هالجدول مناسب !

[حور الأعيان]

صباح الخير


شلونكم حبيباتي


إن شاءالله تاريخ 11 بكون فالكويت بوصل المساء

و كنت حاجزه في رووم إن لكن الأهل غيروا الحجز و صار في بودل للشقق الفندقيه


شوه الأحسن تحسون !

بغيت أعرف سوق العربيد و حولي سرداب الشايع قراب من الفندق !

انا بيكون عندي يوم السبت من الصبح أني اتسوق

بشوه تنصحوني !

أنا ودي أشتري جلابيات هدايا نصحوني في العربيد و عندي مشروع صغير تغليف هدايا فـ نصحوني في سرداب الشايع بحولي

بغيت اعرف كيف يكون السرداب ! شوه شكله و هل المكان يخوف اللي فهمته انه تحت ننزل تحت الارض ماادري ما فهمت الصراحه و هل المكان كله هنود ! مافي مضره لو اخذت ولدي معاي عمره 11 شهر و هل في سلم متحرك او اصنصير ! ولا كيف بيكون المكان !



ودي في مطاعم حلوه و راقيه و اسعارها معقوله و فيها كباين او حتى يحطون البارتشن لو أطلبه لأني أتغشى الوحيده في القروب هههههه


شوه رايكم في هالسويقين يستاهلون أروح لهم !


و بغيت أسأل عن الوطن وين مكانه ! و شوه اسعاره لو بغيت أخذ صوغه منه حلويات !

ياريت تفيدوني خواتي وبكون شاكره لكم

 

[حور الأعيان]

up
up
up
up
up

 

[awashamen7asha]

هلا فيج الديرة.
العربيد بالفروانية و يفصل دراريع (ماعنده جاهز) فأذا قاعدة يومين ماظنتي يمديج تستلمينهم. سرداب الشايع عادي معقول مايخوف بتشوفين وايد عوايل يتسوقون للمكياج فيه . اذا مشروعج تغليف هداية ليش ماتشترين شرايط و كلف من بياع الورد بحولي او البلوكات بالديرة او عندج بعد بالري عند لولوهايبر ماركت محل كبير كله هالاشياء. الفنادق الي حاطتهم اول مرة اسمع فيهم و ماعرف اي منطقة بس بالنسبة للمطاعم (قيصر - ساتشي ) الي فيهم كباين

 

[نـعـومـه]

رد : هالجدول مناسب !

تبين جلابيات روحي الحمرامول يم العربيد بضبط

او سوق النقرة بحولي حلو لانه بضاعته مافي منها بالخليج واسعارهم زينه

سرداب الشايع ماعرف عنه ولاشي

المطاعم غالبا الكباين تكون مطاعم هنديه ولا كويتيه اما لبنانيه امريكيه كله مكشوف

روحي مغل محل فيه كباين مال حولي حلووو او قيصر بحولي بارك

 

[حور الأعيان]

مشكورات حبيباتي

اممم مع انه اهل زوجي راحوا من فتره و اشتروا جلابيات من العربيد جاهزه و حلوه ما كانت تفصيل !!

إن شاءالله أقدر أروح السراديب بحاول اسير البلوكات ممكن تشرحين لي زياده عنهم كيف السوق و جي !

بالنسبه للمطاعم إن شاءالله أقدر اروحها ،، مطعم فريج صويلح كيف كباين ! و شوه من المطاعم الكويتيه بالكباين !

 

[نـعـومـه]

رد : هالجدول مناسب !

حور

ودي اجاوبج بس صار تاريخ 11 يعني رحتي ؟؟

 

[صخر جلمود]

لآ عادي تحصلييين جاهز في العربيد وبالهههبل بعد


رحله موفقه وو سعيــــــده