هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[لالوش]

انا دخت بروح انام تصبحون على خير

 

[الحور]

رجعنالكم ..

 

[Om Banati]

تصبحين على خير لالوش

هلا الحور

 

[الحور]

هلا وغلا فيج .. اشلونج اليوم ..

 

[Om Banati]

انا زينه الحمدلله يارب .. ةانتي شخبارج ؟

 

[الحور]

انا الحمدلله بخير تصدقين انا ودي يي موعدي بسرعه عشان ابي الدكتوره تصرفلي فيتامينات الحين اعظام جسمي كلها طلع صوت وتكسر بعد ..

 

[Om Banati]

ويييي بعد عمري اخاف ما تاكلين عدل ؟؟؟ سويتي تخليل دم ؟ ترى ضروري..
انا سويته وطلع نسبه دمي نازله شوي من جذي احس بسواده مرات وانتي شكلج يبيلج كلسيوم كثري اجبان وحليب وروب

 

[Om Banati]

يالله حبيبتي ريلي يه تصبحين على خير وما عليج شر

 

[الحور]

وانتي من اهل الخير حبيبتي ..

 

[Rafeef]

صباح الخير يا حلوات :68_asmilies-com:
أنا توني رادة من السينيما عقب يوم متعب بالدوام ما طلعنا إلا 5 العصر:0bee2e8d89:
قطييييييت راسي و نمت ليما التسع عقب قمت كشخت و رحنا لفيلم
إشتقت لكم بس شكله الكل نايم
تصبحون على خير يا حلوين

 

[الحور]

مساء الخير .. اشلونكم كروشات ..

 

[janoona]

شلونكم بنات شخباركم

ام بناتي مشكوره حبيتي على الدعاء وعسى الله يرزقج الاى تمنينه ويفرح قلبج

 

[Rafeef]

مساء الخير يا احلى حوامل
شكلكم الوم قازين
يالله الله يهنيكم إنشالله

 

[الحور]

هلا حبايبي رجعتلكم بس شكلي راح اكون معاكم بشكل متقطع لان انا في بيت عمي وبوقت زواره ..
ها اشلونكم ما اقدر اخليكم لازم ادخل واسلم عليكم ..

 

[janoona]

تمام الحمدلله انتي شلونج

وشلون الثقل معاج

 

[Om Banati]

مساء الخير بنات شلونكم ؟

هلا الحور اي كلنا زواره اليوم انا توني ر اجعه واحس ظهري يعورني يمكن لاني ما ريحت اليوم والحين منبطحه على القنفه واسولف وياكم ياحلو البيت والله

جنونا بعد قلبي تستاهلون انتو خواتي وانتي بعد مشكوووره

هلا رفيف عليج بالعافيه حبيبتي زين سويتي طلعتي غيرتي جو

 

[janoona]

هلا والله ام بناتي انتي شلونج وشخبارج

اي والله صاجه ماكو اريح من البيت انا اليوم امي وخالتي زاروني وقعدوا معاي استانست شوي معاهم

 

[Om Banati]

اي ماشاء الله زين سوو خففوا عنج الطلعه
انا الحمدلله زينه بس احس ظهري يعورني يبيلي اريح شوي الظاهر
انتي شخبارج ؟

 

[ام عفاف الكويت]

<< السلام عليكم

 

[Om Banati]

وعليكم السلام هلا وغلا ام عفاف شلونج ؟