هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[daloO3a]

كوكه الف مبروك حبيبتي والله حتى انا ذابحتني اللوعه و الترجيع و امس كليت ليمونه و شوي خفت بس ردت مره ثانيه

 

[كوكه]

و الله دلوعه انا بالنسبه على الاكل هابة هاليومين على اللحم و انا الحمدلله قبل لا احمل كنت مسوية رجيم و نزلت جم كيلو هذا غير اني امشي بالدوام غير صعدات الدرج اما الكريمات انا و الله ببلش من الشهر الرابع نفس و لدي و كنت احط زيت اللوز الصبح و الحمدللة لما ولدت و لدي ما فيني تشققات

 

[daloO3a]

كوكه اي الحمدالله وايد زين زيت اللوز امي وايد تمدحه انا استعمل اويل بيبي جونسون الثقيل

جنه جل

والله بالنسبه للاكلي فا انا كلش ما اكل شي والماي بالقصب اشربه

لني وايد ارجع تكرمين

 

[@ ام عبدالله @]

انا الحمدلله نساتي خفيفه بس جايتني صده من السلطات ومنجات الالبان بجميع انواعها بس ابي اسالكم بنات متى

نبلش نستعمل الكريمات للتشققات يعني باي شهر يابناااات ؟؟؟

 

[الحور]

الف مبروك على فتح موضوع خاص فينا .. انا ان شاء الله ولدتي في 5 / 12 عسى الله ييسر ويسهل ولاداتنا ..
ادعولي يابنات ان يكون اللي فيني ولد وبصحه وعافيه لان عندي 3بنات واتمنى الولد .. وادري بتقولولي اهم شي الصحه والعافيه والنوع موضروري انا معاكم بس الواحد يتمنى ..

ام عبدالله
بالنسبه لكريم التشققات انا استخدمها من بداية حملي احسن ..
..



بنات ياعمري بغيت اعرف مستشفى الهادي عنده سونار ثلاثي الابعاد طوارئ يعني موعياده ..

هل يبين نوع الجنين في نهاية الشهر الثالث ..

وشكرا ..

 

[دلوعةq8]

اهلين ام عبدالله
بس انا وياج الحين بهالتجمع
اذا على الكريم استخدميه من الرابع
ولا تحكين بطنج

والله يهون على الجميع

 

[daloO3a]

ام عبدالله ديربالج تحكين بطنج ترى علطول يطلع هذاك الخط الاحمر و يتحول للابيض قطيعه ما احبه استغفرالله

بنات ترى الكويم اللي استعمله زين و طبيعي و احسه طبي لنه مال اطفال فا ما اتوقع ايظرهم

بيبي جونسون اللي جنه جل وايد زين و ثقيل انا احطه حق بطني والله ساعات احس ايحكني و انا نايمه فا قمت احط من الاويل

الحور اهوا الهادي عندهم و انا اختي كانت مسويته حتى عطوها سي دي فيها اللي سجلوه و جنه كان ملون يعني الصور ملونه

بس ما اتوقع ايبين جنس الجنين الا بالرابع و عشر تيام ياالله ايبين يحلوه الحين اهوا نتفه

عسى ربي يثبته يارب

و انشاالله فيج ولد معافى لازياده في خلقه ولا نقصان

 

[الحور]

daloO3a مشكوره ياعمري على ردج وبالنسبه لسونار دقيت وقالولي بس بالعيادات طوارئ مافي ..
عاد الحين بذمتكم ماتشوفون العيادات زحمه موووووووت .. كرهت اروح العيادات والسبه النطره ساعاااااات ..


..



يالله بنات كل وحده تقولنا وين ودها تولد ومنو دكتورتها وبتسوي استقبال بالمستشفى والا لا ومتى تبون تجهزون حق البيبي ومن وين ..


عن نفسي محتاره وين اولد يا برويال حياة او السلام ودكتورتي ان شاء الله ناهدا العلي وبالنسبه لتجهيز البيبي ان شاء الله اذا عرفت نوع الجنس راح اجهز شوي شوي لي الشهر 8 اكون ان شاء الله مسكره الجنطه المكان اللي راح اجهز منه بالكويت ماعندنا احلى من مذركير (مع انه موحق كد ومد عالطول يتمدد الخام معاج) ومن سنتر بوينت .. والمهادات مفكره اخذ مهادات اللزق من البنات بالمنتدى والعادي الربط من عيد النصار ..


يالله كلنا انتشارك ..

 

[الحور]

بنات نسيت لاقولكم احسن كريم لتشققات البطن ..



زيت اللوز المر .. وتوني شريته لي شهرين احن على ريلي يبه بالمووووووووووت يابه ..

وفيه كريم حلو استخدمته بالشهرين الاولي والثاني ماركته افلون (سياره مو كريم) لتشققات الحمل واللي يسون حميه رجيم حسيت ان التشققات اللي فيني خاااااااف لونها تلقونه بصيدلية هلتون موجوده بميدان حولي والمنقف فيه انواع وايد منه ..

 

[daloO3a]

الحور انا والله ليلحين مادري انا بعد اسبوعين برد الكويت و برد امريكا شهر 6 و مادري اذا بولد بالكويت او بمريكا

و بالنسبه للتجهيز بالكويت احلا شي مذركير و بروي اللي بالافنيوز يشوق حده

و انشاالله لي عرفت جنس البيبي بشتريله

والله انا من الوناسه قمت اشري من الحين لوووووووووووووووووول بس اشتري الوان تلبس بنات و صبيان مثل اصفر رمادي يعني جذيه ههههههه

عسى ربي يكمل فرحتي و يقر عيني و اشوفه معافى سليم لا زياده في خلقه ولا نقصان

 

[الحور]

اللهم امين اي والله صج نسيت برووووي بروح اجهز منه ..

يالله ان شاء الله تولدين عندنا بالكويت عشان نقوم بالواجب ياdaloO3a

 

[دلوعةq8]

انا عن نفسي هالمره بجهز من النت احسن واوفر واحلى بعد
بجهز عقب ما اعرف شنو جنسه بخلي كل شغلي خالص من نهايه السادس الا القمصان والكفر بأخرهم شوي لين ينزل الشتوي وعقب اشتري
لاني اتعب حييييييييييييل عقب السابع وهذا ثالث بيبي لي عسى الله يثبته لي انشالله ويمده بالصحه والعافيه والخلقه الحسنه

 

[daloO3a]

اي والله بنات انا اذا بولد بالكويت يمكن اسوي استقبال بس اذا ولدت بمريكا لمن اطلع من الاربعين اسوي استقبال كبير

 

[الحور]

والله حلوه فكرتج انج اتجهزين من النت يا دلوعه ..

يالله عاد اول ماتجهزين ورينا شغلج ياحلوه ..

الله يرزقج بلي تتمنينه ..

 

[الحور]

حبيبتي اذا ولدتي بامريكا متى راح تشرفينا بالكويت ..

 

[daloO3a]

اي صح حلوه انج تجهزين ن النت احسن من الفراره و عوار الراس

 

[daloO3a]

عقب ما اول و اشد حيلي شوي ارد الكويت

 

[daloO3a]

بنات منو شافت غرف الملكيه مالت مستشفى الراشد كبيره و حلوه ولا نو؟

 

[الحور]

حبيبتي انا لما اسئل عن مستشفى الراشد مايمدحونه لي البنات .. ولج الخيار ..

 

[@ ام عبدالله @]

بنااااات انا ان شالله باذن الله ناويه اولد بدااار الشفا بس من تنصحووني باي دكتوره شرايكم بدكتوره معصومه اللي بدار

الشفا ولا ارووح لناهد العلي ولله حدددددددديييييي محتاااااااااره