هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[بنت باباتي]

مافار ولاسار شي

 

[@ ام عبدالله @]

قوة بنات شخباركم مادري بنات انا مو واثقه من الطريقه وثاني شي حرام نحط النعمه في النجاسه لاحقين ليش مستعجلين

مصيركم ان شالله راح تعرفون شنو في بطونكم هو واحد من اثنين يابنت او ولد بسسسس لاتشغلون بالكم من الحيين

وعسى اله يهون عليكم ان شالله

 

[الحور]

يالله الله كريم .. يرزقنا بلي نتمناه انا ابي اسوي سونار هالاسبوع بس حدي خاااااااايف وامي حالفه علي ما سوي تقول توه صغير ولاتغلطين نفس ماغلطتي في بنتي الاخيره لي شهر الخامس ويقولولي ولد وهالمرا بروح بس حدي متردد عندي موعد نهاية الشهر عند دكتورتي ناهدا وودي اروح قبلها لاميره تسويلي سونار عفيه بنات ادعولي بالولد ..

 

[Om Banati]

الحور ياللللللللله ياااارب يقولولج ولد وتفرحين وتفرحينا
صج انتي المره اللي طافت قالولج ولد لي الخامس ؟؟؟ عند منو كنتي مسوية سونار ؟؟ ابيييييه يعني حتى لو هالمره قالولي ولد لا استانس يمكن غلط صح ؟ انا الصراحه بكل بناتي على طوول يقولولي بنت ماكو مناقشة لووول .. انا اقول سوي السونار بس لا تاخذين بكلامه 100% وان شاء الله تيينا تبشرينا يارب
بنت باباتي الظاهر التجربه خواره جربتها بعد على بنات خالتي 2 وهم ما فار مو معقوله كلنا بنات ؟؟ يالله اللي بالجدر يطلعه الملاس

 

[star_tete]

بنات ابي اتاكد من شريط الحمل مالي احس فيه غلط بالاسابيع.. انا دكتورتي قالت
لي كل 27 كل شهر تخلصين شهر
اخر دورة لي كانت ب22/3
اشلون بضبط شريط الحمل وبعرف انا فعلا بجم اسبوع ياليت تساعدوني

 

[Om Banati]

هلا حبيبتي ستار تيتي ان شاء الله موعد ولادتج 27-12-2008
وانتي الحين لج 10 اسابيع و 3 ايام ما فرق وايد على شريط حملج يومين بس والله يتمم عليج يارب

 

[star_tete]

الله يزاج خير ام بناتي بس اشلون ....
اعدل..شريط مالي....

 

[Om Banati]

اممممم خل احاول اسويلج اياه وادزه لج دقيقه

 

[Om Banati]

تفضلي ستار تيتي بس شيلي اللي انتي حاطته بتوقيعج وحطي هذا بداله حياج الله

 

[Om Banati]

بدزه لج رساله بعد اخاف ما يصير هني بعد جيكي الخاص

 

[desert rose]

بنات شلونكم باركولي رحت سويت سونار وطلع فيني توأم استانست وايد بس هم خايفه بنفس الوقت عليهم ادعولي بنات انه الله يثبت حملي ويحفظهم لي الفال لكم انشاالله

 

[french`coffee]

وناااسة مشا الله ربي يتمم عليج (ديزرت روز) ..... ياحلاتهم العصابة كلبش والله .. حطي بالج على رووحج وحاولي انج ما تقولين حق احد الحين الا بعد ما تدخلين الرابع ... ،،عسى ربي يحفظج ويحفظهم ،،

 

[desert rose]

مشكوره حبيبتي (فرنش كوفي) والله يتمم عليج انتي بعد ويوفقج
وهذا اللي حاصل ما يدري احد عن الموضوع الا زوجي والوالده وكلامج نفس كلام امي والله هم هي تقولي لا تقولين الا على الرابع الله كريم

 

[ام عفاف الكويت]

الله يسهل عليج ويثبتهم ديزرت انتي باي شهر ؟؟؟
متى اخر دوره لج ؟
وولادتج؟

 

[@ ام عبدالله @]

ماشالله تبارك الرحمن الف مبروك ديزرت روز وعسى الله يبلغج فيهم بس نصيحه حتى لو وصلتي للرابع مو لازم الناس

يدرون شنو اللي في بطنج وكم واحد شكو الناس يدرون خلاص كافي عليهم يدرون انج حامل اما اني اعلمهم كم واحد

فيني هو اثنين ولا واحد ولاا عشره لا مالهم شغل نصيحتي خليهم على عماهم لين تولدين ترا العييييييين حقققققققق

 

[أم زينه]

هاااااي حوامل
الله يسهل عليكم جميعا
انا ولادتي 10-1 بس راح يولدوني قبل لان فيني سكر والصراحه واايد خايفه لاني بجر
وشكرا شكرا عالموضوع

 

[ام عفاف الكويت]

تساهيل من الله ام زينه قلبي
لاتحاتين وين بتوليدين وعند منو ؟

 

[أم زينه]

مشكورة حبيبتي ام عفاف الكويت
انا اراجع عن الافغاني الي بالمواساة بس مادري متزدده ودي اغيره مع انه شكله متمكن وشاطر و وايد مدحولي اياه
وانا بجر ومادري شالسالفه ابي نصيحتكم

 

[ام عفاف الكويت]

ياحياتي خلج بالمكان اللى يريحج بس انتبهي انا اختي سكر باخر لحظه حولها صباح قالوا مانستقبل حالات حرجه
ولاتحاتي وتترددين دامه يرد على اسئلتح ومرتاحه له توكلي على الله

 

[أم زينه]

الصراحه خوفتيني بروحي انا احاتي انا اراجع بالحكومه بس حق السكر ونمت اسبوع نظمولي السكر بس الولاده الصراحه ما اقدر اولد بالحكومه المكان ظيييييييييم