نقط دم مع افرازات وقت الدورة ـبعرف حامل ولا لا

[مصدومة]

السلام عليكم ورحمة اللة وبركاته بنات انا اليوم موعد دورتي بس صار شي غريب نزلت مني افرازات معاها نقط دم بس مسحت بالكلينكس بين والحين مافي اي شي دايما اول يومين تكون الدورة غزيرة عندي بس هالمرة جذي صار والحين بس احس بعوار بظهري وبطني عوار بسيط بس مافيه شي شسوي حدي خايفة

 

[LoOoZa]

انتي حامل ومبروك حبيتي
اذا نازله عليج نقطه وحده او كبر 100 الفلس انتي حامل وبشريني وفرحينا

 

[LoOoZa]

اذا افرازج شفاف وونقطة الدم ولا دم وردي اكيد حامل وذا ماصار لج من قبل جذيه تأكدي

 

[مصدومة]

lo0oza

مشكورة حبيبتي بس الحين في افراز بيج غامج (بني فاتح) مادري نفس افراز نهاية الدورة تقريبا عفية طمنيني

انا بحملي الاول ماصارلي جذي كلش

 

[مصدومة]

نسيت اقولج قبل موعد الدورة باسبوع حللت دم والنتيجه سلبية وقبل الدورة بيومين حللت التحليل المنزلي وطلع سلبي لان ناس حلمو فيني حلم وفسرته وطلع حمل بس مادري اول مرة جذي يصير شلون اتأكد

 

[مصدومة]

بنات بليز وينكم حدي خايفه ومن امس مو قادرة انام

 

[ام زاكي]

انشالله تكونين حامل يارب

حللي منزلي اليوم راح يبين معاج زاذا مابين سوي تحليل دم

 

[فجوره]

ان شاءالله حامل

 

[غلاي غير]

حللي اليوووووم وان شاء الله يبين

 

[ReMaMaLL]

موشرط حمل مابي اضيق خلقج
انا مرات جذي 3 ايام وبايالله تبلش الدورة

 

[كـ غلا ــلي]

حللي منزلي ويبين لج على طول وانشاءالله تبشرينا بحملج

 

[الباحثات عن الجمال]

بعد يومين إذا ما نزلت الدورة سوي تحليل دم هو يبين أكثر وبالعافية إن شاء الله.

 

[لوكستيان]

حبيبتي

انا قبل موعد الدورة بـ 5 أيام نزل علي بقعة دم لونها وردي

ولما حللت يوم دورتي طلعت حامل

عقبالك وكل المتأخرات يارب

 

[المـاسة]

حبيبتي نطري يومين وبعدين حللي دم وانشاء الله ربي يرزقج بالحمل

 

[shoka]

يا رب حامل وتبشرينا

 

[دلع حياتي]

ان شاء الله حامل انا كذه صارلي وطلعت حامل ولما حللت على طول بان

 

[جلاكسي 77]

انشاء الله تكونيين حامل انا كنت شاكة بنفسي اني حامل الاسبوع اللي طاف رحت سويت تحليل ما طلعت حامل لاني سويته مبجر اهي موعدها 1/4واحس بعوار الدور ونزل علية افرازات نفس اللي قلتي عنها وامس رحت حللت بالبيت وطلعت حامل
انتي نطري يومين من بعد موعد الدورة علشان اتأكديين اكثر

 

[خيوط الطيف]

انشاءالله حمل

 

[مناوووي]

ان شاء الله حاااااااااااااااااااااااامل

ربي يثبته لج

 

[عيش و مرق]

مبروك وانشاله اتبشرينا بلولد لان عوار الضهر يصير بدايه الحمل للولد