هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[@ ام عبدالله @]

ام بناتي تروحين وتردين بالسلامه ان شالله ودرقاء والله خوش فكره انا الحمدلله مثلج من يوم ماحملت وانا يوميا احط

ايدي على بطني واقرا سورة مريم وكل اثنين وخميس اقرا سوره البقره ومع الاستغفار بكل صلاة والله يثبت عيالنا يارب

 

[Om Banati]

الله يسلمج ام عبدالله ما قصرتي يالغاليه

 

[أم زينه]

الله يتمم علينا كلنا انشالله
انا اليوم رحت موعدي وسويت سونار واااي لمل سمعت النبض ياني شعور موطبيعي بغيت ابجي كنت ابي ريلي معاي بس ماكان معاي لا تشوفون شكلي وانا طالعه من من غرفة السونار وانا الابتسا مه مو قادره اخشها وقالت لي 6-6 ادش الثالث بس الدكتور قال 8-6 بس مادري امشي على اي كلام
وسالت الدكتور عادي اسافر لاني بسافر شهر نص 7 قال عادي بس امشي بالطياره
اليوم انا كانت مراجعتي بالعدان لان فيني سكر بس مراجعاتي بالسلام عند الاسطل
وانشالله الله يرزقنا اطفال كاملين الخلقه والله يسهل علينا

 

[Om Banati]

ماشاء الله ام زينه الله يتمم عليج ويفرحج بضناج يارب الحين صج تحسين انج حامل واكو بيبي في بطنج صح ؟ و ترى ما تفرق على يومين عادي لا تحاتين والله يسهل عليج ان شاء الله

 

[ام عفاف الكويت]

الله يتمم عليج ياقلبي وانا ودي اسافر عاادي بنات ؟
انا شهر ونص او بكون شهرين وقت السفر عادي

 

[Om Banati]

ام عفاف جنج بعدج اول الثاني اخاف تحوسين وتتعبين على الاقل لو اخر الثالث ممكن .. سألي دكتورتج بعد احسن

 

[ام عفاف الكويت]

على قولتج رحت الطبيب قبل ساعه قال ضغطتج نازل والحين اشرب ليمون بالنعناع حيااااااااج

 

[Om Banati]

اللللللللللللللللللللله عليج بالعافيه جني بقلدج بروح اسويلي
اذا ضغطج نازل اكلي روب وملحيه انا كنت جذي اسوي يرد روحج شوي و ماعليج شر

 

[الحور]

أم زينه الله يتمم عليج وان شاء الله تفرحين في شوفة البيبي ..
ام عفاف الكويت اشلونج شخبارج اشلون بنيتج .. وبالنسبه لسفر احسن شي سئلي دكتورتج لانها ادرى بحالتج ..
Om Banati اشلونج اشلون الثلاثي المرح ..

بنات اشلون الحمال معاكم شنو شنو المستجدات اللي عندكم .. بنات ماتدرون شفيها ناهدا العلي ,,

 

[Om Banati]

اهليييين الحور ... واااي الثلاثي المرح مطلعين عيوني اسم الله عليهم يموتون من الضحك كل شوي لابسيلي شي ويسوولي تمثيلية طلعو كل اللي بالكبت اعفسونا لوووول بس والله يضحكووون مادري من وين اييبوون سوالفهم وعليه على الصغيره ماتدري وين الله قاطها لبسوها وياهم وحسروا فيها واهي مستاااانسه مكيفه انها مشاركتهم توني زفيتهم وقتلهم رتبوا الحوسه الي سويتوها ولا بتنطقون طقققققققققق لوووووووووووووووووول .. انتي شخبارج ؟ وشلون الأميرات الثلاث ؟
انا اسمع ان ناهده مو موجوده مادري شالسالفه الصراحه .

 

[ام عفاف الكويت]

قاعده اكل بذنجان مخلل بصلصه الليمون المصري وفلفل وثوم وخل

 

[الحور]

هلا ام بناتي ماعليهم الاميرات قاعدين بنتي الكبيره مجابلتني والصغار قاعدين يحوسون بالحوش بهالحر ..
ام عفاف عليج بالعافيه ياعمري خففي من البذنجان هالفتره عشان مايغثج ويعور جبدج ..

 

[Om Banati]

يااااا حلاتهم الله يخليهم اي عادي اليهال ماعليهم من الحر حتى بناتي بلعبون بره وخيسه بس عندهم برااااد على قلوبهم
ام عفاف لوووووول بدعتي دير بالج من الحارج

 

[الحور]

ام بناتي الظاهر ماكو احد بس انا وانتي .. مادري وين باجي البنات ..

 

[الحور]

انا بروح اصلي وبشوف بناتي عشان اعشيهم وانومهم .. وشوي اتواصل معاكم .. فمان الله ..

 

[Om Banati]

اخذي راحتج حبيبتي انا سبقتج نومتهم باقي بس الصغيره
ناطرتج

 

[ام عفاف الكويت]

شسوي الباذنجان فيه ملح ابي اريح نفسي من الصدااااع

 

[Om Banati]

الله يعينج حبيبتي والله كسرتي خاطري

 

[الحور]

هلا بالبنات كلهم ..
بنات اشقلتم عن موضوع ناهدا العلي ..
بصراحه احس ان في شي موطبيعي ..

 

[ام عفاف الكويت]

خليها على الله
البلوه 4 ايام غايبه عن المدرسه