هام لخريجات الثانوية موعد اختبار القدرات الأكاديمية جامعة الكويت

[-كلي دلع-]

مشكوره يعطيج العافيه أنا سجلت أمس .

 

[Betty]

كلي دلع الله يعافيج الحمد الله و عسى الله يوفقج حبيبتي و تنقبلين بالكلية اللي تبينها يارب

 

[Betty]

رفع للافاده

 

[MoonDiamond]

شكران يا قلبي

 

[Betty]

العفو و موفقه حبيبتي

 

[شـيـخــهـ الزيـنـاتــــ }..]

استنوش و princess89 و "لمسة حرير" و دلووعة ابوها و شـيـخــهـ الزيـنـاتــــ }.. Gazl~q8
حياكم الله حبايبي نورتوا الموضوع

الله يحييج ..

النور نورج ..

شـيـخــهـ الزيـنـاتــــ }.. هلا حياتي شوفي امتحان اللغه الانجيليزيه ما يبيله دراسه لأنه يشمل كل اللي خذيتوه بالمراحل الدراسيه السابقه اما بالنسبه للكيميا والرياضيات فاهما مطلوبين للكليات العلميه فقط مثل العلوم و طب الاسنان و هندسه و كليه البنات و غيره و على ما اظن ان فيه دورات تقيمها الجامعة لطلبة الثانوية يشرحون فيها اساسيات الكيميا و الرياضيات ويفسرون لهم طريقة الامتحان و الاجابة عليه
صراحه انا مو متأكده لأني مو علمي و ما اختبرت فيهم بس اذكر صديقاتي حضروا هالدورات و فادتهم انصحج سألي المعلمات لأنهم يعرفون طريقه الاختبار و عندهم خبره
و عندكم هالسايت حاطين فيه نموذج لإمتحان القدرات لماده اللغة الانجيليزية و الرياضيات و الكيميا
http://cmtd.kuniv.edu.kw/
و عسى الله يوفقكم يارب و تيبون اعلى الدرجات و نفرح فيكم و عقبال ما نبارك بقبولكم في جامعة الكويت

اهاا .. مشكوره ع الافاده ..

الله يعطيج العافيه ..

بس صراحه من شفت الامتحانات خفت -----> حتى امتحان الالعاب اخاف منه ..

تسلمين حبيبتي على هالمعلومات و الدعوه الحلوه الله يجزاج ضعف اللي تتمنينه حقي ..

الامتحان مو سهل يعني لازم تدرسيله عدل وبالنسبة للكيميا والرياضيات اغلب الاسئلة من منهج رابعة ثانوي والانكليزي طويل وصعب شوي.نصيحة تدربي على نماذج اذا لقيتي وطريقة كتابة اسمج والبيانات حتى لا يروح الوقت بكتابة الاسم مثل ما صار فيني ! وقدمي على اكثر من اختبار لأنهم راح ياخذون الدرجة الاحسن لج. ولا تتهاونين فيه لأنج اذا ما يبتي درجة زينة راح تنخفس نسبتج بالثانوية حتى لو كانت زينة لأن مثل ما تعرفين ياخذون المعدل المكافئ للقبول بالكليات.

يخفس النسبه ؟؟ انا صراحه قالولي بس ما صدقت ..

يممه و الله خفت خلاص احسن لي ما امتحن و ادش الكليه اللي ابيها على نسبتي احسن لي ..

و مشكوره حياتي الله يعطيج العافيه و يوفقج بحياتج ..

 

[احلا عجميه]

اب بنات اليوم بدا التسجيل المتاخر

 

[^_^ حوراء ^_^]

انا ما سجلت بهاذا ..

انشالله الامتحان الثاني اسجل ..،

يسلموو ..

^_^

 

[أم حمد =)]

موفقين

 

[احلام اليقظة]

تســــــــلمــــــــــــين
وان شاء الله نجتاز القدرات ليوم 27\12\2009
ودعـــــــــــــــــــــواتـــــــــــكــــــــــم

 

[نعومه حدي]

انزين اللي مايمتحن شيصير فيه لوووووووووووووووول

 

[لمسات فتاة]

نعوووووووومه الموضووووووووووع حده قدييييييييييييييييييييييييييييييييييييييم خخخخخخخخخخخخخخخخخخخخخخخخ

 

[cup cake's]

وااااااااااااااااااااااااي مشكوووره حبيبتي .. كنت أحاتي موعد التسجيل

و بالتوفيق لكل الصبايا

 

[AooDoo]

يعطيكم العافيه بنااات
بس حبيت استفسر انا اختي الحين بــ11 ادبي يصير تمتحن انجليزي ولا ما يصير بس العلمي ؟؟؟ بلييز اتمنى تردون بسسرعه