نقص ماي الجنين و ولادة بالثامن:( ساعدوني

[nannoraa]

السلام عليكم
بناات انا بثاني اسبوع من الثامن بالسبوع 33 و الماي عندي ناقص صارله اسبوعين تقريبا و ما نزل علي ماي كلللللش قالي الدكتور المشيمه مو قاعده تغذي البيبي عدل و اذا ظل الماي ناقص راح يودلني و البيبي اصلا عمره جنه بالاسبوع 30 او 31 و انا مابي اولد بالثااامن بنات قولولي منو صارلها مثلي و رد الماي طبيعي عندها و ولدت بالتاسع؟؟ انا حيل خايفه و بجريه و ابي اولد بالسلامه و اشيل ولدي بحضني مابي يحطونه بالشيشه حتى لو يحطونه مابي يحطونه وايد
عفيه بنات اللي صار فيها جذي تقولي شنو سوت و متى ولدت و شكثر البيي قعد بالشيشه ردو علي طمنوووني قيصريتي بعد اسبوع تاريخ 4-6 و مابي اتسرع لو في مجال انه يرد احاول ما استعيل عفيه طمنوني عسى الله يرزقها الذريه الصالحه كاملة الخلق و الخلق اللي ترد علي و يطمنها بالدنيا و الاخره يارب

 

[نشيج الروح]

وعليكم السلام ... والله ما عندي فكرة ولا حابة أفيدج ... ياااا رب يتمم عليج حملج وتولدين طبيعي وكل شي يرد طبيعي ... اقري على روحج وشربي ماي زمزم وسألي ربي الشفاء ...

 

[nannoraa]

نشيج الروح ما قصرتي عسى ربي يبلغج بالذريه الصالحه المعافاة باذن واحد احد و مشكوره على ردج
ناطره تجاربكم بنااات و ما راح انساكم بالدعاء

 

[ام عفاف الكويت]

قولي لا اله الا الله
لاتحااااااااااتين
انا للامانه ولدت بالثامن وبنتي قعدت شيشه بس مو ماي كان زلال
اما في ولدي بالتاسع بديت اراجع قالوا ماكو ماي
وارتاحي وكثري شرب الماي
وسويت اللى قالوه بس مارجع وقالت الدكتوره وزنه قام يقل وولدت قيصريه

 

[ام عفاف الكويت]

اي ماخوفج ترى ولدت قيصريه لانه مايقدرون يعطوني طلع صناعي ترى لانه ماكو ماي وعندي قيصريه سابقه
والسبب الرئيسي القيصريه السابقه
بس اعرف وايد ولدوا طبيعي وماكو ماي يعني مو مقياس
وصدقيني عليج بشرب ماي زمزم وراجعي دكتور ثاني الله يطمن قلبج

 

[nannoraa]

عسا الله يوفقج دنيا و اخره يام عفاف بس لما ولدتي بالثامن شكثر قعد البيبي بالشيشه؟ ولادتج الثانيه قعد بالشيشه ولا لا؟؟؟ ابي اعرف شكثر قعد

 

[super star]

حبيبتي نص الثامن احسن من اوله او بالسابع

ماكو الا العافيه واي شي بيسوونه فيه مصلحه لج وللبيبي ان شاء الله

انتي بس التزمي اذكار الصباح والمساء وحاولي تاكلين الاشياء اللي تكبر البيبي ولاتفكرين

 

[ام عفاف الكويت]

ولدي اللى ولدته وماي كان خالص
يبته وزنه كيلوين
وماقعد بالشيشه الحمدلله
بنتي يبتها كيلو و 900 وقعدت بالشيشه اسبوع ونص
والحمدلله اسم الله عليهم لاتحاتين
ان كنتي خايفه من وزن البيبي كثري التمر والرطب والحليب
بس انا اتوقع وزنه طبيعي انتي الحين انا ترى بطني مايربي نفس مايسمونه يعني الوزن اللى ايبه صغار

 

[iLLuMinaTion]

الله يسهل عليج يارب

 

[ام عفاف الكويت]

ودار الشفا في دكتور تخصصه سونار بالسرداب سوري شااااااااااااااااااااااااااااطر
اتعب وانا اقول شاااااااااااااااااطر مافي غيره سوري كبير
ناسيه اسم عيالي كبار من سنتين ونص اخر حمل الله يرزقني هالمره
بس اقولج سأليه جم نسبه الماي ووزنه
فاهم يعرف عمر الياهل من طول الفخد تبارك الرحمن والجيس
ويعرف كل شي من سوناره الاسود اللى مافهم منه شي بس تخصصه سونار

 

[nannoraa]

ام عفاف انا الحين وزنه كيلو و نص وقالي صغير شويه بس عمره اقل يعني قياساته مو بعمره اقل باسبوعين و خايفه
الحين قلت مراجعتي اليايه اذا الماي نقص زياده و وزنه نقص بتوكل على الله و بولد قيصريه و يارب انشالله يكون متعدل وزنه و المشيمه تتعدل و اولد بالتاسع
ابيه يوصل كيلوين عالاقل نعمة من الله
الله يطمنج مثل ما طمنتيني
بسالج بالثامن لما ولدتي كنتي باي اسبوع من حملج ما تذكرين؟

 

[nannoraa]

الله يوفقج الومنيشن ما قصرتي ربي يوفقج دنيا واخره
ام عفاف انا محتاجه صج اسوي سونار تفصيلي صج احسن شي و يمكن يوضحلي الوضع كله
انا اراجع عند مصطفى تومسو بدار الشفا و عند عادل مرسي بالمواساة و اثنينهم قالولي نفس الكلام الله يسهل و انشالله يختلف الوضع بالمراجعه اليايه ياارب
بنات فيدووني من تجاربكم اللي صارلها مثلي ناطرتتتتتتتتتتتتتتتتكم

 

[ام عفاف الكويت]

لما ولدت كنت بالاسبوع 32
وبالنسبه انتي نفسي بالضبط
الدكتور يقول لي انتي تاخير تبويض كنتي لانه السونار يقول كلام والدكتور كلام
فطلعت اقل من القياسات اللى المفروض اوصلها باسبوعين
فيسمونه تاخير تبويض لما لقط الحمل
لا لاتحاتين ان راجعتي اكثر من مره صدقيني بيطمنون قلبج روحي دار الشفا وشوفي الماي
وبعدين ان قالوا اقل من كيلوين حطي حيلج بالتمر والحليب
بس عاد مو وايد عشان مايكبر ويعسر ولادتج
وياقلبي صدقيني الطبيعي او القيصريه كلهم نفس الشي مو بالطريقه لا بالنهايه كل وحده ياهلها بحضنها سواء ولدتي طبيعي او قيصري
انا قيصريتين والحمدلله على كل حال

 

[@سيدة نفسي@]

بصراحة ماعندي فكرة عن ولادة الثامن ,, بس لو كنت مكانج

راح أحاول من اليوم لحد تاريخ العملية أستخير يوميا واتوكل على

ربي وماأتشرط وأقط صدقة قبل وبعد العملية عشان ربي ييسهل علي

ولادتي وييسر أموري كلهاا,, والخير فيما اختاره الله لج ,,الله يقومج بالسلامة

وتشوفين ولدج بحضنج سليم معافى ياااارب ,,

 

[ام عفاف الكويت]

بسالج شرايج بمضطفي تومسو
يساعد على الحمل ؟

 

[ام عفاف الكويت]

صح يقولون ماء زمزم يزيد من مويه حول الجنين

رد وحده صار لها نفس حالتج :eh_s(9):

 

[nannoraa]

سيده نفسي الله يطمن قلبج و مشكوره حبيبتي عسا ربي يفرحج بعيالج
ام عفاف انا ما اتوقع ان تاخير تبويض لان من بداية حملي كان الجنين بنفس قياسات الاسبوع بس بالثامن نقص الماي و نقص وما قام يكبر بنفس المعدل و انشالله خير يارب حدي خايفه
ام عفاف والله تبين نصيحتي مصطفى شاطر شاطر شاطر كلمة شاطر شويه عليه و صريح حيل و بنفس الوقت ما يخرعج و يهول عليج الامور ! صريح و بنفس الوقت يريحج يعني تروحيله خايفه يطمنج و انا عندي احسن من اسامه اللي كان معاه مليون مره لان اسامه مادي حيل و منفسسسسسسس اما مصطفى كلللللللللش مو مادي نهائيا و ربي يفكر بحالتج شنو بالضبط بسسسس
و يارب يرزقج بالذريه الصالحه نصيحتي روحيله و ما راح تندمين باذن واحد احد و تفرحين بعيالج شكثرهم حوالينج ياااارب

 

[nannoraa]

انا ما اتوقع يزيد ماي الجنين لان نفس التلاكيبه ما اتوقع انه نفس التركيبه كلش بس اتوقع انه يزيد لان ماء زمزم لما شرب له سبحان الله و انا الحين قاعده اشرب موز بالحليب يوميااااا 3 4 مرات و قاعده اكل كثر ما اقدر لاني اصلا انا ضعيفه و يمكن قل وزنه لاني ما اكل عدل بس انشالله يتغير يارب
فيدوني بنات بتجاربكم ناطره ردودكم

 

[ام عفاف الكويت]

انا سويت تحليل هرموني ونتجتي طلعت صفر وباقي على الدوره اسبوع كان والحين باقي يومين واتمني ماتشرف
بس ان شرفت بروح لتوماس لازم موعد
وازعجتج حبيبتي بالاسئله

 

[nannoraa]

لا حبيبتي والله انا اللي اذيتج ذكرتيني بحالتي قبل احلل قبلها و تكون النتيجه صفر بس الله سبحانه كريييييييم و الله صدقيني
و مصطفى اي لازم مواعيد احسن دقي الحين على دار الشفا هذا رقمهم 1802555
و قولي ابي موعد عند دكتور مصطفى تومسو حددي اليوم و الساعه و روحي بموعدج و انشالله لو ياتج هالشهر الشهر الياي ما تشوفينها خييييييييييييييييييييييييييير شر بس نصيحتي قبل لا تروحين ودي معاج تحاليلج ملوت الحمل و ودي معاج تحليل المني لزوجج عشان يعطيج الحل حزتها مو يقولج سوي تحاليل و نعرف يعني روحي و اخذي شغلج معاج عشان يقولج من اول شي شنو العلاج يمكن يكون لا سمح الله بماء الزوج او في هرموناتج يعني روحي وانتي كل شغلج معاج و بان واحد احد تحملين