هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[ام عفاف الكويت]

اخر اسبوع بالتاسع

 

[Anwaar]

أنا ما توقعت بولد كلش توقعتج قبلي بس سبحان الله

على العموم الله يقومج بالسلامة لاتحاتين كلنا قاعدين و نحاتيج يا قلبي

 

[ام عفاف الكويت]

شلون يتج الولاده انوار ؟واي اسبوع ؟

 

[Anwaar]

عادي تدرين بولدي الأول ظليت فوق التاسع بخمس أيام و الحمدلله مع المشي و شربت خروع و دارسين و ثاني يوم ولدت الحمدلله

 

[ام عفاف الكويت]

للامانه مشي ما أمشي
كلش محكوره في بنتي وايد مستاحشه هالفتره
ووايد تبجي تنادي ماما
فمجبوره بالقعده مارتاح دقيقه
والخروع ماقالوا لي الدكاتره
شربته في بنتي وتلعوزت تلعوز
دارسين امس شربت كوب حليب ودارسين واليوم بعد
والايام اللى قبلها كله اناناس وحليب وزعفران ورطب

 

[Anwaar]

أنا قلت لكم ما تذكرون الدكنورة عطتني موعد 1-1 بس أنا على حساب دورتي المفروض أولد 14-1 لأن أنا كل 14 الشهر أدش شهري بس بحسبة السونار طلع أولد بهالحزة 1-1 و لما راجعتها 1-1 قالت أذا ما ولدتي لي 7-1 راح تعطيني طلق صناعي

و أحط لج حيلي بالدارسين و المشي

كنا نمشي أنا وريلي من 10 لي 12 بالمهلب !!

و الحمدلله 5-1 ولدت

 

[Anwaar]

خلي الدارسين يطبخ و شربي بوحة خلي لونهيصير أدعم يعني مركز هذا الي أيب الطلق بسرعة

و عليج بالدعاء

تدرين أنا كل ما أمشي ووين ما أروح كل ما تحركت لازم أقول يا ربي يا مسهل يالله أنك تسهل و ما خليت أحد ما يدعيلي و الكل يشوفني يقولي مطولة لأن بطني كان مرتفع حيل

 

[ام عفاف الكويت]

ياريت محد يمشي معاي

 

[Anwaar]

لو كنت حامل جان مشيت معاج أفا عليج بس الناس للناس و الكل بالله

 

[Anwaar]

و بعدين مو الا تمشين يعني مشي تحركي أنتي نظفي بيتج خمي الأرض أحبي من هالسوالف

 

[ام عفاف الكويت]

وييييين انظف مخمره انا وبنتي بغرفتنا
وعندي 3 خدامات الحين صاروا يبت اندونسيه للياهل مؤقته مسترجعه تقول تشتغل ممرضه كنا يايبنها حق خالتي ورديناها
وامس ريلي ردها لنا بالليل قال طالبه فيها المعزبه 3 دنانير باليوم وبتخليها لما عرفت الظروف
وعندي طباخه ومنظفه للبيت وعندي لبنتي
اقوم شسوي القى كل شي نظيف وجاهز
حبي ماقدر يعورني بطني اخره

 

[Anwaar]

ما سمعتي في الحركة بركة

لا تتعيزين على الاقل احبي

 

[Anwaar]

انا بمشي الحين ولدي قعد بروح ارظعة و ابدلة

 

[Pink Angle]

بااك

 

[Om Banati]

بااااااااااااااك

 

[Om Banati]

هالوووو بينك شلونج حبيبتي وشلون منمن الحلوه

 

[Pink Angle]

تمام حبيبتي توها قاعده

 

[Anwaar]

باااااااااااااااااااااك

 

[Om Banati]

ولكم انوار هلا هلا

 

[Anwaar]

هلا فيج يا أم الحلوين

شخبار بناتج و الحلو عبود ؟