حاليا الدارج بشكل كبير التنانير الهاي ويست ويكونون الوان فرايحيه صيفيه او البنطلون الوسيع اللي جنه تنورة
اما الجاكتات هابين باللي فيهم كتافيات اوجم بفف وعليه اكسسوارات نفس ستايل ليدي فوزازا
او السديريات اللي هم عليها اكسسوارات وحركات تحصلينهم بالبلوكات او بالمهلب
اما بالنسبه حق الشوزز من رايي الناس بدت تهد التومز + التومز ما ينفع حق العيد اهو حق طلعات سبورت او دوام
لبسي كعب افضل يعطي شكلراقي للبس العيد و اكثر شي اشوف الشوزز اللي الوانها فاقعه او عليها سبايك
تنويه السبايك موضه هالسنه وبقوووووووة سواء على الجاكيتات او على الشوزز اوحتى الاكسسوارات
الشنط هابين بفورلا كاندي باق وايد اشوف الناس شايلتها والوان نفس الشي فرايحي
اما الشيلات ف الحين هابين بحجاب علاء الدين اللي بس يغطي الراس وفيه زم من النص
انا شخصيا ماحبيته احسه حق عزايم وقعدة حريم اما اطلع فيه مستحيل
وبس انشالله اكون افدتج
