نقص ماي الجنين و ولادة بالثامن:( ساعدوني

[ام عفاف الكويت]

الريل ماراح يرضى
لانه يبت ولدي وبنتي طبيعي

 

[nannoraa]

حاولي تقنعينه انا بنت عمي يابت 2 ماشالله طبيعي بعدين ظلت 5 سنين ما حملت و اهي من ولدت الثاني ما خذت مانع خير شر و سوت اهي و زوجها تحاليل و طلع عند زوجها نسبة حيوانات منويه مشوهه اكثر من اللازم و العدد قل و عطوه فيتامينات لمده 3 شهور و حملت ماشالله جنه بثاني او ثالث شهر فحاولي تقنعينه لان السنين لما تمر راح تصير تغيرات بالهرمونات و بكل شي فلازم الواحد يجيك مره ثانيه
حاولي تقنعينه ام عفاف لو بالكلمه الحلوه و المساحل و قوليله ما فيها شي مادري ليش الريايييل ماخذين الموضوع ضعف و اهانه! احنا نروح و نعالج و نسعى و نحمل و نتعب و اهما يبون كل شي بارده مبرده ! الله يهديهم انشالله بس روحي انتي و حاولي تقنعينه ترا السنين تمر و الوقت يمر بسرعه والله

 

[ام عفاف الكويت]

بحاول يارب ومشكوره ياقلبي

 

[nannoraa]

العفوو و مشكوره حبيبتي طمنتيني شويه على سالفة الماي ادعيلي عالاقل اظل لي اتاسع و ادش شهري و عقبها انشالله ربي يسهلها و عسر ربي يرزقج بالحمل السليم ياربي عاجل غير اجل باذن الله

 

[حرم بدر]

يا حياتى ننورا ان شاء الله ما فيكم انتى والبيبي الا العافيه

عليج بالاستغفار والصدقه

والله يهون علبج يا الغاليه

وصدقينى كل شى من الله خيره وعسى ان تكرهوا شيئا وهو خيرا لكم

دام الحمد لله اهو زين والنبض زين لا تحاتين شنو صار لو كان بالشيشه اهم شى صحته زينه

 

[nannoraa]

حياتي حروووومه مشكوره على ردج فديت قلبج ربي يخليييلج عيااالج يارب و يفرحج بشوفة ضناج يارب

 

[حرم بدر]

امين يارب ولج بالمثل هالدعوه ربي يخليج

 

[نسيت حبه]

اختي حبيبتي انتي قاعده تحاتين ومعتفسه اجل شتقولين علي
انا نازل ماي البيبي من الرابع يوميا ينزل مني ماي ولما رحت العدان قالي الدكتور طيحيه وش تبين فيه
بيتعبش الكيس فيه ثقب وماادري يكمل ولا لا واذا كمل ماراح تكتمل الرئه عنده لان الماي قليل
قلت له ربي اكرم منك ويمكن عمره اطول من عمرك
وانا الحين باالشهر السابع وليلحين ينزل ماي وناطره رحمة ربي سبحانه

 

[cherry tree]

يت بعد عمري الله يكتب لج اللي فيه الخير
انا ولادتي اللي طافت كانت ب 31 اسبوع وما كنت مستعدة فمو ماخذة ابرة رئة ولا شي
وزن بنتي كان كيلو ونص كانت نتفة نتفة تينن الله يحفظها يارب
خلو ليما صار وزنها كيلو و 800 و ظلت بالحاضنة قريب شهر وعطوها ابر تكمل الرئة
وفحوصات كاملة حق كل شي حوض وسمع ونظر
والحمدالله كبرت كانت نتفة بس الحمدالله ياربي وكل شي طبيعي
وانتي ان شاءالله احسن لان اكيد بيعطونج ابرة الرئة
يمكن يخلون البيبي بس ليما يكمل عمره 34 اسبوع والحمدالله بيبيج كمل ،،ووزنه يكمل كيلو و 800 ويطلعونه لج ويقولون لج شربيه حليب نيوشور يدعم نموه
يعني ان شاءالله حتى ما يحتاج حاضنة يارب الا اذا حق البصفار وهدا طبيعي حتى حق الكاملين لا تحافين
والله يقر عينج بشوفته

 

[نسيت حبه]

حبيبتي شيري الله يخلي لج بنيتش وتشوفينها عروس
بغيت اسالج ليش ولدتي ب31 اسبوع
ولاده مبكره ولا نازل معاج الماي

 

[ام مراوي]

الله يتمم عليج حملج وتولدينه بالسلامة

 

[cherry tree]

لا ما نزل الماي
يي لي عوار قوي وكنت بجر مادري ان هذا الطلق مع ان كان منتظم
وكنت مابي اروح الطبيب لان مو قادرة اوقف من العوار
بس بعدين نزل علي دم فودوني غصب وطلعت ولادة