هدية مصحف فاخر بالشوارفسكي

[ام كتكوت]

حبيبتي اشتري صندوق له او غلاف وزينيه بالشوارفسكي بيطلع احلى
والله يوفقج

 

[×-Mjro7H-×]

واااااي شفيييكم طبيتو بالمره ليش التجريح اللي بينصح ينصح عدل
وانا اللي اشوفه الوحده لا بغت مصحف مزين بشورفسكي وذهب هذا مايدل الا بمكانت القران عندها وقيمته وانها مستعزه بقيمته

بس انتو ماشالله عليكم على اقل شي قببتو الموضوع على صاحبته
استغفر الله ياربي والله ماتسوى عليها سالت


حبيبتي مالج شغل بالناس وحجيهم الفاضي

مثل ماقالو سويه انتي او وديه حق المحلات اللي يم المبرور او المبرور
وموفقه وربي يهدينا

 

[نونا**]

حبيبتي مالج شغل بالناس وحجيهم الفاضي

صار حجي فاضي!!

اعوذ بالله من غضب الله!!

ولا تشجعها عالشر!!

صج مااكثر شياطين الاانس!!!

 

[shahad_Q8]

ماعندي فكره كان ودي اساعدج

 

[شيوم]

انزين حطيه في بوكس حلو

 

[bedour18]

بنااااااااااااااااااااااااااااااااااااااااااااااااات الله يهداكم اشفيكم جباريت و أعصاب !!!!!!!!!!!!!!!!!!

أنا اللي فهمته انه البنت تبي صندوق حلو أو تغليف حلو تحط فيه المصحف !!!!!!!!!!!!


يعني من صجكم أحد يلزق فصوص على المصحف نفسه ؟!!!!!!!!!!!!!!!!!!!!!!!!!!!!!!

حبيبتي روحي ركن الهدايا أو سرداب حولي تلاقين صناديق حلوة تقدرين تحطين داخلها المصحف

 

[lara_action]

هالشي سهل انتي اشتري الشوارفسكي ولزقيهم عليه
بس لازم تسألين فيها من ناحية الحلال و الحرام لانه هذا كتاب الله مو مجله علشان بحطون فيها شوارفسكي
وانشالله اتحصلين الي تبينه وبسعر معقول يارب

 

[EL-lolo]

يبه بلا ستين وسبعين انتي سويه وصدقيني ماراح يكلفج شي آلة الشوارفيسكي عند بركات ب5 دنانير والشوارفيسكي مو الا تاخذين الاصلي اخذي العادي وصدقيني كل هذا ماراح يكلفج 20 دينار واذا تبين تستفسرين عالخاص راح اساعدج

 

[EL-lolo]

ويييييييييي انا ماشفت كل الردود @@ جنها هوشه اهني
والله مادري بس الاحسن انج تحطينه بصندوق وتزينين الصندوق أفضل

 

[6moo7a]

لاحول ولاقوة الا بالله
حبوبة جزاج الله خير القرآن ماهو للزينة حتى لوكنتي بتهدينه احد
احسن لج بعدي عن هالشي عالاقل زيني العلبة اوكي مومشكلة
وبس يالغالية حبيت انصحج اخاف ربي يحاسبج

 

[حبي بو جاسم]

هلا حبيبتي أمس شفته عندمحل يبيع عطور وخلطات عربية جدام مكتبة الواضح بالفحيحيل عن جد يجننون تصميماتهم

 

[المشتاقة لله]

حبيبتي عسى ربي يوفقج وصج هذي اغلى هديه بس حبيت اعلق على شغله كلمة مصحف فاخر ما حبيتها لأن المصحف بدون الذهاب والماس والخرابيط فاخر هو كتاب الله وكلامه

ولا انتي شرايج ؟؟ وبالنسبة لطلبج والله مادري وين نحصله ياليت يفيدونا الخوات

 

[FdeeT.BnaTy]

حبوبة انا خذيت المصحف مالت ملجتي من قزاز بالسعودية
طبعا المصحف مخمل بس العلبة اللي ينحط فيها سلفر وكلها شوارفسكي

 

[نـور الكويت]

والله أمي شاريه حق اختي مصحف مع صندوقه رووووعه والله العظيم
لونه فضي وفيه افصوص شذريه شكله فخم تبارك الرحمن
بس مدري من وين أسأل واقولج ؟؟

 

[DAM3AH]

لاحول ولاقوة الا بالله
حبوبة جزاج الله خير القرآن ماهو للزينة حتى لوكنتي بتهدينه احد
احسن لج بعدي عن هالشي عالاقل زيني العلبة اوكي مومشكلة
وبس يالغالية حبيت انصحج اخاف ربي يحاسبج

اختي المصحف اللي انا شاريته ملبس بخام مخمل متين وفيه اسفنج بسيط وعلى المخمل مطرز كلمه قرأن كريم

وعليه شوارفسكي ( يعني كأنه cover يغطي المصحف ويحافظ عليه )...

يعني الشوارفسكي مو على المصحف نفسه.. لأ المصحف مثل ما هو واذا تبين تشيلين ال (cover) عادي تشيلينه

وتغسلينه بعد..

اتمنى تكونين فهمتي قصدي ..:aha:

ومشكوره على النصيحه ..

جزاج الله خير..

 

[نبض زوجها]

لاحول ولاقوة الا بالله

يعني مايصير فاخر الا بالشوارفسكي

يالله انك ماتبلينا

فعلا مؤسف هالموضوع

وكبير جدااااااااا

احد يحط شوارفسكي لكتاب الله

الناس استخفوا والا شنوووو

شالجهل ّّّّ!!! والتفاهه

والله حتى النصارى ماسبقوكم بهالحركه

مااقول الا حسافه اسمكم مسلمين

ويكون بيدينكم كتاب الله

شسالفة يا اختي ليش هالتجريح هذا كله مالا داعي استغفرالله يارب شهل الكلام الكبير اللي قلتيه الظاهر انج مو فاهمة الموضوع السالفه وما فيها اني شايفته عند وحده ويكون بعلمج اللي شايفته عندها انسانة مدينه حيييييييييييييييل ودارسة الشريعة وداعية بعد وحبيت اسألكم من وين عشان انا ابي اهديه هدية حق وحده ثانية .... اعتقد مافيها شيء ومحد حرمها وانا متأكدة ان لو فيها شك بس ماسوته هالانسانه وحطته عندها لأنها مثل ما قلت مدينه حيل .... وكان محطوط بصندوق وشكه وايد حلو وين المشكلة ؟ ؟... وانا شفت نفس الطريقه تنباع بمحلات البخوريعني منتشر بكل مكان ....
الله يهديج بس كفرتينا وطلعتينا من الاسلام حمدلله والشكر ....

 

[أميرة السعادة]

أنا قبل كنت أستغرب من اللي يشترون القرآن بمخمل بس بعدين ياني هدية القرظىن الكريم مذهب و في غلافه ذهبي بعد الصراحة لاحظت نفسي صرت اتشوق أقرا القرآن أكثر وصرت أقراه أكثر لما صار عندي الذهبي الشاهد من هالسالفة غني مو مفتية بس لو قدرت الوحدة تتحايل على نفسها بتحبيب نفسها بعبادة اتوقع لها أجر بهالشي مو مثل اللي يتحايلون على المستشفى و قمتتها باستقبالات الولادة فمنو أفضل ؟ والله تعالى اعلى و أعلم اللهم إن أصبت فمنك وحدك وإن أخطأت فمن نفسي و من الشيطان ...

والحمدلله والصلاة و السلام على رسول الله

 

[H.J.K]

السلام عليكم ورحمة الله وبركاته

اختي , مرة كنت رايحة مكتبه وعجبتني مصاحف فخمه مذهبه ومطرزة, شغل مرتب,,, وتصلح انج تهدينها حق احد و معاها غلاف...
صايرة بمكتبة الاشراف جبال الكوت جبال البحر يم ماكدونالدز . ...

 

[barbie girl]

اخخخ يا القهر


المصحف تودونه محلات وخياطين عشان يزينونه لا واهم شي وديه خياط مسلم خوش والله عارفين شكل الخياطين شلون وشلون المحل وصخ وريحه وقرف يعني بيحط المصحف بمكان طاهر

المصحف لا يمسه الا المطهرون لازم الواحد يتوضى عشان يمسكه وانتوا .................................... حتى ماني قادره اتكلم انقهرت

 

[Al Atwan]

انا مع البنات القران مزين نفسه بنفسه
عل الاقل اشتغلي عل العلبة اللي بتحطينه فيها