هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[أم ضارى]

انا بعد خاطرى البس بوتات عقب الولاده تغيير بس المشكله ان ظهرى راح يكون رايح فيها من العوار ماقدر على الكعب وكل البوتات اللى شفتهم كلهم كعوبه

والصبغ شى ان شاء الله اكيد بس يمكن ماراح اقصه لان ريلى يحب الطويل وانا يادوبك توه يوصل آخر رقبتى بس يمكن ارتبه

والخلطات اختى قالتلى خليها على... امسويتلها يحليلها حواى بدارها وهاتك ياتجارب بس والله شكلها تغير وايد عن قبل وابيضت

والباجى كانى طول الليل قاعده احوس بالنت ادور .... اما الريجيم الله يعينى عليه هذا بروحه بلوه مابعدها بلوه لان الوزن اللى زايدته مو طبيعى وزن انساااااااااااااااان ... اول مره يحصل معاى هالشى مادرى ليش زدت بهالسرعه الشنيعه

 

[أم ضارى]

انا بعد ماحب اطلع عيالى حق اى احد حشا الناس جنهم اول مره يشوفون بحياتهم ياهل!!!

البيبى لاحق على الطلعه والناس ... خليه الله يستر عليه بمكانه محد يبتلش غيرنا فيهم

 

[والله مادري]

بنت باباتي والله الواحد لازم يقولها بويه الثاني سمي ولا صلي عالنبي الناس عينها تحرق لا حول الله

اقري عليها كل يوم مشكله والله حرام حتى البيبيات مايسلمون من عيون الناس

ربي يليها ويكفيها شر العين

حرام كل شي ولا الياهل والله...

خوش تسوين لا تطلعينها لاحد اهم شي راحتكم ..

 

[بنت باباتي]

اي والله انا زوجي يقول انصدمت في ناس جذيه قلت له شسوي يعني دشت فجأه قالي فجأئه والا مو فجأه بنتي ماتطلع لاحد وامي بعد قالت لي ماتطلع لاحد كنت استحي بس بالطقاقا اللي بيزعل يزعل اهم شي بنتي والله لو تشوفين شنو يصير فيهااا تقولين حرام يعني كلمه ما شاء الله تكفي والمصيبه انهم يدرون اني جايبتها كيلوين ونص وشكلها والله بدون مبالغه ضايعه بالايرلي بيبي تخيلي مو التايني
والحفاضه ياحياتي واصله لي حنجها خخخخخخخخخ تموت من الضحك وكل وعندهم مواليد صغار والحمد لله ربي يتمم عليهم صحتهم زينه وجايبينهم وزن طبيعي ويطالعون بنتي
شكلها بتورث عني هالصفه انا جذيه اللي اسويه عجب لو شي تافه يصير حديث المجتمع
يعني يحبون يخوضون بتفاصيلي بالملي راحت شرت شفتي جذيه شفتي جذيه والله لبسي مو كله ماركات ولاحتى كل ساعاتي بس اسمع منهم شفتوا بنت باباتي شرت ساعتها بالسعر الفلاني طبعا يضربون بالعلالي وانا اكون شاريتها ب350 او 400 واهم موصلينها ثلاث واربع الاف
ما ادري ليش واذا قلت لا والله يقولون اتطفين العين شسوي فيهم بالله كتبت قصة حياتي من كثر ماني منغثه

 

[بنت باباتي]

المزوووود غثني

 

[والله مادري]

مادري شالسالفه مرتين ارد وماينحط ردي

 

[بنت باباتي]

والله ما ادري انتي كله ماتدرين؟؟؟؟؟؟

ههههههههههههههههههذا المزود ياحلوه زودها معاج

 

[والله مادري]

ههههههههههههههههههههههههههه مضبعه دوم مادري عاد انا ماداني هالكلمه من كثر ماعقدوني كرهتها امي دوووم ماتدري وزوجي بعد خخخخخ

 

[بنت باباتي]

انا كل ماغثني المزود قعد اكمل موضوع قاعده اكتبه عن العمليه القيصريه
لاني يوم كنت بولد بس قاعده واسأل الاوادم فبحط فيه كل المعلومات

 

[ياوحشة غيابك]

صباح الخير بناااااااات,,,

بنت باباتي وليش تطلعين بنتج للناس انتي مو ملزومة تطلعينها لكل أحد يجيج ...أنا بنفاسي في بنتي ما كنت أطلعها إلا لأهلها واللي اعرفهم حيل حيل اما الباجي كنت اقولهم كنت تبجي من المغص وتوها نامت وفيها ناس تدري اني اجذب بس احس خليهم يدرون اني ما ابيهم يشوفون بنتي لان عيونهم والقبر والحمدالله والشكر ماشاء الله مايعرفون ينطقونها....ديري بالج

وبخصوص اللي تبي تضعف أنا أختي توها توها طالعه من النفاس صار لها 3شهور وكانت مسوية ريجيم بنفاسها لان بعد طلعتها من النفاس بإسبوعين كان عرس حماها المهم شوفوا شنو سوت؟؟؟؟ أول 30 يوم ضبطت نفسها بالادوية عدل وحيل اهتمت بنفسها واخر 10 ايام اشتغلت على نفسها ريجيم التمر واللبن بس حيل بين الضعف خاصة من عند الكتوف وبعد طلعتها من النفاس باسبوعين تقريبا بين الضعف حيل حيل وتقول ضربت عصفورين بحجر من ضبطت نفسي عدل وبنفس الوقت ضعفت وهاذي تجربة اختي حطيتها لكم للإستفادة

 

[بنت باباتي]

هلا فيج ياوحشة ههه حلوه ياوحشه
والله توني افهم المصيبه لما يصيرون اللي قراب عيونهم حاره
المصيبه انها قريبه وما نمون عليها
حتى اختي الكبيره كانت مبتلشه فيها كانت تقول بنتج اتكلم قبل بنت فلانه كله اتقارن اعوذ بالله والله كانت اختي تقرا على بنتها وبنتها تصييييح الحين انا صرت مفترسه اي احد يقول كلمه بقول اذكري الله ماراح اتسحي واللي مايستحي ولا يذكر اسم الله ليش استحي منه
بكرا اتغربل بنتي مثل غربالي

 

[بنت باباتي]

ياوحشه شنو ؤجسيم التمر واللبن؟

 

[ياوحشة غيابك]

ريجيم التمر واللبن اهوا على الريوق 7 تمرات مع لبن والغدا والعشا نفس الشي واذا كنتي حيل حيل يوعانه اكلي بين الوجبات موز أو أناناس وبس

 

[بنت باباتي]

بحاول اطلع اختصار لاسمج وش وش
بجربه وبدعيليج شكله متعب
<<<تموت بالاكل
ينزل حيل انا بس ابي جم كيلوا

 

[ياوحشة غيابك]

والله بين على اختي حيل وانتي حاولي توصلين للوزن اللي تبينه بعدين ضبطي نفسج بريجيم ثاني

 

[ياوحشة غيابك]

وعلى فكرة حلو وش وش اعتمديه

 

[بنت باباتي]

تم اعتماد الاختصار وش وش
قاعده اكتب موضوع انعميت وانا اكتب بحطه بهالقسم
برب

 

[درقاء]

صباح الخير

 

[ام عفاف الكويت]

تسجيل دخول وخروج بعد صامدة

 

[ثلاثينية]

<----- تاكل ايس كريم فانيلا

شخباركم؟