نومة الزوجة ببيت اهلها

[njoom1]

لا امبييييييييييييه مو جذي عطوا الريال فجه خلوووه يشتااااق لكم لووووووووووووول

 

[كويتيه مذهله 87]

ااذا سافر اي اروح بيت اهلي غيره لأ
ماعف انام الا بفرااشي سبحان الله

 

[قلب مغليك]

رد : نومة الزوجة ببيت اهلها

بالعكس مااشوف فيها شي يوم بالأسبوع ماراح يضر ماراح يخون بهاليوم

 

[one two 3]

اذا الزوج راضي اي روحي استانسي عند اهلج

 

[العفاسيه]

احس سخافه اذا الوحده قالت غلط

بفهم وين الغلط

 

[الـزين و الجـود]

رد : نومة الزوجة ببيت اهلها

اايدها وبشده بالعكس تغيير وع الاقل اشتاق له شوي
واهلي مااستغني عنهم​

 

[المستبدة3]

امبييه ياكثر نوماتي

 

[*لذيذة حدي*]

انا يمكن مو من مؤيدين هالشغله بس ما اشوفها غلط كلش
اللي تبي تنام عادي

بس انا عن نفسي مستحيل اسويها لاني احب وقت النوم اكون مع زوجي

 

[Killer^Girl]

اذا طول الاسبوع انتوا لاهيين دوام ومسؤوليات وروتين وعيال ونوم مبجر
متى الوحده تتفرغ حق الريال اذا حتى بالويك اند تنامون عند اهلكم ؟؟
انا ماحب ان يكون هالشي تعود ولاااااااازم يصير كل مره
اذا مره بين فتره والثانيه اوكي
اما التزام وعرف اسبوعيا كل ويك اند عند اهلي لا

 

[خلود الزمان]

انا اشوف انها عادي اهيتبي ترتاح شوي
واهو بعد يشتاق لها
بس مو طول الاسبوع عند اهلها يعني يوم بالاسبوع يومين بالكثير

انا مملجه بس خواتي متزوجات ودايم ينامون عندنا عادي مثل ماقلت يعني يوم يومين بالاسبوع مو اكثر

 

[om_7amny 85]

شنو المشكله؟؟؟ يعني خلاص لا صرت عنده 24 بحرسه من الخراب ؟؟؟والله أنتو بس تفكرون ان لا يطالع غيري لا يخوني لا يشوف افلام سكس لا يغازلً و تنبش بتلفوناتهم و أغراضهم و بلابتوباتهم و حوسه و حالتكم حاله و فوق كل هذا 99،9٪ من نسبة الرياييل ألي يخونون
أنا ما اقول خلي علي راحته بس خلو تفكيركم أوسع من جذي والله والله والله الريال اذا بيخون يخونج و انتي قاعده بحضنه ترى الريال ما راح يقول والله يحليلها مجابلتني بالبيت 24 ساعه ما تنام عند أهلها لا حبايبي الريال يقول أف غثه جان زين تفج عني و تنام عند اهلها
يا حبايبي عطووووووووو فجه يتنفس بهاليوم من غير لا حسيب ولا راغيب
يتأخر بدوانيه علي راحته انشالله للفير و يروح حداق مع ربعه ينامون بجزيره احيانا ينامون بمخيمات
ترى الشباب لهم جوهم لا تقتلين ايام حريته و هو عزوبي عشان جذي الرياييل يتمنون يردون عزوبيه لان حريتهم فوووووووووق كل شي
اغلب البنات عندهم لا الريال تزوجني يعني خلاص ينسي ربعه يجابلني اشق حلجه بالمصرف ألوع جبده بالطلبات عبالهم جذي خلاص يودو الريال ما يدرون ان زهق عيشته كل شي بالمعقول يا بنات كل ما عطيتيه حريته كل ما عطاج تقدير و تكبرين بعينه و يحس فيج اكثر لإنج مخليته براحته
*بنات إحنا علي أولنا نحب الريال و نعطيهم من كل قلبنا بس اهما للأسف ما يقدرون ان هالشي من باب الحب
وينغثون فالمره ألي تتثيقل علي الريال و ما تعطي ويه و تخش شويه عندها مخزون من العواطف و المشاعر أهيا ألي ريلها يموووووووت فيها و يركض وراها للأسف و الشاطره ألي تقدر
و أنا اقول ناااااااامو و ناااااااامو و ناااااااامو عند أهلكم و خلي هاليوم فري حقج دهني يعرج طلعي مع امج و خواتج تأخروا بردة البيت عيشي اعزوبيتج
بسنا من مطالبهم و مراقبتهم واهما على اخر أنشكاح ولا حسو فينا
و بالتهاون أمي و أبوي لهم حق علي وما فيها شي لو خصصت لهم يوم يستاهلون

 

[LeeMa q8]

واي ياحلات النومه بيت اهلي انام ع كيفي واكل وانا قاعده ماتحرك الخدامه تجيب كل شي وادهن شعري ومرات احنيه واخذ بريك من اهل زوجي لووول بما اني ساكنه عندهم وحتى زوجي ياخذ راحته يروح لربعه ويسهر وهيكي


بس ترا جد لازم تاخذين وقت لنفسج وحتى زوجج ياخذ وقت لروحه حتى تشتاقون لبعض اكثر


وشي طبييعي مع العيال وبعد جم السنه بنقضب بيوتنا ومانروخ الا يوم بالاسبوع

 

[كماشه]

انام عند اهلي لازم اخذ راحه اروح الخميس وعود الجمعه

 

[Adorable]

ما انام عندهم لان ما عندنا هالعاده اساسا و لو كانت موجوده اكيد بنام

 

[الحياة جوهره]

انا ايد نومة اهل تغير وزوج يشتاق لزوجته بس موكل الاسبوع حسب الظروف

 

[الينبوعة]

شكو بيها حبيبتي عادي جدا انا بيتي يبعد عن اهلي 8 ساعات واجي الهم زيارة بيت الفترة والثانية بعض مرات مع زوجي وانام عدهم شهر مع زوجي بعض مرات بدون زوجي وية ولدي نفس الشي اضل شهر اسبوعين عادي ​

 

[ام منصور1]

رد : نومة الزوجة ببيت اهلها

حلو الوحدة تنام عند اهلها تغير جو ،،،، بس من يكبرون الاولاد بتصير صعبة عليها ،،،،،،،،، اايد وبشدة النومه عند الاهل بس ليله وحدة تكفي موليلتين

 

[روعة حياتي]

رد : نومة الزوجة ببيت اهلها

احس مالها داعي

الا اذا كان الزوج مسافر او عنده شغل وبيتاخر هذا شي ثااني

بس نومه بيت اهلها بدون سبب كلش كلش ماله داعي

الا اذا في سبب وبأذن الزوج هذا شي ثاني

 

[أزهااار]

أنا ماشوف فيها شي يعني هذول اهلي مودايمين لي بالعكس احس اني للحين صغيرة باهتمامهم فيني

وحبيبتي اذا على الخيانة والله بيخون لو اني بالدار الثانية كبرو مخكم شوي

بالعكس نشتاق حق بعض بعد روحة اهلي مرات انام ليلة واذا جمعة ووناسة انام ليلتين

يكفي اني طول الاسبوع معاه

هذي امي مو كل يوم عندي والله يخليها لي