هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[Pink Angle]

ام عفاف ماتشوفين شر .. اكلي رطب عل الريج 7 و العصر 7 ، وانشالله يكبر البيبي وبعدين حق الطبيعي احسن صغير عشان ما تتأذين نفسي

 

[ميلك شيك]

اي إذا البيبي صغير يطلع بسرعه وبسهاله وذا كان كبير يأذي الوحده إذا كانت ولادتها طبيعيه

 

[ام عفاف الكويت]

اهاااااااااااااااا امس مشيت فيه شوي يتني دوخه وعدم توازن وضغطي كان مو مرتفع
الجهاز يسوي جذي ؟؟؟؟؟؟؟؟؟؟؟
شسوي وين اروح امشي
ماعندي احد يوديني ريلي ان قعد بيروح لامه وامي بعد عند خالتي بعد بالمستشفى
ياكريم

بينك بالعافيه اكلت اليوم 7 حبات رطب على الريج مع قلاص حليب بالزعفران
انا على بالي بس الصبح
باكل شوي بس احس ظهري بينكسر ودوخه قويه من امس ماسكتني مادري ليش ؟

 

[ميلك شيك]

ام عفاف متى اخر موعد عطوج يااااه:tomato2:

 

[ثلاثينية]

يا ام فوفو
بشهر 7 كنت مسويه عمليه حق ظهر بنتي بدار الشفاء وكانت لازم تمشي... وكنت امشيها بالليل بعد ما يخفون الزوار وكانت عيني تلف على الامبراطور
بصراحه شي شي شي ..........................
بس بيني وبينج .. ولادتي على عطله اهلي حاجزين للعمره ... وامس اهل زوجي بعد حاجزين قروب ما شاء الله
قلت خلينا على الغرف اليديده ... المهم الصحه والعافيه
اهم شي خلينا نولد

 

[ميلك شيك]

الله يعينج ام عفااااااف عيل امشي على الجهاز شووووووي او امشي بالبيت حوسي واايد بالبيت روحه ورده روحه ورده لمن تحسين انج تعبتي

 

[ام عفاف الكويت]

كلامكم عكس دكتورتي
تقول الصغير هو اسرع واحد يتعب
الكبير يساعد نفسه وينزل تحت الصغير بسرعه يرتفع فوق اثناء الطلق
وتقول لانه انتي قيصريه سابقه مانقدر نضغط على بطنج عشان نساعده ينزل لازم طلقج هو اللى ينزله
عشان ماتتبطل القيصريه

 

[ام عفاف الكويت]

اخر موعد 24 -1 ههههههههه ريضه


تهبل الغرف الجديده ميني رويال سويت جنج داخله جناج مساج ههههههه << تشبيه
كبيره وحلوه والباب حلو والممرات نظيفه وداخل السرير وردي عجبني هههههههههههههههههه

 

[ميلك شيك]

تصدقين انا امي ولدتني كيلو و700 تقووووولي بسرعه نزلتي كانت ولادتها سهله

 

[Pink Angle]

ام عفاف ليش هونتي عن رويال حياه ؟ الكاميليا وايد راقيه وهاديه ومريحه كل اللي يوني ستانسو على الغرفه واتوقع ما شالو العرض مالهم

 

[ميلك شيك]

:eh_s(1):عيل انا قبلج 16-1 الاسبوع الياااااي الله يستر بسسسسسس

 

[ام عفاف الكويت]

بينك جم طلع عليج ؟
وماتعرفين جم القيصريه وجم الطبيعي
انا مو نفس نظامج
ازيد على سعر الغرفه سعر الدكتوره يعني انا دكتورتي زائره
وابي اسوي استقبال كاميليا مالت استقبالات ؟

 

[ام عفاف الكويت]

ميلك شفيج انا بصك ليتات التجمع وبغير اسمه بحط زياده تجمع ولادات فبراير هههههههههههههههههههههه
انا واللى في بطني حديث المنتدى صرنا الكل يترقب الولاده وقصتها

 

[ثلاثينية]

خخخخخخخخخخخخ انا قبلكم

يا ام فوفو مافي فرق بينا
هونيها وتهون

الله يهون عليج ميلك

بطلع امشي اشوي لو ساعه بالممشي .... مع السلامه

 

[ام عفاف الكويت]

وديني معاااااااااااااج ابي اروح
يالله دير بالج ان قدرتي امشي ساعه او اكثر وتدفي عدل
بحفظ الله

 

[ميلك شيك]

الله يهون على الجميع يالله ثلاثينيه شدي حيلج


ام فوفه ان شااااء الله على الاسبوع الياي مبشرتنا بولادتج الله يسهل علينا كلنا يااااااااااارب ونولد عما قريب هالجم يوووووم

 

[Pink Angle]

سألي دكتورتج جم الولاده العاديه وجم القيصريه .. آنا دكتورتي خذت 300 والغرفه 775 وآنا زدت ليله بليلي ب 100 وحاجزه الجاردينبا ب400 .. مع الادويه ومادري شنو خذو منا 1700 وشوي

 

[ام عفاف الكويت]

انزين شوفي
انا دكتورتي تاخذ طبيعي 250 وقيصريه 450
لو نفرض اخذت الليلي وابي الجوري لانه القاردينا كبيره مابيها
الجوري اخذتها يومين بروحه يبله 600 دينار
الغرفه 450 دينار
وان قيصريه 900 دينار
وحطي سعر الميموسا 80
وحطي بعد سوالفهم لازم زياده من 100 الى 200
بصك فوق 2000 <<< تفكر تحول ولادتها اقساط مع الوطني هههههههههههههه

 

[ميلك شيك]

ام عفااااااااف لاتفكرين بالغرفه والله اهم شي راااااااحتج والبيبي يكون بصحه وبعافيه الناس راح يزورونج يومين وبعدها ينسون كلشي *_* والزيااااااره راح تكون حقج لشخصج مووووو للغرفه يعني لاتعبين روحج بالميزانيه عشان الناس

 

[ام عفاف الكويت]

مياك خاطري اسوي استقبال
بس تبين الصج احس مابي اقصر على نفسي بالميزانيه اطلع البيت وانا مفلسه ماتدرين شنو الظروف
يمكن يصير شي او احتاج شي ساعه اقول اولد بالغرفه العاديه وساعه اقول بالغرفه اليديده بدار الشفا
واقول ساعه لا ابي الملكي وضيافه
والله مخي ضارب