هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[بنت باباتي]

انا من زمان عن البنات ما ادري والله عن ثلاثينيه

من بقا الحين ماولد

 

[Om Banati]

بينك اي شركه اشتركتي ؟؟؟
وجم كيلو قالولج ينزلونج بالشهر ؟؟؟

 

[Pink Angle]

لينا ودينا ..يقولون يمكن 5 لاني ارضع زادتلي الكاليري

 

[أم ضارى]

بنك أنجل اى شركه اشتركتى؟؟؟

والله حسنا مع هالشركات ولما تشتركين معاهم تقولين بظل 4 شهور خمسه

ومن تقرصج ال 200 دينار وماتنزلين الا 3 او اربع كيلوات تتحسفين وتهونين اتكملين

انا اشتركت بس مو وانا حامل مع دايت سنتر ماعجبنى اكلهم واشتركت مع دينا ولينا حلووو وايد اكلهم بس ماضعفت غير 3 كيلو وبالعافيه مع انها كانت قايلتلى 7 كيلوات !!!

وبعدها اشتركت مع ريجيم سنتر بس هذا يعطيج نظام غذائى مو اكل بصراحه صج ضعفت عندهم وماتردين اللى ضعفتيه الا عقب مده بس ماعبرت على رجيمهم لان فيه شبهه من ريجيم دشتى وانا فينى فقر دم ودوخه ماينفعلى

 

[بنت باباتي]

الرقص ثم الرقص ثم الرقص يخفف الجسم خصوصا المصري
يرد الخصر ويشيل البطن واهم شي لياقه
بحط حرتي فيه

 

[Om Banati]

اذا 5 زين يعني شهرين ولا انتي راده بس احس مالا داعي تزيد الكالوري علشان الرضاعه بالعكس جان خلته نفس مااهو مع الرضاعه راح تضعفين الدبل
انا ودي اشترك بس ريلي يقول ما تحتاجين بس يبيلي مشي علشان اشد

 

[Pink Angle]

اي والله ام ضاري مو شويه 200 بس شسوي ابي انزل قبل لا اطلع من النفاس وآنا امي تطبخ في البيت ما ودي اتعبها واتشرط عليها تسويلي اكل رجييم صعبه تطبخ مرتيين قلت اريحها ونجرب .. بس اشوه طمنتيني انه اكلهم حلو

 

[Rafeef]

الف مبرووووووووووووك لام فهد فهودي
مشكورة ام بناتي و ام ضاري على الرد
ام ضاري شنو يبتي و شسميتي ............وناسة ثلاثتنا بيوم واحد انا ولدت الصبح بدار الشفا و كنت شاربة خروع

 

[أم ضارى]

بنك أنجل .... انا جربت مساعد السعيد تدليكهم اينن واحلى شى انها اتييب معاها سريرها اللى فيه مكان اتحطين راسج عرفتيه؟؟

وبعدين اتسويلج مساج خاص حق البطن وتقولج اشكثر فيه فراغ فى بطنج وتعلمج تمارين اتسوينها علشان تروح الكرش

تونى من شويه داقه عليهم علشان احجز قالى حطى رقمج وبياناتج واحنا متى مايه دورج ندق عليج لان عندنا زحمه وايد

ولما قلتله بجم الجلسه سألنى باى منطقه وطلعت الجلسه على ب 18 دينار صج وايد بس انا ماقدر على اللى تردد لان عندى عوار بظهرى لازم علاج طبيعى

 

[أم ضارى]

اي والله ام ضاري مو شويه 200 بس شسوي ابي انزل قبل لا اطلع من النفاس وآنا امي تطبخ في البيت ما ودي اتعبها واتشرط عليها تسويلي اكل رجييم صعبه تطبخ مرتيين قلت اريحها ونجرب .. بس اشوه طمنتيني انه اكلهم حلو

شوفى اكلهم اينننن والحلو عندهم عجيب ماجنه حلو رجيم ... طبعا انا مادرى عنهم الحين بس معلوماتى هاذى اول مافتحوا

بس مابى اضيق خلقج انا قالتلى 7 كيلوات نزلت بس 3 ... فا انتى خليج شديده معاهم من اول اسبوع اذا مانزلتى شدى معاها لان اكثر اسبوع تنزلين فيهم اول اسبوع معروف هالشى بالرجيم اللى عقبه اقل اقل

 

[Pink Angle]

الرقص ثم الرقص ثم الرقص يخفف الجسم خصوصا المصري
يرد الخصر ويشيل البطن واهم شي لياقه
بحط حرتي فيه

هيهي آنا مالي بالرقص الشرقي كلش .. عيزو مني يعلموني اختي تقولي جنج خشبه ماكو فايده فيج

 

[Om Banati]

ولو رفيف عزيزه وغاليه

 

[أم ضارى]

اى والله وناسه ... شوفى انا دخلت غرفة الولاده عشر الصبح وولدت قبل الثلاث بخمس دقايق يمكن العصر

وسميتها نوره ههههههههه انا اسمى غريب وبناتى كلهم اساميهم قديمه على امهاتنا ... يالله بناتى اللى يحلون الاسم مو الاسم اللى يحليهم هههههههههه خل ارفع معنوياتى شويه

 

[أم ضارى]

اى رقص وهز واحنا تونا والدين والرحم !!!!!!!!!!!!!!

ابيه صج بعتوها انتو عدل

 

[Om Banati]

بالعكس ام ضاري نوره حلوووو خفيف واهو يديد وقديم بنفس الوقت انا احبه
الله يخليها لج :*

 

[Rafeef]

بناااااااااااااااااااات برد بيتي أخيرا

ام ضاري تصدقيييييييييين هذي مرضه عيالي
اول يوم بدت عيونهم توصخ و خذيت لهم قطرة
من باجر خشمهم يصب سائل شفاف و تعابى و من الثالث كحة اول مرة بحياتي اسمع صوتها و الصدر 100% مقفل و حرارة ما تفج من الصغير بو سنه و نص كل 4 ساعات ادول شراب و تحميلة مع بعض و كمادات ماي و لزقات تخفيض الحرارة و يالله الحق
شنو هالفايروس اوووف

 

[أم ضارى]

الله يسلمج ... ام بناتى انا كان خاطرى اسمى اسامى غريبه لان اسمى غريب

بس ماكل مايتمنى المرء يدركه .. الحمدلله على كل حال

كفايه ان الحمدلله بناتى عسل

 

[أم ضارى]

رفيف ... ترا مو بس عيالنا من غير مبالغه كللللللللل مستشفى الاطفال نفسسسسسسسسسس الاعراض ونفس المرض

الدكاتره يقولون هذا فايرس منتشر الحين بالكويت

 

[Om Banati]

الله يخليهم لج ام ضاري

رفيف مبروووووووووك .. واااي صج يا حلو البيت سبحان الله ما يرتاح الواحد الا ببيته ومكانه وفرااااشه ما جنه اول كنا ساكنين عندهم ورابين هناك لووووول

 

[Rafeef]

الله يخليها لج انا ولدت 10 و ربع الصبح
ولدي اكبر