هالشركه فرت مخي .... معقوله ربح هالكثر

[aroosalshemal]

بنات بسألكم عن شيئ ضروري اذا كنتم سامعين فيه
انا قريت عنه بأحد المنتديات بس ما دففت حيل لاني مو فاهمته وما كان هامني حيل
ركزوووووووووووووووووووا

صديقه اختي تقولي اذا بدشين معانا بشركه عالميه بمبلغ معين وتجيبين اذا تقدرين احد معاج يروج منتج اعتقد انه منتج الطاقه ( او شيئ جذي ) . وتحلف ان بنت عمها جاها ربح حوالي 5 اللاف دولار
بعد فتره .... قلتلها شلون يصير جذي تقول ان اللي يدشون عن طريقج او عن طريق غيرج بعد ما تشترين المنتج يجي شخص ثاني ويشتري وبجذي يكون المنتج تم تداوله
قلتلها يعني انا شنو اشتريت
تقول شغله مثل القلاده شكلها ما تاخذينها لو بدينار وتوصلج عن طريف البريد المستعجل
اعذروني انا مو حيل فاهمه .... علشان جذي مو قادره اوصلها لكم

لكن قلت يمكن تفيدوني وتكون وحده فيكم سمعت عن شغله جذي

صراحه انا فز قلبي قلت يمكن تعدل ضروفي وتكون هذي رحمه من الله

لكن ؟؟؟ خفت انها تدخل بالحرام او ما شابهه .... او شركات وهميه ..... مع ان اللي قالتلي ثقه والربح جاها مبلغ موهين ...
اللي تعرف شيئ الله يجزاها الجنه تفيدني ..

 

[عطر الخزامى]

قصدج كوست نت ؟؟


حبيبتي حراام وتعتبر ربا وتكلمو فيها المشاايخ


انا نفسج سمعت عنها من رفيجتي ورحت محاظرااتها كذا مره لين فهمتها عدل

وعقب سألت وللاسف طلعت حرام الحمد لله اني ما ورطت نفسي ويااهم


الفتاوي تاارسه النت مجرد حطي العنوان تطلعلج من كباار المشايخ

 

[zqertya]

والله حبيبتي اول مره اسمع عن هالشركه
اتمنى البنات يفيدونج ..

بس حطي بالج من هالسوالف حبيبتي..

 

[dr.elzain]

اي جني سمعت فيها وصاجه اللي قالت حرموها

 

[قهوة برية]

قصدج كوست نت ؟؟


حبيبتي حراام وتعتبر ربا وتكلمو فيها المشاايخ


انا نفسج سمعت عنها من رفيجتي ورحت محاظرااتها كذا مره لين فهمتها عدل

وعقب سألت وللاسف طلعت حرام الحمد لله اني ما ورطت نفسي ويااهم


الفتاوي تاارسه النت مجرد حطي العنوان تطلعلج من كباار المشايخ

 

[aroosalshemal]

جزاج الله خير صراحه كان قلبي قارصني


اقعد على بساط الفقر ولا ادخل حرام على عيالي .... بسوي بحث علشان افيد غيري واجيبلهم الدليل

 

[catloverq8]

عروس الشمال العنجليز يقولون (( إيزي كم إيزي كو - Easy come easy go )) يعني اللي يجي بسهولة يروح بسهولة
و الربح السريع و السهل - و هي لعبة النصابين و المقامرين و المغامرين - يتبعه (((( تبخر )))) راس المال بأسرع من البرق
انتبهي و ديري بالك ،، ترى ربي حلل الحلال لأنه مغموس بالعرق و الكد و التعب ،،، و حرم الحرام لأنه مثل الدخان يجي طيران و يطير طيران و ياخذ معاه الحلال بعد ما يلوثه
سألوا أفضل الخلق عليه الصلاة و السلام و على آله : يا رسول الله أذاهب الحلال ؟ قال : بلى
فسألوه : و الحرام ؟؟ قال : " ذاهب و أهله "
ادعي رب العالمين يوسعها عليك بالحلال و اجتهدي و ابحثي عن الأسباب من كد و تعب
و عذرا بس لها الكلمة ترى ماكو أحلى من القناعة و محاولة العيش باللي قسمه رب العالمين
في النهاية كل شي يتساوى لما نتوسد الثرى و ننام في متر بمترين
ربي يعطيك الصحة و العافية و القناعة بما قسمه و يبارك لك فيه

 

[حبيبته آنا]

مادري اذا كانت حرام والا حلال
بس رفيجتي تشتغل جذي وهي انج بالبدايه تشترين مثل القلب مدور زجاج جنه بميه وخمسين او ميتين والله مومتذكره وبس تشترينه تصيرين عضوه بالشركه عاد تقعدين تفترين على اللي حواليج اهلج رفيجاتج او تتعرفين على ناس المهم انج تقعينهم انهم يشترون من منتجات الشركه واي احد يشتري عن طريقج انتي تاخذين نسبة ربح والاشخاص هذول اذا شرو يصيرون اعضاء بالشركه واذا يابو زباين هم اهم يستفيدون من الربح وانتي تستفيدين بحكم انهم يو بالبدايه عن طريقج وهلم جرا
انا ما اعجبتني السالفه اولا لان القلب يلوع الجبد لو بمية فلس ماتترينه مو مينونه انا اروح اشتري هالقلب بميتين ثاني شي ما احب ارزز ويهي واقعد اقنع خلق الله يشترون سلعه علشان حضرتي استفيد وادري موكل من يتقبل هالشي والناس مولاقين فلوسهم بالشارع علشان يشترون حديده وفيها قزازة جنها قاعة بطل بيبسي بميتين دينار !! اكو ناس تمشي عليهم لكن انا بصراحه لما يت رفيجتي تقنعني اشتري هالقلب الخايس قلتلها قلبي ويهج خخخخخخخخ بس صاجه اكو ناس استفادو وايد لكن السالفه يبيلها تروحين كل الاماكن وتقطين ويهج على ناس ماتعرفينهم جنج مندوبه بشركه فاشله وتقعدين تشرحينلهم ومادري شنو هذا غير الاجتماعات اللي لازم تحضرينها وانا بصراحه ما احب هالسوالف

 

[pretty sarona]

ويا طلع من هالشركات و صار بالسالفه تحريم ,, و انتي بالاساس ما تدرين هالشركات شنو تتداول فيه يعني بتييج فلوس بس اهم شي تعرفيين ان مصدرها نضيف

 

[barbya_q8]

انا اعرف عن هالمشروع وعن هالشركة اذا تبون اشرح لكم

 

[على وجهها سمة الأبرياء]

اول مره اسمع عنها

 

[أمـل مـقـتـول]

هــــــــــــــذااااااااااا نــــــــــــصــــــــــــــــــــب


حرااااااااااااامية هذوووووووووووووول


تحملي تطيحين وياااااااااااااااااهم ... أحذرج منهم ... بلييييييييييييز لا تنجرفين وراهم


تهربي منهم ، هذيلا بؤرة دمار وفساد أخلاقي ومالي ... فلوووسهم حرااااااااااااااااام

لو بتقرين فتاوى شيوخ الدين كلهم محرميييينه ... لا تنجرفين ورا كلامهم المعسل ولا ورا الربح السريع



لأنه اصلااااااااا مافي ربح ... الله يحفظج آمين يارب .. وما تطيحين بيد هالنصابين ....

 

[اتعبني غروري 7]

اذا دشيتي معاهم عمرج ما راح تطلعين الا بطلعة الروح ... لا توهقين عمرج

 

[live your life]

اول شي الشركة مو بس قلادة تشترينها في لها سايت عالمي صارله سنين موجود وفي اكثر من منتج مجرد ما تشترين احدى منتجات هالشركة راح تكونين عضو فيها بمعنى انج موظفة او مسوقة حالج حال اللي دارسين تسويق تسويقين لها وعشان تاخذين نصيبج من التسويق ومايضيع حقج لازم تحطين الناس اللي اقنعتيهم تحتج لان على كل شخص تيبينه لج نسبة في واهي اتخذت هذي الطريقة على اساس انها توسع تجارتها في جميع انحاء العالم وبالفعل قدرت يعني اعتبري نفسج كأنج في شركة الاتصالات مسوقة تسوقين كل خدمة عندهم وكل خدمة تسوقينها لج بونس !! ماتشوفون اللي يشتغلون بالتسويق ياخذون بالسنة فوق ال 800 دينار غير معاشهم وانا اساسا تخصصي تسويق !! عمولة اسمها عمولة واللي حرموها ماكانو فاهمينها واحنا قعدنا مع شيوخ دين كويتين وفهمو الموضوع وما حرموها لان مافيها شي حرام انتي تاخذين فلوس شغلج والقلادة اللي تقولين ما تسوى 100 فلس انا معاج لكن مفعولها قوي وفيها معدن ما تلاقينه بأي محل بالعالم بالاضافة الى الساعات الحلوة بس لان القلادة اهي ارخص شي عشان تفتحين لج عضوية الكل يشتريها هذا شرح بسيط عن الشركة وانتي اذا مترددة او ماعندج ناس او على قولتج ماتحبين تدشين مو مجبورة ياعمري لان هالشركة يبيلها جرأة وناس تعرف تقنع والاقناع على اصول وقواعد الشركة محددتها من خلال الدورات اللي قاعده تقدمها لكل اعضائها وانا شخصيا قعدت مع صاحب الشركة الماليزي وهو مسلم !! شي تدفعين في 200 بالكثير ايلج من وراه اكثر نتيجة شغلج وعدد الاشخاص اللي يبتيهم ما يعتبر ربا xxxxxxxx
ويعطيج العافية

يمنع وضع روابط لمنتديات اخرى

تم التعديل بواسطة مشرفة القسم : أمواج البحر

 

[روح مغليهآ]

كلش ماتريحني هالشركه رفيجتي استذبحت عشان ادش معاها بس قلبي قارصني واستخرت ما ارتحت كلش ولما سألت محد مدحها
وبعدين اذا دشيتي معاهم لازم على طول تواصل واجتماعات ونصيحه لاتاخذين بنصيحة اللي داشين بالشركه لانهم يبذلون اقصى جهد علشان يقنعونج لانهم بيستفيدون من وراج

 

[[[ عيون جابر ]]]

مثل ما قالو لج البنات حرام حبيبتي وتقدرين تتأكدين بنفسج

 

[*ماي ورداسم يستحق الثقه*]

قصدج كوست نت ؟؟


حبيبتي حراام وتعتبر ربا وتكلمو فيها المشاايخ


انا نفسج سمعت عنها من رفيجتي ورحت محاظرااتها كذا مره لين فهمتها عدل

وعقب سألت وللاسف طلعت حرام الحمد لله اني ما ورطت نفسي ويااهم


الفتاوي تاارسه النت مجرد حطي العنوان تطلعلج من كباار المشايخ

وانا اتفق معاج ..ووحده من لرفيجاتي دشت وانا هم شريت منه وقطيت فلوس بس عشان يطلع لها مربح وبالاخير كله خرطي بخرطي
..ما انصحج ياغاليه​

 

[أمـل مـقـتـول]

للحين متروووس قلبي عليهم ..

نصب بنصب .. اكرر واقول وكل اللي يشتغلون فيها نصابين مغسولة عقولهم ويبون يوسخون عقول اللي يعرفونهم ..

والله العظيم يعبدون الفلس عبادة ، يتمشون بالشوارع بالمجمعات بالكوفي شوووباااات الا يتعرفون على ناس يدد من الشارع عشان يشركووونهم

بقواية عين بعد ، والله العظيم لا حيا ولا مستحى عندهم .. يراكضون ورا الواحد يزعم بيصيرون ربعه واهم مصلحة يبون بس فلوسه !

شعارهم " نبي نغير حياتك " .. بالأحرى " نبي نهدم حياتك ، ونبوق فلوسك "

النصب اللي يصير انج تشترين شي كجرة تقوولين من سوق المقاصيص يايبينه .. والله اشيا مااا تسوى ما تحطين عليها دينااار حتى

والله العظيم اشيااااااااء cheap يبيعونها بهذااااااااااك السعر .. 200 - 250 - 300 !!!!

وخلاص لي شريتي وانفتح لج حساب للحرام وياهم ، لا بارك الله بهالشركة

تالي ايي دورج ، تفترين على الاوادم اللي تعرفينهم واللي ما تعرفينهم، وتذلين روحج حق فلان وعلان واللي يسوى واللي ما يسوى ..

تالي إذا دشوا اثنين تحتج >> واحد يمين والثاني يسار .. الشركة راح تعطيج 50 دولار ... بس !!

وتدرين جم 50 دولار بالكويتي .. 14 دينااااااااار بس !! تخيلي عمولتج 14 دينار على هالبيعتين اللي كل وحدة بهذاك السعر الغالي

يعني انتي الحين قطيتي 200 ، واللي تحتج قطوا 200 و 200 .. حسبيها ... من هالبلاوي بتحصلين بس 14 .. بالله مو نصب !!

واهمه لما يشرحون لج يقولون لج 60% بترجع لج كـعمولة >> comission .. وينهي هال60 % ؟؟؟؟؟؟؟

غير ما لشطوووها الحرامية الكباااااااااااار !!

تالي لين صار يمينج ثلاثة ، ويسارج ثلاثة .. ياااازعم بتحصلين 250 دولار ..

يعني جم كويتي ...... 72 دينار بـــــــــــــــــــــــــــــس !!!!!

تعالي حسبي ، بيدشون معاج 6 ، ثلاثة يمين وثلاثة يسار .. يعني عالاقل بيكون مجموع اللي اندفع 1200 دينار

عمولتج بس 72 دينار من هالـــ 1200 .. ؟؟ بذمتج مو بووووق .. بذمتج مو نـــــــصــــــــــــب ... !!!!!

هـــــذاااااااااا أصلا إذا دشوا معاج ثلاثة يمين وثلاثة يسار وبالتساااااااااوي ..

لأنه لو دشوا ثنين يمينج وثلاثة يسارج ، ما تحصلين الا الريش >> يعني ولاااااااااا شـــي

خافوا الله في فلوسكم .. لا تقطونها بالحرام .. هذي من أكبر شركات البوق والاختلاااااااااااااااااااس

ومردها إن شالله بتطيح وبتنكشف من ورا أكل فلوس الناس بالحراااااااااام .. لا بارك الله باللي سواها لا بارك الله فيه ..

 

[kekat kakaw]

سمعت عنهاااااااااااا و خفت منهاااااااااااا و ماحبيتها


بعدين قالوا حرام

 

[Spoildish]

حبيبتي هذي شركه نصب!! ديري باالج اخووي ربح شكثر منهم و الحين لااااااازم يرد المبلغ الي ربحه منهم دبلااااات و صارت قضية و مصيبة لا تشتركيين وما عليج من الي مشتركيين و فوق كل هذا حراااااااااااااااااااااااام