نووووووووووون

[اتكيت]

مرحباااا بنات
يعطيكم العافيه ياارب

باختصار بغيت افكاركم بالنون شنو اسوي وشنو احط واذا فيه افكار جديده

ويعطيكم العافيه مقدماا

انتظر مساعدتكم حبايبي وافكاركم الحلوه مثل ماعودتوني


تحياتي

 

[اتكيت]

للرفع

 

[قمه النعومه و الأنوثه]

نووون امي سوته حق ولدي الله يحفظه اللهم آمين وعيال المسلمين أجمعين..

طبق وحطت فيه النون بس كل قطعه بالنون لازقه عليها بالصمغ 100 - 50 - 20 - 10 - 5 فلوس اليهال كيفوا حدهم طبعا الحب لأ ولكبار حطيلهم اشويه بجياس ذربين او وزعي عليهم توزيعات كاكاو...

ومره وحده من بنات المنتدى حاطه بتفاخيه اكبيره لفلوس وبطتها بعدين..حلوه فكرتها بعد اتعقد اختنا العضوه وين العهود
​

 

[اتكيت]

الله يسلمج يارب ويخليليج ولدج وكل احبابج ان شا ءالله

ماقصرت يعلى ردج وافكارج الحلوه

كلج ذووق مشكووره

 

[صديقة د. شريفه]

والله أذكر يدتي الله يرحمها لما كانت اتقط علينا نون ، اتحط حلاو جاكليت اللي عليه صورة بقره ، و العلج اللي عليه ميكي اللي قرطاسه فيه أصفر وفيه أحمر واي يذكرني بأيام الطفوله ، واتحط الخرده اميات و خمسينات ، واتحط بعد أرباع وأنصاص ، ويا بخته اللي يحصل على الخمس دنانير اللي تدعسهم ، وتحطهم كلهم في زبيل وتحذف علينا وانا الخبله أركض على الجاكليت ، والحريم والخدام يركضون على الفلوس ،، معلوووووم

 

[قمه النعومه و الأنوثه]

لووووووووووووووووول صديقة د. شريفه ذكرتيني بالحلاو بو بقره لوووووووووووول حدي خاطري فيه عاد الحين وين القاه..:eh_s(10):

امي اتحط فلوس بس ارباع امسفطين بين الحلاو​

 

[جومانجي]

عندج الكاكاو والعلوج الي على فلوس 100 و50 وضيفي انت الحلاو والكاكاو الي تبينه اما الكبار لهم افكار خاصه

 

[نور دنيتا]

حبيبتي انا بنون بنتي رحت السرداب الي بحولي و شريت كياس حلوه و علب و شرايط و رحت شويخ و شريت كاكاو و حلاو و العده
عقب حطيت حق اليهال بالكياس و طلع شكلهم وايد حلو و ذرب و الكبار فرقت بكل علبه قوطي ماكنتوش و كيس صغير في الفلوس و سكرته و لفيته بشريطه و خذيت صبغ رش ذهبي و رشيت شوي و حطيت فراشه و كان وااايد روعه و العلب كانت ملونه بس كلمن مدح شغلي و ما صدقوا اني انا الي مسويته
و بالنسبه حق الفلوس النا صرفت خرده و غير جذي ربطه الرباع و كا ربع خليت خدامتي اتسويه على شكل مركب و الفكره كانت وااايد حلوه

 

[ombaza]

نور دنيتا مشالله شكلة واااااايدى حلو انشالله على ولدي بسوي جذيه

 

[Swan]

سويلج جياس ذربه ووزعيهم عاليهال والكبار
واشتري سله كبيرة وزينيها بشي يناسب الجياس وحطي فيهم الحلاو والكاكاو والخرده