هاذي مشكلتي ابي انفصل عن زوجي و ماني قادرة

[!الجادل الصعب!]

ولو آن كلآم حمولتج استغفر الله ياربي فيه آعترآض على خلقة ربي .. بس حآولي تطنشين ..
والجئي لربج .. هو الوحيد الي بينصرج عاللي ظلموج .. وبالنسبه للزوج ..
آذا انتي شآيفه عيوبه آكثر من مميزآته توكلي على الله .. بس استخيري آكثر من مره وشوفي شترسين عليه ..!

 

[xprincessx]

أفا عليج بس
الحين زوجج شاريج و يقولج انا راضي باللي الله كتبه
و انتي معصبه و معترضه على ارادة ربج
ما يصير يا قلبي ، اول شي لازم تسوينه تتقبلين الواقع اللي ربي كتبه عليج
و ترضين فيه و تتعايشين معاه
فلنفرض انه عطيناج حلول للطلاق
و بعدين شبيصير ؟
زوجج بيتزوج غيرج و بيكون اسره يديدة و بيمشي بحياته
و انتي شنو بيكون وضعج ؟
قاعده ببيت اهلج ، تطالعين اختج شلون مستانسه بحياتها
تطالعين تخوج شلون يودي و اييب و يسوي حق مرته
و انتي قاعده و حاطه ايدج على خدج !
فكري ببنتج ، صج انه ما يوديها مواعيدها بس عالاقل كافي حسه في حياة بنتج
عسى الله يخليها لج
انتي ام ، الله ما حرمج ، ربي عطاج ، انتي أم ، و الله أنه ألف وحده تتمنى الله يرزقها ببنتج
بنتج محتاجه حنانج ، محتاجه رعاية خاصة ، محتاجه اهتمام ، لا تحرمينها من أبوها حرام مالها ذنب
انا ماني فاهمة أنتي معصبة علشان العقم و لا من خوفج انه ريلج يتزوج عليج ؟
العقم تعايشي معاه و صلي انه الله يصبر قلبج ، ربي ما يسكر باب في ويه العبد إلا و فتح بداله ألف
الله يكتب لج اللي فيه الخير و يوفقج بحياتج

 

[أم توتو]

الله يسهل عليج ويرزقج ويحنن قلب زوجج عليج وصدقيني الله يحبج لانه سبحانه اذا احب عبد ابتلاه وهذا ابتلاء بيشوف مقدار صبرج ويختبرج عليج بالاستخاره والاستغفار وقراءة سوره البقره وقيام الليل صدقيني ربي بيدلج ويرشدج للطريق الصحيح الله يوفقج ويخليلج بنيتج

 

[دبله عامر]

قولي الحمد الله علي كل حال
غيرج مايبون اعيال ، وغيرج عنده كوكش اعيال مايقدر يوكلهم
حبيبتي لاتزعلين عمرج واهتمي ببنتج واللي الله كاتبه بيصير يكفي انج تنامين وانتي مو ظالمه احد الله يفرج همج

 

[{الرمش الخجول.!]

حبيبتي ربنا قال عن الاستغفار على لسان نوح عليه الصلاة والسلام "ويمددكم باموال وبنين "
صدقيني ياقلبي كل شيء بيد ربنا سبحانه امره بين كاف ونون يمكن زوجج مضغوط مثل ماتقول اهله يعلقون دايما فشيء طبيعي ترى انا مااعفيه من الغلط بس اصبري ياحياتي صلي قيام الليل ركعتين بس خير من الدنيا ومافيها قال النبي عليه الصلاة والسلام وحطي في بالج دايما كان عندك هم لاترفع تقول ياله الكون همي كم كبر قول ياهمي ترى مهما تكون عندنا رب كريم يابشر ربنا سبحانه رحيم بعباده الجئي له وتضرعيله وربج يحلها سبحانه واستخيري بعد والخيره فيما اختاره ربج
بس في سؤال انتي ناقشتيه مره ؟؟؟!!! ولاكل شيء خاشته بقلبج لابد تناقشينه وتحطين النقط على الحروف
الله ييسر امرج ياربي

 

[Uniqueness]

أختي مثل ما قالت وحدة من الخوات .. العلاج سهل وبين إيدج صدقيني ..
الاستغفار .. الاستغفار .. الاستغفار ..
أتمنى أختي لو تسمعين شريط أسباب منسية للدكتور خالد الجبير تلاقينه ع النت حاولي تسمعينه رح تتغير لغة اليأس اللي قاعدة تتكلمين فيها ..
صدقيني أختي ما في شي عزيز ولا صعب على رب العالمين .. إذا أراد شي قال له كن فيكون ..
ويا ما ناس عجز الطب في علاجهم ولقوا علاجهم في الاستغفار والدعاء والتذلل والخضوع لرب العالمين ..

أختي اللي قاعدة تعانين منه ابتلاء من رب العالمين .. والله ما يبتلي إلا المؤمن ..
والله إذا أحب عبد ابتلاه .. وإن شاء الله اللي تمرين فيه أجر وتكفير ذنوب ..
أو لعل الله اشتاق أن يسمع دعاءج في الثلث الأخير من الليل أو بين الأذان والإقامة ولذلك ابتلاج ..

لذلك لا تيأسين من رحمة ربج .. كثري من الاستغفار والدعاء .. وعسى الله يرزقج عاجلاً غير آجلا آمين


بس أتمنى أختي تسمعين شريط أسباب منسية أتمنى تسمعينه والله ما ياخذ من وقتج ساعة ..
وعلى فكرة ما رح تحسين بالوقت لأن الشريط عبارة عن قصص حقيقية مرت بالدكتور ومنها ما ينطبق على وضعج ..

 

[ترف بابا]

حبيبتي الله يريح بالج تبين عيااااااااااال ؟؟؟؟؟؟؟؟؟؟
ترى العلاج بيدج وانتي غافله عنه

قياااااااااااااااام الليل
سورة البقره
الاستغفار

بإذن الله راح ينترس بيتج عيال بس لازم يكووون عندج يقين وحسن ظن بالله

الله يرزقج بالذريه الصالحه ويهديلج زوجج واهله الله يهديهم مايخافووون انه الله يبلاهم الاعاقه مو وراثه الحمد لله الذي عافانا هذا ابتلاء من الله ولازم تصبرين وزوجج حاولي تتحاشين المشاكل معاه واصبري ماتدرين يمكن صبرج عليه وعلى اهله يكبرج بعينه

كلام الاخت صحيح
والله يفرج همج

 

[كاملة الدسم]

الله يكون بعونج مادري شقولج من حقج تتخذين قرار الانفصال بس لا تستعيلين ابد

استخيري وفكري وشوفي والمثل يقول ظل ريال و لا ظل طوفه فكري اكثر من مره

 

[جوانا2010]

الله يفرج همك حبيبتي ويسخرلك زوجك....

 

[الاحمدية]

رددى علطول اللهم اهدنى وارشدنى والله عمتى بعد 16 سنة زواج وبعد ما زوجها تزوج عليها الله كرمها بالولد يهب من يشاء وخالى الله يرحمه طلع من هذه الدنيا بدون اولاد وكان راضى بما قسمه الله له رغم ضغط اخوانه عليه بالزواج

 

[أتراب]

الله يفرج همج​

 

[Joy close]

الله يرزقك يارب حبوبه ليه تتطلقين دام زوجك ماقال شي انتي الجئي لله وادعي بالثلث الاخير من الليل

 

[نوبدي]

الناس انانيين كله ايفكرون في ريلج المسكين وله بنتج وله اي حد يحتاج العطف، بس ما يفكرون ابدا فيج انتي اللي طايحه في النص ،،،

موقفج صعب ما في ابد حد يقدر اريحج الا انتي نفسج ،، كل قرار بتتخذينه بتندمين ليش ما اتخذتي العكس ،،

اذا بتطلقين بتفكرين ليش ما صبرت واذا صبرتي بتكرهين عيشتج وياه والضيم اللي تعيشينه ،،

انا في هل الحاله لما اشوف الخيارين امر منهم ماشي اوكل الله ،،

ما اختار ابدا لنه ما اقدر ما اعرف شو الخيار الاحسن لي،،

تمي ادعي وايد ،،

انا دايما ادعي هل الدعاء والله يختار عني او يسرلي اختار الاحسن او يصرفه عني


ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه

وانا واقفه وانا قاعده وانا اتذكره على طول اقوله ،،


والله يسر لج اللي فيه خير لج،،

 

[unapproachable]

نصيحه من مطلقه .. اذا الريال زين ويعاملج زين لا تتركينه وخلي عنج العصبيه اذا في بينكم الفه ومحبه من قبل اضبطي نفسج وادعيله بالهدايه وخصوصا اذا فيج انتي عيب الانجاب وانه صابر عليج .. صدقيني حتى لو يتزوج عليج اذا زين معاج لا تتركينه وماعليج من كلام الناس وترى كلام الناس بيصير دبل عقب الطلاق

وانا ماانصح بالطلاق الا اذا كان الرجل منتهي ومامنه فايده ومايخاف الله فيج وفي بنتج

 

[صمت المرافئ]

استعيني بالصبر والصلاة
وارضي بقضاء الله وقدره
ما أنصحج تتطلقين من زوجج
الطلاق ما راح يضره بالمرة كثر ما يضرج
راح يتزوج ويمكن الله يرزقه بعيال يكونون قرة عين له وتعويض
أما انت ... تطلقت ... وبعدين ؟؟؟
تعيشين عند أهلج ... وبعدين ؟؟؟
تصيرين لا قدر الله إما وحيدة ... أو عند زوجة أخ ...
خليج في بيتج مكرمة معززة
وبالنسبة لمساهمتج بالاستقرار المادي ...
ترى أغلب الزوجات جذي انت مو حالة فريدة أو شاذة
نصيحتي لج ...
حتى لو تزوج زوجج ... لا تتطلقين
فكري ببنتج وبنفسج
ترى عيشتج في بيتج أفضل وأحسن ألف مرة
من عيشتج عند أهلج

​

 

[(نبنوبه)]

يا سبحان الله والمعاق يعني شنوح مو انسان بالعكس والله يزيد البيت بركة والحمد لله
حبيبتي ما راح ازيد على كلام البنات

خففي من عصبيتج وريحيه ي زو جك انا حاسة انه يحبج عاملي معاملة حلوة احترميه فزي فيه لمل يدخل دلعيه عيشيه عيشة ملك والله ترى اليال اهم شي راحته واذا لقى زوجة تحبه وتطيعه والله مايفكر بغيرها

لا تطلبين الطلاق خليه اخر الحلول

 

[Pippa]

أفا عليج بس
الحين زوجج شاريج و يقولج انا راضي باللي الله كتبه
و انتي معصبه و معترضه على ارادة ربج
ما يصير يا قلبي ، اول شي لازم تسوينه تتقبلين الواقع اللي ربي كتبه عليج
و ترضين فيه و تتعايشين معاه
فلنفرض انه عطيناج حلول للطلاق
و بعدين شبيصير ؟
زوجج بيتزوج غيرج و بيكون اسره يديدة و بيمشي بحياته
و انتي شنو بيكون وضعج ؟
قاعده ببيت اهلج ، تطالعين اختج شلون مستانسه بحياتها
تطالعين تخوج شلون يودي و اييب و يسوي حق مرته
و انتي قاعده و حاطه ايدج على خدج !
فكري ببنتج ، صج انه ما يوديها مواعيدها بس عالاقل كافي حسه في حياة بنتج
عسى الله يخليها لج
انتي ام ، الله ما حرمج ، ربي عطاج ، انتي أم ، و الله أنه ألف وحده تتمنى الله يرزقها ببنتج
بنتج محتاجه حنانج ، محتاجه رعاية خاصة ، محتاجه اهتمام ، لا تحرمينها من أبوها حرام مالها ذنب
انا ماني فاهمة أنتي معصبة علشان العقم و لا من خوفج انه ريلج يتزوج عليج ؟
العقم تعايشي معاه و صلي انه الله يصبر قلبج ، ربي ما يسكر باب في ويه العبد إلا و فتح بداله ألف
الله يكتب لج اللي فيه الخير و يوفقج بحياتج

:rerrerek:​

 

[اسرار الغلا]

الله يفرج همج

 

[ذكرى الايام]

الحمد الله على كل حال والله يعافي بنتج ويشفيها شفاء لايغادر سقما
مقدر ومكتوب انتي مؤمنه وهذا قضاء وقدر وبعدين ياما امهات مثلج احتسبي الاجر من الله والله يعينج
وحتى ياما امهات صاروا عيالهم فيهم اعاقه بسب الحوادث وهم طبيعين مافيهم شئ
وحتى في ريايل يتزوجون على حريمهم حتى عندها منه كوكش عيال
انتي بس تحسين بضغوط نفسيه عليج بالدعاء واللجوء الى الله وربي بتحسين براحه نفسيه وحاولي تطلعون تغيرون جو سافرواولا تمشوا بالديرة روحي صديقات زوارات
ان شاء الله مافيج الا العافيه
اذا ريلج يبي يعرس انتي اجلسي مع نفسج وشوفي حياتج كيف بتكون لو تركج كيف بتعيشين
الله يكتب لج اللي في الخير
موفقه

 

[al-musk]

شوفي قلبي..ربج اذا حب عبد ابتلاه وخلق الانسان في كبد وربج يقول بشر الصابرين وانا معاج محد يحس بالشي وبالنار الا الي واطيها..

انتي ماقصرتي وعداج العيب وتعالجتي وربج ماكتب وزوجج هم مو بيده ماقصر وحاول يصبر بس الانسان طاقه ولاتنسين ضغط اهله ..
انتي صعب عليج انه يتزوج بس مالج حل غير هالحل..خلاص خليه يشوف حياته ويجيب عيال وانتي مو اول وحده ولا اخر وحده والله يعين يابنت الحلال وادري مو سهله بس الشكوى لله لاتطلقين لج كرمتج وحشيمتج اهتمي ببنتج ولج حياتج مع زوجج وراحته وسعادته راح تنعكس عليج ويعوضج خير.. بس لاتطلقين عيشي حياتج وقزي وطلعي واهتمي ببنتج زخلج مع زوجج بالعكس بتكونين خفيفه وحلوة على قلبه وبيلاقي عندج الهدوء..

ادري كلامي صعب بس الحياة بتمشي بتمشي فليش تعيشينها بنكد وقهر..
الحياة مثل الطريق يا تختارين طريق مظلم ومكسر وياتختارين طريق منور وسلس والخيار لج لأن النهاية وحده .. وصدقيني لما تزهلينها وتكشتين بالدنيا بتجيج وتركض وراج

ودايم ادعي ( اللهم اجعل همي الآخرة ) راح تجيج الدنيا راغمه,,

والله عورتي قلبي بس صدقيني محد خالي بس نوعية المصايب والمشاكل تختلف..