هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[om 7a9oona]

قوة بنات اشلونكم ... ادري غطيت عنكم واااايد .. لاني ولدت ويبت بنوته بس لهيت معاها لانها كانت بالعناية ووايد تعبانة .. بس الحمدلله الحين طلعوها ومافيها الا العافية

 

[Om Banati]

وييي عاد تقول صاحبته انه مافيه لا كورتيزون ولا زئبق بس مادري اخاف اصدقها

 

[Om Banati]

ام حصونه الحمدلله على سلامتج وسلامه الصغيره ومبروك ما ياج تتربى بعزج

 

[om 7a9oona]

الله يسلمج .. مشكورة حبيبتي ما قصرتي.. انتي شلونج وشلون عبود ؟

 

[Om Banati]

عبودي زين حبيبي بس عيار على طول يبي الشيله
بشرينا عن بنتج عسى ماشر شفيها ؟ وان شاء الله احسن ؟

 

[Rafeef]

حطي اسكينول و فركي بالقطنه راح يطلع السواد و بالليل تدهني و الصبح سبحي و سوي سنفرة الشكر و زيت الزيتون عجيبة

 

[Rafeef]

تقدرين تاخذينه و تودينه المختبر يحللونه لج إذا فيه كورتزون او زئبق

 

[Rafeef]

اهلين ام حصونه مبروك ما ياج اشلون الكتكوته و شنو سميتها

 

[Om Banati]

اي بجرب الاسكينول وزيت الزيتون مع الشكر عل وعسى

 

[om 7a9oona]

الله يخليلج اياه يا ام بناتي
والله بنتي كانت المشيمة عندي تعبانة فقامت اتطلع مادة بيضة .. وهالمادة سببت حق البيبي التهاب شديد .. وصار فيها ضبق شديد بالتنفس ونقص بالاكسجين .. فحطوها بالعناية طبعا يومين مايدرون شنو فيها وبعدين لما عرفو نوع الالتهاب .. عطوها مضاد حيوي 7 ايام .. وبغدن حطوها تحت الملاحظة يومين وبعدين طلعتلي لاسلامة .. الحمدلله يس ليلحين ما تتنفس عدل ...



واهلين رفيف شلونج وشلون عبود ... البنوته سميتها حصونة

 

[Rafeef]

أنا ودي اسوي سوالف وايد بس كادري شناطرة
صج ام بناتي ما يبتيلج ردادة او وحدة تمسج ....
صج ترى خل التفاح مخفف على البطن يفتح و يشد بس الريحة تصك الراس

 

[Rafeef]

سوي لحصونه الحلوة شاي البابونج مخفف و خليها تشرب منه بين رضعاتها
زين للصدر
انا اعطي منه اعيالي
و زيت السمسم زييييييييين وايد للصدر تسخنينه ليما يدفى و دهني صدرها و ظهرها و دفيها عدل بالليل ليما اتنام بعد التدهن همن زين
بس ما جربته للنونو صراحة احطة لولدي ليما كان عمره سنه بس اعتقد زيت السمسم زين مو مواد كيماوية او شي

 

[Om Banati]

الف لا باس على حصونه ان شاء الله ربي يشافيها ويفرحج فيها عروس قولي امين

رفيف يبتلي رداده اسمها ام سليمان بس ما تيي اهيا تدزلج فلبينتين يلوعون الجبد ما سوولي شي كلش خذاو 30 والله حرام فيهم
عقبها يبتلي وحده صينيه مالت المساج وكاسات الهوا اسمها اينجل انا اعرفها من زمان اييبها اذا مرات جتفي قضبني ولا ظهري يعورني بس احس شوي ريحتني

 

[مادرى شسمى]

<<<<<<<<<<<< تخاف تسلم عليكم يطردها المزود كالعاده

 

[om 7a9oona]

مشكورين وماقصرتوا يا رفيف وام بناتي

 

[Om Banati]

هيهيهي لا المزود اليوم ناسينا اشوه
شلونج مادري شسمى

 

[مادرى شسمى]

ماظنتى ينسانا الحين بس يشوفنى دشيت يجى عقدنىىىىى حسبى الله عليه

شلونج انتى ام بناتى وشلونكم بنات والله كل يوم ادخل واشوف سوالفكم وودى ارد واشارك بس مايخلينى

بشرينى عنج ام بناتى ذاك اليوم اشوفج تتكلمين عن عمليه سويتيها او للحين والله احاتيج صج ضاق خلقى لما سمعت سالفتج وشلون تحاتيج ولدج قلبى معاج

 

[om 7a9oona]

بتات ابي انزل 15 كيلو ... شسوي .. شلون قولولي .. وما ابي رجيم قاسي .. ابي رجيم مناسب للرضاعة

 

[مادرى شسمى]

ام حصونه عليج بالمشى واشربى ماى دافى الصبح على الريج ولو تحطين معاه شوى ليمون بعد احسن او تاخذين قفشه خل بعد كل وجبه

 

[Om Banati]

بعد قلبي مادري شسمى ما قصرتي .. ان شاء الله عمليتي السبت والله اني قاعده احاتي بس شسوي الحمدلله على كل حال

ام حصونه الرضاعه بروحها راح تنزل وزنج صدقيني وحاولي تخففين النشويات بروحج راح تنزلين لا تحاتين واذا حسيتي ما نزلتي اشتركي بشركات الدايت