نوع الجنين

[بنوتة العتبان]

​

السلام عليكم ورحمة الله وبركاته

شلونكم كوتيات انا سعيده بوجودي معكم بهذا القسم والله يسهل على كروشات
والله يرزق كل محرومه بالذريه الصالحه


بدخل بموضوع على طول انا حامل بالشهر الرابع
آم لبنتين وآتمنى من الله يرزقني الولد المتشافي المتعافي الصالح
استمرية على حمية الولد سنتين والله مارزقني والحين اللهم لك الحمدالله
اأنعم علي بس لي محيرني سوت اخر الشهر الثاني سونار عند الدكتوره آميره بهبهاني
سونار وبشرتني بنسب70//: إلى 80/:ه كبيره آنه فيني ولد من طريقة الجيس تقول بيضوي والبيضوي والهلالي ولد
وأنه شافيه تنفخ بالآعضاء التناسليه حمدالله وشكرته وعطتني موعد بعد شهر

وجيت له بعد شهر جان يتغير الكلام وقالت لي بنت 100/:
وانصدمة صراحه قلت بس أنتي قلتي لي بنت من طريقة الجيس قالت الحين شفت الشفرتين
بس أنا حاسه ولد لاني الحمدالله مافيني وحام وأحب الحوامض والفلفل وشهيتي مفتوحه بس مامتنت كثير

ورحت ثاني يوم لمستشفى عاليا وقالت لي الدكتوره ولد
وأنا الحين محتاره بي دعواتكم لي بالولد
وشنواسوي في أحد غلط معها السونار

 

[دآآآنــه]

الله يرزقج باللي تتمنينه و يا كثر اللي يغلط معهم السونار و اهم شي حبيبتي يكون متعافي و سليم ولد او بنت

 

[بنوتة العتبان]

حياتي دانه يسلموووو على هالدعوه

 

[قلب زوجي وولدي]

شوفي اميره صارت تخربط واااايد



بالاول تقول ولد وبعدين بنت


صارت معاي مرتين بحملاتي

ولد بنت بعد اروح دكتوره ثانيه تقول ولد

ويطلع ولد


احس صارت تخرف والله


و بالاسبوع الـ ١٢ البنت والولد يتشابهون

عشان جذي روحي عال اسبوع ١٦ يبين


او اول الخامس يبين



والله يرزقج بالولد

 

[@سيدة نفسي@]

والله شكلها قامت تخوره .. نطري شوي وسوي عند غيرها والله يرزقج بالولد الصالح

 

[لوولوو_88]

ربي يرزقج بالولد الصالح .. انا انصحج روحي لاشرف بالسلام شاطر مشالله عليه ..

 

[انتيكا]

الله يرزقج باللي تتمنينه روحي اشرف اللي بالسلام شاطر

 

[؛؛sokrrah؛؛]

اذا وحامج خفيف وغير عن بناتج اتوقع ولد

 

[ألــمــاسه]

نفس للي صار معاي

قالت لي ولد وبعدين بنت

ودكتور ثاني بعد قالي بنت

والحمدالله اخر مره سويت طلع معاي ولد

 

[أم مهره وميثاء]

الولد والبنت كلها نعمه .. انا اعرف ان الوحده مب حرام تتمنى بس احسج مب راضيه بالبنت

 

[بنوتة العتبان]

الحمدالله على كل حال والولد والبنت نعمه بس الواحد مو حرام يتمنى
أم مهره وميثاء ترا انا راضيه بالله الله كاتبه ومشكوره على ردودكم الجميله

 

[نـور الكويت]

حبيبتي الله يرزقج بلي تبين ..

ويفرحج ويرزقج بالولد الصالح المتعافي يارب ..

سويه على الشهر الخامس وبيبن معاج ان شاءالله بس غيري دكتورتج تخوره هاذي ..

عندج الدكتوره هبه بمستشفى عاليه شاطره وتعرف ... وفي دكتوره عنديه بعد شاااطره وحليووه

روحي شووفي وربي يكتبلج الخير ��

 

[بنوتة العتبان]

بنات تكفون اكتبو تجاربكم لي ماضبط معها السونار وخاصه عند أميره بهبهاني

 

[shak!shoka]

انشالله يطلع ولد و تييبين اخو لبناتج و الله يفرح قلبج

 

[shak!shoka]

اي صح بقولج بعد انا جربت سونار الدكتوره عاليه
ببجري ومن اخر الثالث قالت فيني ولد و كانت متأكده و كانت تحاول توريني و تفهمني و تسوي زوم بالسونار ،، حيل شاطره و واثقه من نفسها


بس اميره للامانه ما جربتها

 

[naba6a]

حبيبتي انصحج بدكتور عادل الملاح بمستشفى السلام اهو اصلا استشاري اشعه وسونار انا رحتله ب ١٤ اسبوع قلتله دكتور ماراح اطلع من العياده الا لما اعرف نوع البيبي قعد نص ساعه بس يحاول يتأكد من النوع لان الجنين كان قاعد والحبل السري بين ريوله اخر شي قالي مبروك يابنتي ولد قلتله متأكد قالي اي وماله داعي تعيدين السونار عشان تتاكدين

 

[فـراوله]

وااااي علي اميره اضاهر صارت تخربط وايد

قالت حق اختي ولد 100%

بعدها طلعت بنت


وهم صارت مع رفيجتي قالت لها بنت وطلع ولد




غيريها الافضل

 

[ألــمــاسه]

سوي سونار ثاني وبشرينا

 

[نور الضي]

سوي سونار عند البلغاريه بالضامر
وعسي الله يرزقج بالولد الصالح يارب
وبشرينا

 

[Dalalyv]

تبين اللي يعطيج الكلام الصحيح مستشفي لندن سونارهم مووووو صج الدكتور احمد والله والله انا وخواتي كنا حوامل بالشهر الثالث علمني انه فيني ولد واخواتي الثنتين فيهم بنات , وبنات عمتي بعد يعلمج من الشهر الثالث وفعلا كلمته وحده ماشاءالله عليه شاطر بسونار