هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[الحور]

يالله الله يعين .. لا بعد ماعندي خدامه ..

 

[الحور]

حبيبتي ام عفاف انا بروح ازور الوالده وشوي وارجع لج ..

 

[ام عفاف الكويت]

حبيبتي بحفظ الله

 

[ام عفاف الكويت]

 

[ام عفاف الكويت]

 

[الماسة]

السلام عليكم ......اسمحولي أنضم معاكم أنا ولادتي 24\12 .... وانشالله قبلها باسبوعين يعني 11\12 تاريخ ميلادي وتكون بنوته... عندي ولدين ومشتهية بنت ادعولي ... وانا الحين بآخر الشهر الثالث... ولدت عند محسن طلبه بدار الشفا بصراحة ولادة عجيبة لا ألم ولا شي مادريت الا وهم يقعدوني بغرفتي الجونيور بس بأسألكم يقولون الغرفة الملكي بـ 640 دينار ... صج ولا لا و أبي أحسن دكتورة ولادة تعرفونها واشرايكم بدكتور مدحت فوزي اللي بمستشفى العرف ... ردوا علي لا تخلوني:edbf4317b9:

 

[ام عفاف الكويت]

هلا حبيبتي وحياج الله وربي يسهل عليج ياقلبي
ليش ماتحطين الشريط نفسنا والله يرزقج يارب اللى تمنينه

حبيبتي والله دار الشفا يقولو محسن طلبه ممتااااااااااااااااااز
بالنسبه للعرف امدحوه بس للحالات الخاصه يقولون انا مادري قالوا لي بس انا الهادي

 

[Om Banati]

انا باااااااك
هلا فيج الماسه وحياج الله معانا والله يتمم عليج يارب ويرزقج ببنوته حلوه

 

[++The DuchesS++]

مرحبا بنات تجمعكم شكله يووونس
قلت ادش اسلم عليكم
انا ولادتي بتكون اول 10 ويمكن برمضان الله اعلم
منو موجود؟؟

 

[ام عفاف الكويت]

ولكم باااااااااااااااااااك ام بناتي
اهلين غفران الله يسهل عليييييييييج

 

[Om Banati]

هلا فيج غفران وناسه ما بقى شي ان شاء الله على ولادتج الله يتمم عليج حبيبتي وحياج ويانا

 

[++The DuchesS++]

الله يحييج ام عفاف وام بناتي

 

[Om Banati]

اي شهر الحين غفران ؟

 

[++The DuchesS++]

ام عفاف

سويتي سونار ولا بعد ؟؟

 

[++The DuchesS++]

انا الحين بالسادس ولله الحمد

ام عفاف
اشوف ردودج بالصفحه اللي طافت وشكلج محتاره
اذا توقيعج حاطتله موعد ولادتج 22 يناير يعني انتي
ماشيه بالاسبوع التاسع وبعد جم يوم تدشين الثالث ماشاء الله

 

[ام عفاف الكويت]

لا ماسويت سونار عطاني موعد الجمعه ان شاء الله لانه ماسمعنا النبض

 

[++The DuchesS++]

للي محتاره بالحسبه
هذي الحسبه اللي اغلب الدكاتره ماشيين عليها
وتكون مضبوووطه اكثر
لانه الشهر بالحمل ما ينحسب 4 اسابيع لا اكثر شوي




4اسابيع و3 ايام كملتي اول شهر ودخلتي الثاني
9 اسابيع كلمتي ثاني شهر ودخلتي الثالث
13 اسبوع و3 ايام كملتي 3 شهور ودخلتي الرابع
17اسبوع و6ايام كملتي اربع شهور ودخلتي الخامس
22و2 يوم كملتي خمس شهور ودخلتي السادس
26 اسبوع و5 ايام كملتي ست شهور ودخلتي السابع
31اسبوع و2 يوم كملتي سبع شهور ودخلتي الثامن
35 اسبوع 5 ايام كلمتي 8 شهور ودخلتي التاسع
40 اسبوع كلمتي 9 شهور وان شاء الله مادشين العاشر ههه
ان شاء الله يكون بيبيج بحضنج يارب

 

[Om Banati]

مشكوووووره على الحسبه عاد صج كنت ابي اعرف متى ادش كل شهر ما قصرتي

 

[++The DuchesS++]

ام عفاف

انا اذكر اول مره سويت سونار كان خارجي ومابين النبض بس الجيس
بعدها بيوم سويت سونار داخلي وسمعوني النبض الحمدلله
ساعات بالاسابيع الاولى ما ينسمع اذا كان السونار خارجي

 

[امبراطوره]

أنا معاكم أخر دوره 29/3