هالشي لاحظته بماااااك

[loolat^mady]

انا بالنسبه لي ماك الفونديشن لوعه يخرب البشره ويطلع حبوب انا و اختي و بنت خالي كلنا صار فينا هالشي ولما حولنا لي ماركه ثانيه تغيرت بشرتنا و صارت زينه وخلت من الحبوب وترى انا و اختي و بنت خالي من النوع الي نهتم بشراتنا بس اهما كري اساسهم لووووووووووووووعه
تحياتي

انا بعد ما والمني كريمهم اول ما اغسله الا شاب ويهي حبووب صغاااار .. مع ان بشرتي تينن ومافيها اي مشاكل بس لما استتخدمت كريمهم صار جذي وحتى رفيجاتي جم وحده صار فيها نفس الشي.. ومثل ما قالت وحده ان كريماتهم مو مال استخدام يومي لأن حق تصوير وبروفيشنال..:bbbiu:

 

[shmoo5 2ntha]

إي صح شفت اللي بالأفنيوز كانت بشرتها دمار الله يعينها والكريم متقطع مادري ليش فما أدري إهيا حاطه من مالوت ماك وإلا لأ

وبصراحه مايشجعون الواحد يشتري منهم كلش لا أسلوب ولاتسويق جان آخذ فوق تحت وأطلع

يسلموووووووووووووووووووووووووووووووووووووووو حبوبه

 

[زبــــــــدة]

اممممممممممم مادري مالاحظت

بس انا ماخذ منهم الا حمرات وقلوسات ... مرة جربت البودرة ماعجبتني وييييييع ...

وبس

 

[خفوق المشاعر]

مادري ماك احس احلى شي عندكم الكحل الكريمي والروجات
مع اني قليل اشتري منه لانه غالي يبي له ميزانيه

اما بخصوص البشره مادري هل له علاقه بالميكب او بالاهتمام بالبشره مايندرى والله

 

[قَلبڪْ صًخرْ]

شدواتهم وحمرهم ماعليهم كلالالالالام
الباقي مادري ماجربتهم

 

[عروسة 2011]

ولما ندش فافافوم ولا دبنهامز ومراكز العطور اللي يشتغلون هناك هم كل يوم يحطون مكياااج بس في بعضهم بشرتهم تهبل الوحده بس ودها تجابل ويهها من حلاته وبشرتهم ما شاء الله اغلبها حلوووه وما فيها شي

صح انا معاااج

 

[bnt_mafia]

عادي حبوبه يعني اكيد وحده كل يوم تحط مكياج اكيد تخترب بشرتها وبعدين اهما مو علاج لا مكياج عادي
ومو بس ماك اغلب الماركات كل اللي يعرضون في بعضهم بشرتهم زينه وفي لا
مافي فرق يعني اللي تبيع بشرتها خايسه مانشتري منها

 

[أنا Top أنا]

اهو مو مقياس !!

يمكن اللي يشتغلوون بشرتهم بالاساس مو شي

وعموما انا ما جربت منها الا الحمر والبلاشرات بسسسسس

 

[الدلال]

ماك ما اشتري منه الا الحمر والمحددات وبعد مو كل مره لان ما يعجبني وايد

في ماركات وايد احلى وسعرها تقريبا نفس ماك مثل دييغو

 

[pretty sarona]

منتجات ماك ثقيله ,, بس مو معناته ان نحكم على المنتجات من بشرة اللي يشتغلون

 

[FiOnKa]

باختصاار ,, فيه بعض الاشياء بـ الماركه مو للاستخدام اليومي ..

فيه اشياء مخصصه للاستخدام اليومي تكون خفيفه و ما تقمت البشره

و العنايه و تنظيف البشرة بعد المكياج لهم دوور كبير اكيـد

 

[نبض قطر]

من صغرنا كلنا نعرف المكياج يخرب الوي طبعا هالشي تغير

الحين احنا في تقدم والمكياج صار فيه مواد مرطبة ومفيدة للبشرة

وماك من الماركات اللي تنزل عدة منتجات كعلاج اكثر من تجميل

هاي مغذي للرموش انا جربته الصراحة خيال

هاي كريم مرطب يحتوي على معادن

وهاي كريم مرطب فيه نسبه حماية 50

هاي كريم قبل المكياج يعبي الوي ويشد البشرة


وفيه وااايد والله

بس كل واحد واستخدامة احنا العرب مانعترف بالشي الخفيف لازم شي ثقيل وماشاء الله نتمكيج 24 ساعة شلون تبون البشرة ترتاح

 

[om Firas]

ماحب هالماركه

 

[شندوخه]

مادري انا ماحب كريماتهم احس ثيك وايد ثقيله بس شدواتهم وحمرهم وايد حلوه

 

[om reem 86]

انا احب مكياجهم

 

[عز النفس يغنيني]

شيء طبيعي بنوتات .. أنا استغرب من البنات إللي ياخذون مرطبات من ماركات تجميليه ..!!

الماركات الطبيه أضمن لهسوالف. . وانا مره سألت دكتور قالي كـل ماركات المكياج تجميييليه لا يقصون عليج ويقولون هذا طبي ..

 

[brettey]

شوفي انا بالنسبه لي اي ماناسبني اساس ماك
استخدمت بودره كومباكت استديو فكس واستديو تك مو شي طلع لي نفر على الخفيف
بس هم ماله شغل على قوله وحده معاي بالدوام تقول رفيجتها ما تطلع من دبنهامز وفافا فوم ومراكز التجميل ب 200 و300 وكله كريمات عنايه وعلاج للبشره من شتى انواع الماركات وتواظب عليهم بس لازالت بشترها مو حلوه على قولتها تلوع الجبد بشرتها

عمموما ماك انا احب اخذ منهم اس شادو وبلاشر وحمر ومحددات وفرش والمثبت الفكس

 

[M!$$_BLinG]

اممممممم
ما ادري كيف ربطي ماك ببشرتهم
بس يمكن هم جذي بشرتهم مب شرط لانهم يداومون في ماك بشرتهم تعبانه!

وموظفات ماك يتغيرون كل كمن شهر ويبون يداد ما امداهم اصلا .. غير هذا شو اللي يثبت انه هذا كله من مكياج ماك!
انا كملت 6 سنين استخدمه وعموما المكياج بدون استثناء الماركه كله مواد صناعيه مضره وكثرة استخدامه تضر وهالشي ما ينحصر على ماركه معينه

اللي انا تعاملت وياهم بشرتهم روووووووووووووووعه بدون مجامله وفي كمن وحده بشرتهم مب حلوه
مكس ههههه وكوكتيل

 

[كويتيهx5]

مو شرط
انا استخدمت كلينك والخبيره مالتهم بشرتها تخرع استغفر الله ما تشجع كلش وكلينك خرب بشرتي وقاعده اعالج بالكريمات الفلبن

 

[جوري 2007]

اصلا منتجات ماك للبشرة موبيرفكت ولابروفشنال اهية ماركة مكياج بس
يعني مومعقول اشتري كريمات للبشرة من بورجواه والا نوبا والا ماكس فاكتر مثلا هذيلا للمكياج فقط
عشان جذ