هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[الحور]

هلا ام بناتي بصراحه ماقدرت قد لازم ادخل النت ام عبدالله وام بناتي ماقصرتو عالردود الجميله ..
ورود ماتشوفين شر ياقلبي ..
يابنات انا ثقلت بالحيل لدرجه اني ماقدر اقوم من مكاني وماني متينه وزني بالحمال58 صج صج ثقيله وهاذا انا لي 4 ايام بالرابع لي وصلت الخامس والسابع شسوي شكلي صج بتوهق .. والله لي درجه اني احس نفسي تعبانه بالحيل ..

 

[Rafeef]

الدوامات يا ام بناتي هاده حيلنا ناطرين الاجازة
إنتي اشلوج انشالله بخير ....متى العمرة انشالله الله يوفقج و يستر و يتمملج على خير انشالله

 

[Om Banati]

هلا وغلا بالزين كله توه مانور المنتدى اييي عفيه الحور لا تغطين عنا سيري علينا والله نوله عليج ... الله يعينج على الثقل جنه مبجر وعليه الله يسهل عليج ان شاءالله بطنج كبر ولا بعد ؟
اهلييين رفيف انا الحمدلله تمام وان شاء الله العمره الاثنين الياي الله يسهل عسى ما اتوهق هناك واتعب الله يستر واكيييد بدعبيلكم كلكم لا تحاتون انتوا خواتي

 

[الحور]

اختي حامل قبلي بشهرين وبصراحه بطني اكبر منها .. من دخلت الرابع احس انه فجأه كبر ..

 

[Om Banati]

اي ماشاء الله ترى هم انا احس بطني يفشل مو مال وحده لي الحين بالثالث مو معقوله امي تقول البطن الرابع غير لاهو اول ولا ثاني ... الله يهون عليج يارب ويريحج وكله فكري بأشياء تونسج وان شكل الحامل حلو راح تستانسين ويمكن اختج اول بيبي ولا الثاني صح ؟

 

[الحور]

لا اختي ماشاء الله الخامس

 

[Om Banati]

ماشاء الله الله يخليهم لها ويخليلج عيالج
الحور انتي تشنغلين ولا لا ؟

 

[الحور]

اشتغل بس مكاني مجهوووووووووووول هههههههههههههههه ..

 

[Om Banati]

لوووووووووول شكلج عميله سريه
اهم شي انج مرتاحه منه واذا حاسه روحج تعبانه اخذي اجازه لوهي جم يوم ريحي شوي تصدقين مرات الواحد يحتاج يصد عنهم شوي

 

[Om Banati]

ابي اشتري جم عباه حق العمره ومابي غاليه الصراحه من وين القى ؟

 

[Om Banati]

لول قصدي عبايه

 

[ktkota_we9we9]

قوه صديقاتي بالمشوار الطويل لووووول
انا بعد وياكم والله يتمم ويسهل علينا

 

[Om Banati]

اهلا اهلا بكتكوته ويص ويص لوووووول اسمج يونس ... الله يتمم عليج وحياج ويانا

 

[الحور]

هلا فيج اختي كتكوته حياج الله معانا ..
ام بناتي شعبالج انا شويه ههههههههه ..
يمدحون عبي الفروانيه مع انه انا ماعرف فيها شي بس دايم بنات الدوام يمدحونه ..

 

[Om Banati]

اي والله يقولون بس مادل هناك عدل بسأل رفيجاتي يمكن احد يدله وادبسه يوديني وافتك شرايج فيني

 

[ktkota_we9we9]

تدرسون ولا موظفات

انا ادرس وعطلت ارتحت
انا اول حمله و اول الاشهر لازم راحه افتكيت من الدوام

 

[Om Banati]

اشوه انج عطلتي كتكوته ياااا حلاه الاجازه لا انا اشتغل صارلي سنتين

 

[الحور]

وااااااااااااااي انا قديمه صارلي 4 سنين اشتغل ..

 

[janoona]

شلونكم بنات وشلون النساة معاكم

ماخفت عليكم شوي ؟

ومافي وحده سوت سونار وعرفت شنو فيها

انا الدكتوره معطتني موعد هالاربعاء وقالتلي ان شاء الله اقولج شنو فيج

 

[ktkota_we9we9]

انا سويت سونار قبل جم اسبوع يعني بالثاتي لانه نزل علي دم و كنت خايفه بس اشوه الدكاتره طمنوني قالو عادي
اول مره اسوي سونار وسمعتني دقات القلب والله يا بنات حاطه الجهاز على بطني وانا اطالع الشاشه وميته من الضحك موقف يونس ماقدرت امسك روحي الدكتوره تضحك تقولي بسج عشان بتاخذ صوره مو قادره لاني قاعده اضحك
كان وياي ريلي وخالتي ام ريلي اطمنت وياي
ماادري شبسوي بالسونار الياي خصوصا اذا بقولولي جنس الجنين لووووووول