هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[الحور]

هلا حبايبي اشلونكم .. ام عفاف وعليكم السلام ورحمة الله وبركاته ..
انا اخليكم بطلع لبيتي واتواصل معاكم اول ما اوصل على خير ..

 

[Om Banati]

بالسلامه الحور وديري بالج شوي شوي

 

[ام عفاف الكويت]

بخييير الله يسلمج
اليوم رد ريلي من البحرين يدرس امتحانات وياي كرتون فيه 12 حبه حلوة شويطر ومتاي 5 اكياس ورقيييييييييييييييييييييي ياسلااااااااام بس ماحب الحلو وايد ولا احب الموالح وايد
بس الرقي يماااااااااا يهبل اكلت لما طفحت ورجعت اعزكم الله

 

[janoona]

انا الحمدلله زينه بس لوعه ذابحتني


وعليكم السلام ام عفاف

والحور ناطرينج لما توصلين بالسلامه

 

[janoona]

الحمدلله على سلامه و قرت عينج

وعليكم بالعافيه ان شاء الله


بنات بسالكم متى تبدون تجهزون حق البيبي ان شاء الله

 

[Om Banati]

قره عينج ام عفاف طرشيلي شويه حلى وياج ابي مع خبز ايراني لووول ولو بعد معاها رهش اللللللللللللله ذكرت الشتا والمخيم والبلعه
هلا جنونا انا حس ليما تتأكدين شنو ببطنج جهزي واحس بعد قبل رمضان لان اذا دخل رمضان خلاص مواجيب وبعدين قرقيعان وراه العيد ماشاء الله ركظه ما يمدي وانتي شرايج ؟

 

[الحور]

هلا حبايبي .. رجعتلكم ..
ام عفاف ياعمري عطينا من الحلو اشدعوه يحافظ ..

 

[janoona]

اي صاجه انا حاطه بالي اسوي جذي

لانه داش علينا رمضان وبعدين راح نثقل

انزين ومتى تجهزون سوالف المستشفى

يعني الكفر والحلو وهالسوالف

 

[janoona]

حياج الله الحور معانا من يديد

شلونج وشخبارج

 

[الحور]

هلا والله بخير ياعمري .. بالنسبه لتجهيزات انا الحين طلبت جم شغله من البنات اللي معانا بالمنتدى شغلات عمليه عاديه واكيد يبيلي اروح مذركير وسنتر بوينت وودي امر بروي واجهز منه .. وبالنسبه للاستقبال مافكرت فيه ليلحين .. بصراحه يبيله ميزانيه خااااااااااااااصه ..

 

[janoona]

اي صاجه والحين كل شي صار غالي

بس شسوي انا بجر فامضطره اسوي استقبال يا بالمستشفى او بالبيت

وماني عارفه هالسوالف شكثر يبلها وقت حق التجهيز لانه اخاف يمر الوقت

واكون ماسويت شي وداش علينا رمضان وعيد وهذول بروحهم يبلهم ميزانيه بعد

شكلنا بنعلن افلاسنا

 

[الحور]

ماعليه حبيبتي انتي متى تبين تروحين تسوين سونار بعد ماتعرفين جنس الجنين روحي جهزي الملابس العمليه اليوميه مع اغراض البيبي .. وتجهزات الاستقبال هاذي بصراحه يبيلها فراره ماتستعيلن عليها .. والله يعينج ياعمري .. انا ليلحين مافكرت شبسوي ..

 

[ام عفاف الكويت]

انا ودي اجهز بس خالتي ام ريلي ماترضى تقول مو زين فال مو زين تجهزين للياهل مبجر خليه يثبت لما يصير 6 اشهر

انزين بنات ان رحت لاميره متى تحدد لي جنس الياهل وتعرفون تفرقون بين الولد والبنت ؟

 

[ام عفاف الكويت]

جنون حبيبتي انتي محمله شريطتج على موقعنا مايصير جذي مايتحرك ؟

 

[الحور]

هلا ام عفاف بالنسبه لسونار ترا اميره موشرط تقول النوع على الشهر الثالث اذا مومبين ماتقول تعطيج نسبه فقط .. انا في بنتي الثالثه قالتلي ولد بنسبة 80 % وسبحان الله بالنهايه طلعت بنت .. وبحمالي هاذا الله ان شاء الله يثبته وافرح بشوفت الولد قالتلي ولد 100% وماصدقتها ورحت للهادي وسويته عند الدكتور اشرف واكدلي ..

 

[ام عفاف الكويت]

انزين انا متى برايكم اروح انا يوم الجمعه رايحه الهادي طبيبي سامي عشان نسمع النبض اللى ماسمعته امس

 

[janoona]

هلا والله ام عفاف انا هالشريط موعارفه اسوي صح كل ماسويته يطلع غلط عشان جذي خليته وماني عارفه اعدله

وبالنسبه حق اميره اذا انتي ماتراجعين عندها افضل تروحين لها بالرابع معناها من الثالث ممكن تقولج ومثل ماقالتلج الحور

اذا مومتاكده تقولج نسبه مثل ماصار معاي لما رحتلها الاسبوع الاى طاف

 

[الحور]

حبيبتي ام عفاف انتي الحين بأي شهر بالضبط .. وان شاء الله باجر تسمعين نبض الجنين ..

 

[janoona]

ام عفاف اذا تعرفين شلون اعدل الشريط ياريت تقوليلي عشان اعدله

 

[الحور]

حبيبتي جنونا لو اعرف ساعدتج بس للاسف ماعرف ..