هدية قناة فتافيت هالأسبوع الآي روبرت

[زهرة دوار الشمس]

السلام عليكم


بنات شفتوا هدية قناة فتافيت هالأسبوع

الآي روبرت رومبا

وهو عبارة عن مكنسة الكترونية ذكية

أِشلون ومن وين أقدر أحصل عليها ؟؟

واللي تعرف تاجرة تقدر تطلبي لي ياها من بره تعطيني خبر

يعطيكم العافية​

 

[MZajEyA]

انا شفتها واااايد حلوة مووووصج

بس مادري من وين .. ان شاء الله اللي يعرف يفيدنا

 

[kakooka]

اي والله حتى انا شفتها تونس

 

[*^^حرم الدكتور^^*]

"دزي مسج حق فتافيت و جاوبي عالسؤال و انشالله تفوزين" هذا كان رد ريلي لما قلتله عن هالآلة و أن ودي فيها>> سهالااااات

آنا معاكم اللي يعرف يقولنا بليز .. و شكرا

 

[إستبرق]

شنو تسوي يعني ؟

 

[إستبرق]

حصلتها بامزون هذي هي
الرابط

وعليها خصم الحين سعرها بالكويتي 100 ودينار تقريبا والوزن وزنها 15 باوند

 

[زهرة دوار الشمس]

إي شفتها في موقع أمازون وفي موديلات ثانية

بس المشكلة وايد سعرها 100 دينار هذا غير سعر الشحن

وخاصة إنها شغلة يديدة ومو مجربينها من قبل علشان الواحد يتشجع ويشتريها.

بصراحة لو طلعت مثل ما يحطونها بالتلفزيون تحل لي مشكلة الشعر

والوسخ اللي يصير على السيراميك اللي ما يمديج تنظيفين الا اليوم

الثاني تجمع الوسخ .

شكرا للجميع على التجاوب والمشاركة

 

[rwwany]

اب اب اب اب

 

[omajiad]

صج مريحة وتونس

 

[♥ ســ Q8 ـــاره ♥ ..]

ترى حطو بالكم الاعلانات تعظم الاشياء

انا حسيت انها بطيييييييييييييييييييييييئه وماتخلص يبيلها يوم كامل تخم الغرفه الوحده

والدعايه اللي مسوينها بالكمبيوتر مو صج سريعه جذي

انا ماانصحكم فيها

 

[أسومة الكويتية]

أنا مجربتها الصراحة حلوة ومريحة
الموقعwww.irobot.com
وإلي تقول بطيئة سرعتها زينة وإنتي مالج شغل فيها خليها تكنس لا تجابلينها وروحي سوي شغلج

 

[superasmaa]

بجم مشتريتها اختي اسومة ومن وين يالغالية

 

[دلع الكون]

حسافه ماعندي هالقناة