هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[Om Banati]

هلا ام عبدالله شلونج ؟
انا طلع بطني يمكن لان مو بجر انا ماشاء الله رابع حمله لووول بدعت ورا بعض الله يعينا على التربيه بس
ترى انا ببجري ما طلع بطني الا بالسابع لاني كنت عصله يمكن وتخيلي وكنت بالجامعه ولا وحده من البنات ماتعرفني عدل تقول حق رفيجتي ماشاء الله فلانه جسمها حلو بس حسافه عندها كرشه لووووووووووووووول اي كرشه انا مت من القهر انا حدي مستانسه وكاشخه ببدلات الحوامل وهذي تقولي كرشه اففف بس وراها ارتزت الكرشه بسرعه لااااااحقه على الكرشه شتبين فيها بعدين بتقولين اااااااااااه يا كرشتي متى تروحين

 

[@ ام عبدالله @]

ماشالله عليج ام بناتي ولله زين مابين الا بالسابع بس ابي اعرف الغالب متى يبين متى يبرز باي شهر وبعدين انا مو مثلج

انا مربربه وفيني كريشه من قبل لاحمل بس مو كبيره

 

[Om Banati]

اغلب البنات بالخامس يبين البطن عدل ما بقى شي اصلا يطلع لج بطن فجأة بيوم وليله والله وفي ناس من الرابع على حسب

 

[@ ام عبدالله @]

ان شالله ولله حدي متشوقه ابي اشوف شكلي وانا حامل شلون صاير حلو ولا يلوع الجبد مدري يمكن لان اول حمال لي

الله كريم ان شالله

 

[Om Banati]

لا اكيييييييييييد حلوووووو .. الله يتمم عليج يارب ويرز كرشتج علشان تفرحين

 

[@ ام عبدالله @]

امييييييييييييييييين يارب الله يسمع منج ان شالله تسلمين حبيبتي

 

[Om Banati]

الله يسلمج من كل شر

 

[الحور]

هلا وغلا فيكم كلكم .. ام مهدي اشلونج ياعمري ومشكوره عالسؤال وطمنينى عنج ..

 

[الحور]

حبايبي انا ماراح اطول راح اطلع الحين لاني تعبانه .. وشكلي هاليومين بعد ماراح ادخل نطروني اسبوع على ماتصحصح .. ام بناتي اسلم عليج قبل لاتروحين العمره اخاف ما ادخل النت الفتره اللي بتسافرين فيها ولا تنسين ياقلبي ادعيلي .. بنات ماوصيكم على ام بناتي ديرو بالكم عليها .. تراها حبيبتي .. ولا قصور بالباجي .. ولا يهمكم كلكم حبايبي ..

 

[بنت باباتي]

قوه بنوتات شلونكم

 

[@ ام عبدالله @]

هلا ولله الحور ماتشوفين شر ان شالله نشوفج على خير وماعليج ام بناتي في عيونا اهلين بنت باباتي حاج الله احنا

بخير انتي شخبارح طمنينا عليج

 

[Om Banati]

يااااا بعد عمري الحور ما قصرتي يالغاليه وماتشوفين شر والله يطمنا عليج ولا تحاتييين اكييييد مثل ماراح ادعيلي والله بدعيلج من كل قلبي وبدعيلكم كلكم يا بنات لا تحاتوووون ومشكوووره لانج وصيتي علي والله احرجتيني :eh_s(22):
ام عبدالله تسلم عيونج ماتقصرين واااي ماعبر على هالحجي من قدي
هلا فيج بنت باباتي شلونج وين غاطه عنا ولهنا عليج

 

[star_tete]

انا مادري هي كرشة والا نفخه هوا لي بطن الحين بس لاني من قبل بطني منتفخه بشكل ملحوظ نوعا ما..
متعقده الحين نفسي اعرف هي بطني نفخه حمال والا هوا

 

[Om Banati]

صباح الخير بنوتات شلونكم ؟ بشرونا عنكم
اي الله يعينا على النفخه انا جذي مثلج ستار تيتي وقالولي شربي ليمون وحطي عليه قفشه كمون ودي اجرب بس احس ماحب طعمه

 

[* ورود *]

صباح الخير بنات

اشلونكم ؟

بنات انا مرتفعه حرارتي من اربع ايام وتوصل 38.5 ورحت لمستشفى الولادة وقالوا لي ما نقدر نعطيج اي علاج غير البنادول
لأنج بالشهور الاولى وانا الحين قاعدة اخذ البناول الازرق من 4 ايام لكن بدون فايدة !
للحين حرارتي مرتفعه وترجيع ومغص في بطني

بنات شنو اسوي ؟

وهل كثرة البنادول تأثر على الجنين ؟

بانتظاركم

 

[Om Banati]

ةالله مادري الصراحه بس الحراره كلش مو زينه وطولت وياج ردي روحي الدكتور احسن وما عليج شر ان شاء الله

 

[Rafeef]

ما تشوفين الشر يا ورود إنشالله و انا مع راي ام بناتي إنج تروحين لدكتور

 

[* ورود *]

بنات مريت العصر على دكتورتي وقالت ما أقدر اعطيج اي شي غير البندول

الحمدلله على كل حال

بس الصراحة انا خايفة على صحة الجنين

الله يستر

 

[Om Banati]

مادام دكتورتج قالت جذي اهي ادرى ولا تحاتين ان شاء الله ماكو الا العافيه وماعليج شر تدفي وريحي وان شاء الله تصيرين احسن يارب

 

[Om Banati]

هااااي بنات شلونكم ؟ وينكم صخه عسى ماشر ؟