هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[Om Banati]

هلا بالحور انا مادري جم لي وشلون احسب كل جم الشهر ادش شهر يديد علموني

 

[Om Banati]

ام عفاف روحي الطبيب علشان تسوين تحاليل احسن لج سبحان الله اخاف تحتاجين قيتامينات او شي ما تدريت بعد

 

[الحور]

هلا فيج ام عفاف انا نفس الحاله هبوط الضغط حيل ذابحني قبل جم يوم بالسياره قاعد اسوق والا ييني الهبوط اثناء السياقه وفرت السياره معاي الله ستر والله يعطيني القوه بعد الهبوط وامسكلج السكان بالقوه .. ام عفاف الا بسئلج انا كان عندي Folic Acid ولمدة 3 اشهر اكلتهم العلبه فيها حبوب حق اربع اشهر اكلت 3 اشهر وحبوب الشهر الرابع بناتي الله يصلحها العبو فيهم والحين عندي واحد ثاني نوع ثاني عادي اكله ..

 

[Om Banati]

اي عادي ماعليه تفس الشي حتى لو نوع ثاني الحور بس انتي دخلتي الرابع مو بس خلاص جنه نوقفهم اول كنا من ندش الرابع

 

[الحور]

هلا ام بناتي انتي اخر دوره يتج 12/3 صح .. قولي 12+5=17 و3+9=12 يعني كل 17 من الشهر تدخلين الشهر اليديد .

يعني انتي صارلج يعني بعد اسبوعين تسكرين الثالث ان شاء الله ..

 

[ShoOog el3YoOoN]

السلام عليكم ورحمة الله وبركاتة


مرحباا بناات شلونكم ...


انا معاكم بهالتجمع من اول شهر حملت فيه والمفروض اكمل معاكم بس ربي ماكتب واليوم سويت عملية تنظيفات لان اليبي ميت فبطني وقالولي مافي نبض وسويت تنظيفاات ..

الحمدالله على كل حال انا راضيه بحكمة ربي..



اللهم آجرني في مصيبتي وأخلف لي خيرا منها ...​

 

[الحور]

والله مادري بنات الدوام قالولي 4 اشهر ..

 

[Om Banati]

بعد قلبي شوق العيون الحمدالله على السلامه والله يعوضج ان شاء الله لا يضيق خلقج اكييد خيره تأكدي والله يرزقج ان شاء الله قولي امين

 

[الحور]

ShoOog el3YoOoN ماتشوفين شر ياقلبي الله يعوضج ان شاء الله ونجتمع معاج ان شاء الله ..

 

[Om Banati]

مشكووووره الحور على الحسبه يعني انا باقيلي يومين واخلص الثالث ؟؟ عقب باجر 7 الشهر ولا شلون ؟

 

[الحور]

لا كل 17 مو كل 7 ام بناتي اشفيج ..

 

[Om Banati]

لووووووووول مبين مستعيله صح

 

[ام عفاف الكويت]

الحمدلله على سلامتج ياقلبي والله يعوضج يارب

والهبوط شنو قالوا لج ببطنج
لانه الصداع ولد قالوا لي بس ماصدق

 

[الحور]

ههههههههههه ام بناتي انتي نفس حالتي اول ماحملت ودي يقولولي لي 4 اشهر عشان اركض اسوي سونار ..
ام عفاف انا معاي الهبوط عالطول موبس بالحمال متعوده عليه موشرط ولد لان همن جذيه في بناتي وان شاء الله الله يرزقج ويرزقني انا وام بناتي بالولد الصالح المعافى ..

 

[ام عفاف الكويت]

انا ودي يقولون انتي 5 اشهر عشان اسوي السونار الرباعي او الثلاثي شدراني شسمه ههههههههههه بشوف

 

[الحور]

فيه رباعي وفيه ثلاثي .. طبي وتخيري .. ياعمري ..

 

[ام عفاف الكويت]

ابي اللى يبين شكل الياهل بالتفصيل ويعطونج شريط فيديو اي واحد هذا ب 35 دينار بالشفا

 

[خلود العامر]

بناااات الي يحوشها هبوط بالضغط لا تهمل نقسها لان الهبوط خطير

انا نفسكم يحوشنى ساعات هبوط بس قالت لى الدكتوره انه ما اجوع نفسى

كل ساعه لازم اشرب عصير او اكل تفاح يعنى ما تفضا معدتى

والله يسلمنا من كل شر ::tek:

 

[الحور]

ام عفاف اللي يبين الرباعي لانه ملون الثلاثي ابيض واسود بس عاد مادري جم اسعاره بالمستشفيات ..
عذاري ماتشوفين شر وصاجه يبيلنا عالطول من هالعصاير والفواكه .. وماتشوفين شر ..

 

[ام عفاف الكويت]

انا قال لي كثري رقي ههههههههههه لانه ماحب وايد ماي