هدايا لاهل المعرس..ساعدوني

[خياليـــه]

بنات انا محتاره وش اهدي خالتي واخوات زوجي عددهن 8 ماشاء الله

انا قلت بعطي خالتي سواره وخاتم ذهب وعطر وبخور مع مبلغ معين وقطعت قماش

واخواته قلت بعطيهن كل وحده خاتم ذهب وقماش

بس والدتي رفضت الفكره قالت اخواته كثير والذهب غالي
والمهر خلص من فتره

وش الحل ؟؟؟؟

اللي عندها فكره تقولها:yaaaaaarb::yaaaaaarb:

 

[ام غازي 2012]

اول مررره اسمع العروس تعطي هدايا لاهل المعررس


انا اعرف العكس

هم الي يجبووون لج




اذا هذه شي عندكم وضروري
عطي بس ام رجالج

 

[خياليـــه]

هههههههههههههههههههههههه ايه اهم يعطون

بس احنا عندنا يعطون ام المعرس وانا اريد اكون غير واعطي اخواته ههع

 

[Habosha]

لا ليش تخسرين نفسج

يكفي تعاملينهم معاملة ترضي وجه الله تعتبر احسن هدية ه

 

[G!RLooNa]

بتشترين حق امه و خواته ذهب ! لا بالله بتقعدين عالحديده انتي عروس لازم يشترونلج و اذا كلش كلش بتشترينلهم تكونين راده من سفره مثلا يايبتلهم صوغه بس توج عروس و بدون سفر تدشين عليهم توزعين هدايا احسها مو حلوه صراحه

 

[M!SS.LOBY]

موفقه
بس افضل عطور او قماش

 

[دلال. الحلوة]

بالتوفيق اختي وربي يتمم لج بس حق شنو خوات المعرس ..؟

الي اعرفه خوات المعرس هم يعطون العروس ..

؛

نصيحة بس أخذي حق أم زوججج ( ساعه + خاتمين ذهب + قماش راقي + وبخور مع عطور )

اذا بتعطيني كل وحدة من خوات زوجج عطر وقماش صدقيني 30 الف ريال سعودي ماتكفيج

والذهب غالي .

<< جالسه تضرب وتحسب :eh_s(10):

لو فرضنا ان اقل خاتم ذهب ب 750 ريال سعودي * 8 = 6000 ريال

وتبين تاخذين حق كل وحدة قماش راقي ..

لنفرض متوسط الاقمشة الراقيه بحدود 1200 ريال سعودي *8 =9600 ريال

المجموع =15600 ريال سعودي

//



هذا لسه ماحسبنا حق ام زوجك ربي يحفظها ويطول بعمرها

بتاخذين طقم ذهب قولي اقل اقل شي بتحصلينة ب7000 ريال او 10000 ريال

10000ذهب + 1500 قماش + 500 بخور +600 عطور +2000 ريال ساعه

=12600 ريال

لووووووووول

المجموع كامل 30200ريال

هذا بمتوسط السعر يعني مو رخيض ولاغالي بالنص وطلع الحساب 30000 الف

؛؛

أكتفى بأم زوجج ربي يسعدها ويسعدك

ربي يوفقك ويتمم لك على الف خير ويرزقك الذريه الصالحة



:eh_s(17): ​

 

[مس استي لودر]

موفقه انشالله

 

[مس جلاميروس]

انا ببالي نفس الفكره لكن ماباخذ ذهب .. بشتري تعليقات ذهب او الماس بس لامي وام العريس فقط
واخواته واخواتي بحاول القى هديه بسيطه ما تكلف كثير .. مثلا عطر مكياج .. شئ بسيط للذكرى بس
وبالعكس الفكره حلوه .. والرسول صلى الله عليه وسلم قال " تهادوا تحابوا "

 

[مروقه على الكوفي]

بالعكس حلو تهدين أهل المعرس
من الذوق وتكسبينهم
بس اقترح عليك لأمه شي غالي
واخواته شي بسيط
انامرةاخوي جابتلنا بعدالزواج من شهرالعسل تحف وشنط واكسورات واسورة ذهب لامي
وأمي هدتها طقم ذهب وسويناحفله بسيطه لهم
الله يخلينا لبعض
ومدري ليش البنات رفضو تهدين؟
ان شاءالله موخسارة في أهل زوجك

 

[Riema]

ماادري غررريبه علي السالفه

المعروف اهل المعرس هم يهدون العرووس مو العروس تهديذ

موفقه

 

[((غلاي))]

العروس ماتهدي

اهل الزوج يهدونها هدايا

 

[خياليـــه]

مشكورات عالتفاعل ..

صحيح اهل المعرس يعطون هدايا ويعطون ام العروس بعد
لاكن عندنا من الذوق الواحده تعطي اهل زوجها ..

بس مب الكل البعض يعني

 

[حسن الخاتمة]

الف مبروك حبيبتي والله يتمم لك علي خير بس اهو صج يعني غريبه العروس تهدي اهل الزوج بس بعد ما شفت ردك الاخير اعتقد اذا ودك ومصممه علي الاهداء اعتقد كافي تهدين ام زوجك هديه حلوه وذربه وانتي اكيد عندك مصاريف كثيره ومو ملزومه بصراحه ما شاء الله ثمان يبيلك ميزانيه الافضل اهدي ام زوجك قطعة قماش حلوه وبخور وكم خلطه حلوه كم المحلات المعروفه عندكم وبس وصدقيني خوات المعرس اذا عودتيهم علي الهدايا اي مكان بعدين بتسافرين بتتعبييين من الدواره وارضاء الناس غايه لا تدرك فالافضل حتي لوتسافرين ييبي حق امزوجك بس لان اذا فتحتي الباب ماارااح تخلصين انا اييب للكل بس اذا رحت مكه شرفها الله لان معروفه ملافع الشرقيه واطياب وبس والكل يستانس لكن والله كل سنه بسافر مره بجييب صواايغ لا والله بقعد افتر طول لسفره ادور وانتي عل راحتك

 

[M!ss CoLoRz]

امه اوكي عطيها بس مو كل هالهدايا .. عندج لسنين جدام تهدينها

عطيها بس شي واحد ذهب ووبخور مثلا ... فلوس كللللش لا

خواته لا تعطينهم شي و لما تصير لهم مناسبة وجبيهم

بس اول مرة تدشين عليهم ودي وياج صحن حلو ذرب بجذي كأنج وديتي لهم كلهم

 

[mrs.abk]

لا تعطينهم من الحين ,, لاحقو المناسبات ياية والهدايا ملحوق عليها

 

[مروقه على الكوفي]

غريبه بعض البنات مكبرين الموضوع وتعوديهم ومن هالكلام
اناوالله اشوفها حلوة وتقدير
و الحمدلله مره خيو دلعتناكل فتره تهديناولوبسيطه جدا بس حلوة منها
حتى امها أهدت أمي واهدتني اناواخواتي وبعد جابت لاخواني الباقين ومافيهاشي بالعكس هذا ذوووق منك
يبيلهم شي حلو بسيط موخسرانه

 

[تبيني آرضى عليك]

آآآآآآآب

 

[فراوله ماما]

حبيبتي انا اشوف ابدا مافي داعي اهم شي انتي خلصي اشيائك وجهزي نفسك ولا تعودينهم انك تهدينهم والله بكره ما يشوفونها شي اسالي مجرب بالعكس حتكون ضروره فينها ما جابتلنا انا ياما اهديت بس امه قالت انها ماتشوف الي اجيبه شي وماتعنيلها الاشياء الي اجيبها فامعد شافو مني ابره اسافر واستمتع واشتري لنفسي بس محد يستاهل غير امك واهلك لو انها صغيره يشوفونها بالدنيا size]

 

[حورية آلكويت]

عطيهم اللي يطلع من خاطرج واللي تقدرين عليه