الياية ما تغلطين نفس الغلطة

 

[مفرفشه عالاخر]

بالعكس نايس وفكرة حلووووووة

 

[om MaRyooM]

فكرة حلوة وغريبة


واحسها تنفع لشهر العسل او فترة الملجة




الله يخليكم لبعض

 

[* بنت المطر *]

موشي صراحه مامنها فود وحرام خمسين دينار !

 

[ماريبيل الشمرية]

واي الي تقول دام الفكره ماعجبته ليش تنصحين البنات فيها
اول شي هدي حبيبتي اعصابج شوي
ثانيا ماعجبت زوجي ممكن تعجب زوج وحده ثانيه
ثالثا الفكره بشكل عام حلوه ومختلفه
رابعا ممكن تصلح لاعياد ميلاد عيالنا وبناتنا ولا خواتنا ولا حتى رفيجه لج تهدينها شعر بعيد ميلادها
انا احب افيد غيري ماراح استفيد شي لو قلت تجربتي لوحده يمكن تعجبها وتنفعها
الفايده اني نفعت غيري بس
حرام هالشي
؟
وزوجي اسباب عدم اعجابه بالهديه وااجد وذكرتها برد لي بالصفحه الثانيه اذا ماخاب ظني
وعادي مو زعلانه
بالعكس عاجبتني هديتي له
لان السيدي صار ذكرى ومحتفظه فيه واستانس لي سمعته
بدال لا اسمع قصيده او اغنيه تذكرني فيه صارت لنا قصيده خاصه وتذكرني فيه
هالشي حلوو موو شين
وسلامتكم
نورتووو

ماداام انج ذكرتي اسباب واجد بليز قالت رايها وبصراااحة ليش تهاجمينها وووييي بس اخااف واااااااو واااو ناطرة الردوود عالعموم فلوسج زايدة الله يهنيج فيهم