هام وضروري أبي طريقه تتبيله لحم البقر

[دره80]

مرحبا بنات

شلونكم يا احلى كويتيات

طبعا انا زوجي عازم ربعد باجر على شوي بالبر

شوي دجاج وفري ولحم بقر

فما عليكم امر بغيت طريقه تتبيله لحم البقر شلون اهم يحطونه بقصدير بعدين يشوونه على الفحم

هم بعد ودي تعطوني افكار فنتك بس اهم بيشوون بالبر ابي تتبيله بعد دجاج :tomato2:
بليز بنات ضروري ردو علي


انتظركم_03BA:

 

[ام فطوووم]

رد: هام وضروري

للاسف تتبيلاتي على قدي ليلحين ماوصلت للحم البقر والشوي
هههههههههه


حبيبتي انتي انشالله ماراح ايقصرون معاج البنات

 

[دره80]

رد: هام وضروري

مشكوره ام فطوم على الرد


اب اب اب

 

[حلوة ومملوحة الكويت]

رد: هام وضروري

ياهلااا حبيبتى اخذي تتبيلة الدجاج هاذي مجررربه ولذيذه وما تفشلج انشالله:
8فصوص ثوم مدقوقين ناعم
2علبة روب
نص قلاص خل ابيض
5ملاعق أكل الصويا صوص
3ملاعق أكل بهار مشكل
2ملعقة أكل فلفل اسود مطحون
1ملعقة اكل كركم
1ملعقة أكل كزبره مطحونه
1مكعب ماجي مدقوق ناعم
2ملعقة أكل ملح
جنزبيل مهروس ناعم
4ملاعق زيت زيتون تعطي حمايه عن الحرق وطعم محبب
حبيبتي تخلطين الدجاج مع التتبيله عدل وتقلبينه فيهم ليما يغطي اجزائهم
وتخلينهم بالثلاجه ..ونصيحه كل ما طولوا بالثلاجه كل ما تشربوا من التتبيله وطلع الطعم أحلى
يعني خليهم بالثلاجه قبلها بيوم.
وضروري تطقين الدجاج قبل لا تنقعينه بالتتبيله بأداة ضرب الدجاج واللحم واذا ما عندج دوري اي شي بديل وطقي فيهم الدجاج
وقللي سمك اللحم وهذي الخطوه تخلي استوائه سريع والطعم بالشووي احلى وتصير كل الاجزاء مستويه مو شي مستوي وشي ني.
وإذا تبين تتفنتقين يبيلج اسياخ الشوي الحديد الضعيفه مو المتينه مالت الكباب وشكيهم حبيبتي بمكعبات طماط وبصل وفلفل اخضر بارد وجزر واسقيهم من التتبيله ..حيل حلوين اذا شويتيهم بجانب اللحم والدجاج وسهلين ما يبيلهم شي
وترا الشباب يحبون هالفناتق.
وتقدرين تشترين شيش طاوووق الجاهزمثل ساديا وتشكينه بالاسياخ سهل ومايبيله شي وتفاجئين ريلج والشباب اللي معاه فيه
وعساني قدرت افيدج وسامحيني بالنسبه للحم البقر ما عندي فكره ولا سويته من قبل البنات و انشالله يفيدونج
ومووووووفقه

 

[Queena_85]

رد: هام وضروري

يسلمو حلوة و مملوحة الكويت ...

up
up
up
لعيــونج دره 80

 

[جارة القمر]

تفضلي طلبك

http://www.q8yat.net/showthread.php?t=18012



http://q8yat.net/showthread.php?t=261185&highlight=%CA%CA%C8%ED%E1%C9+%C7%E1%CF%CC%C7%CC

http://q8yat.net/showthread.php?t=413767&highlight=%CA%CA%C8%ED%E1%C9+%C7%E1%CF%CC%C7%CC

http://q8yat.net/showthread.php?t=367753&highlight=%CA%CA%C8%ED%E1%C9+%C7%E1%CF%CC%C7%CC


http://q8yat.net/showthread.php?t=252386&highlight=%C8%C7%D1%C8%ED%DF%E6

 

[دره80]

مشكورين بنات وما قصرتو

زامس حست بالمنتديات

ولقيت تتبيلات واو واستفدت بعد منكم خواتي

والنتيجه زوجي دزلي مسج بعد العشاء مباشره ما انتظر لمن يرد البيت وقالي تسلم ايدينج كل الموجودين يمدحون


انا طبعا متبله نص الدجاج نفس طريقه 65 بس من غير نشا ومكثره الفلفل وحاطه بصل وفلفل بارد وطماط حلقات وخلطته مع التتبيله وقصدرته

والدجاج الثاني تتبيله من غير فلفل بالروب والكركم

والفري ماخذه تتبيلته من احدى الاخوات اهني بمنتدانا الغالي فعلا بنات بيضتها وحطيت معاه بصل حلقات


ولحم البقر تبلته ببهار اللحم الهندي والكركم والثوم والبابريكا وبهار حلو وقصصت بطاط وطماط وفلفل بارد وبصل وخلطته معاه وكثرت الملح

وسويت سلطه عاديه حطيت كل الخضره اللي عندي مع ملح وشوي زيت زيتون

وسلطه ثانيه سلطه ناتشوز

وطبعا الماي واللبن والبيبسي
وحاطتلهم الصابون المعطر والكلينكسات المشجره يعني مكشختهم في البر
وعطر عشان يتعطرون بعد الغسل ايدينهم


وسويتلهم كيكه مدوره وصبيت عليها جالكسي مذوبته لمن غطيت الكيكه بالجوكليت رشيت على الجوانب جوز الهند والكيكه بالوجه زينتها بامالتيزر وكسرت كاكاو فليك


وميرسي بنات على الردود صج بيضتوها معاي وفدتوني

 

[جارة القمر]

بالعافييييييييييييييييييية



وتسلم ايدج





حبيبتي