هاي بنات تجمع مميز حق اللي ولادتهم بديسمبر و جنيوري..شهر ثنعش و واحد حياكم اقلطو

[Om Banati]

هلا وغلا كوكو شلونج حبيبتي ؟

 

[janoona]

باااك
شلونكم بنات

 

[الجوري74]

بااااااااااااااااااااااك
شلونكم بنات؟؟؟
منو موجود؟؟

 

[<"سمسمية">]

باك
شلونكم بنات وشخباركم

 

[حب زوجي]

سلااام
شلونكم بنات و شلون الحلويين ؟؟

 

[ام عفاف الكويت]

السلام عليكم

 

[<"سمسمية">]

اهلين حب شلونج

 

[<"سمسمية">]

وعليكم السلام
شلونج أم فوفة وشخبارج وشلون فوفة طمنينا عليج ياقلبي

 

[ام عفاف الكويت]

بخير والله
بس حاسين شوي بالوحده
بس الحمدلله على كل حال
عايشين واحاول اقلم نفسي وريلي وحماي وبنتي كلهم على هالووضع
احس صعبه بس شسوي

 

[<"سمسمية">]

الحمدلله على كل حال
الله يعينكم ويصبر قلبكم انشاالله
شلونج وشلون البيبي

 

[Anwaar]

السلام عليكم

أهلين أم فوفة شخبارج حبيبتي و عظم الله أجرج

 

[ام عفاف الكويت]

ثاني يوم العزا دخلت دار الشفا

صار تدهور بحاله الطفل حتى زاروني تاجرتين بدر البدور وام عبدالله سالمين قلت لهم يطمنون التجمع ويدعولي الظاهر ماقدروا ماينلامون

تدهورت والله القلب وصلت نبضاته بدال مايكون 130 الى 150
صارت 230 الى 250 وخافوا حيل وجهاز الانذار يطق ضليت بالعنايه من 3 وربع الصبح الى 10 الصبح لما استقر الحال
لاني خنقت البجيه ولازم تفضفضين البيبي يحس باحساسج
والحمدلله رخصوني الاحد الصبح وطلعت كملت ثالث يوم عزا

 

[ام عفاف الكويت]

حبيبتي انوار اجرنا واجرج ياقلبي
وجزاج الله خير
ومبروك مايبتي يالغالية

 

[Anwaar]

مشكورة ما قصرتي بس والله كان قلبنا معاج وكان ودي أحد يطمنا عليج لمال البنات ما قصرو طمنونا عليج

 

[ام عفاف الكويت]

والله يوم دشيت المستشفى كان ودي اقول لاحد بس مع الاسف تلفوني بالبيت لاني طحت عليهم
ورديت والله بعدين ماقصرت الحور وبنت باباتي سألت عنهم العافيه دزوا لي مسجات يسألون عني
ربي يخلي لهم اميماتهم وعيالهم ودشيت النت بس ماقدرت اكتب اطمن عليكم بس دخلت موضوع التجمع اطمن عليكم والحمدلله فرحت لكم بولادتكم
وعقبال الباقي

 

[Anwaar]

أأأأأأأأاامين حبيبتي ما تشوفين شر و الله يقومج بالسلامة والله تستاهلين كل خير يا قلبي

 

[<"سمسمية">]

ماتشوفين شر حبيبتي والله يسهل عليج انشاالله

 

[ام عفاف الكويت]

تستاهلون الطيب
بنات ماعرف اربي ياهل شلون
بنتي الحين ماتنام الا ان حطيت ملفع خالتي الله يرحمه على ويهها ومخدتها تبي تشم ريحتها
بنتي متربيه عندها ماتعرف انا امها
احس الحين مع ياهل يديد ودي اذبح نفسي
ونفاسي بكون بروحي انا وبنتي والياهل و3 خدامات صاروا اول خدامتين وحماي وريلي
اهلي شوي احتكاكي معاهم بسيط
وحاليا مشغولين بس الحمدلله ريلي يقول اللى تبينه ياب لي خدامه ثالثه اندونسيه مع اني ماحب الاندونسيات وعندنا الطباخه وطلبت اكل من مثلج مثل القبوط وبرنامج النفاس
وجيرانه كل يقولون بنجيج 24 ساعه عشان مو زين لج الوحده
اقول حق نفسي ليش مستاحشه الوضع في ناس عاشو بغربه وخلصوا نفاسهم وساعات اقول لا الحمدلله انا مو بغربه

 

[Anwaar]

حبيبتي أم فوفة ليش محاتية شوفي أهي أول 10 ايام بتصير صعبة بس ماشاء الله من يصير الياهل بحظنج و تشوفينة شلون ظعيف بيكسر خاطرج أكثر و لا تخلين الدعاء أنة الله يصلحلج عيالج

و بعدين ماشاء الله عندج جيرانج ماراح يخلونج و ماشاء الله عليج مجهزة حق ولادتج ليش محاتية و أذا محتاجة شي أحنا موجودين كلنا رفيجاتج يا قلبي

 

[ام عفاف الكويت]

شلون انومه او انوم فوفه ؟
اخلي خدامه عندي ؟ تنام ؟
والياهل شلون يسبحونه ماعرف
وهل لازم اسبحه بالبرد والطريقه ؟
ماربيت بنتي كلش ماجستها ماقص عليج ولااااااا شي اعرف اطلع معاها ونلعب وبس
ولما اطهره شلون متى اطهره ؟ انا اقول لما اولد اطهره سيده شرايكم عشان يكون عند السستر يومين ؟