نقال زوجي اللي بينني ويطلعني من طوري

[لطوووفه]

هاي بنات اشلونكم

بصراحه عندي مشكله صغيره مع زوجي اللي بس يدخل البيت يسكر تلفونه النقال
واذا كنت طالعه معاه بالسيارة حطه سايلنت (صامت ) سألته ليش لما تدخل البيت تسكر
نقالك قالي بس جذي يعني منو بدق علي غيرج
ولما قلتله ليش تحطه صامت قالي لما أكون معاج مابي احد يقطع سوالفا


بصراحه انا شاكه فيه ان عنده علاقات بس مو متأكده ومابي احرج نفسي



واللي عندها طريقة او حل لاتقصر معاااااي
وشاااااااااكره للجميع

 

[الجــادل]

رد : نقال زوجي اللي بينني ويطلعني من طوري

انا اقول عطي نفسج الراحه وخلي الوسواس عنج

لان حتى لو دريتي ان عنده هذا زوجج وابو عيالج بتصبرين عليه

 

[نداااوي]

ياربي من هالرجال

تعاملي معاه بحس نيه

وخليكي واثقه منه

يمكن يكون كلامه صح ويمكن يكون غلط لاتحطي حالك بدائرة الشك والمشاكل ولاعمرك رح تخلصي منها

الله يوفئك إنتي وزوجك ويهديه ويصلح باله يارب

ويبعد عنكم ولاد الحرام

 

[ناتشوو]

فتشي التلفون
واذا تتوقعين ما يردج
اطلبي منه تشوفين تلفونه علشان ترتاحين

 

[(m & m)]

كلامه ما يدش العقل

انتي شنو تبين تبين تعرفين اذا عنده سوالف ولا لا ؟

ولا تين تريحين نفسج و تسوين روحج ما تدرين عشان ترتاحين

لان اذا جيكتي من وراه وراقبتيه راح تتعبين وراح تتعبين اكثر لو شكج كان في محله

 

[lovely jojo]

الله يعينج ..

 

[احب المنتدى]

رد : نقال زوجي اللي بينني ويطلعني من طوري

الله يهديه ياااااااااااااااارب

 

[So0oKaRa]

جيكي على تلفونه
عشان ترتاحين
وانشالله ماتلقين شي وترتاحين

 

[ديمة الشوق]

الله يهديه والله يجعلج قرة عينه ودفئ حياته وماء عينه ودم قلبه ويبعد عنكم كل سوء

 

[هيبة ملك]

صدقيني عنده بلا وإلا ليش يسوي جذيه؟

لكن ماعليج منه أنت عيشي لنفسج وبيتج

مرده بيمل

 

[الاحساس والطيبة]

رد : نقال زوجي اللي بينني ويطلعني من طوري

ليش انتي شاكة فية شايفة علية شي يمكن صاج ليش سوء الظن وليش تفتعلين مشكلة انتي في غني عنها

 

[dectora 7elwa]

احسني الظن وريحي بالج ولا تخربين حياتج
واللي الله بيفضحه تجي بدون ترتيب او تفتيش

 

[الشامريه]

بصراااااحه شغله واااااضحه الله يعينج


افتكي من المشاااكل احسن

 

[ام القمرالمطيري]

حبيبتي خلي كلامه ع صوب

بالعقل شنو بيخليه يسكر نقاله غير انه مايبي ينفضح واحد يدق عليه وهو عندج ..؟

حبيبتي حطي نفسج مكانه لو مسويه لاسمح الله شي غلط مو بتسوين حركاته ..؟
ان بحثتي بتتعبين انتي قد هالتعب ..؟ قويه ..؟ بتفتحين باب للمشاكل ومايندرى هل زوجج يتنازل او يتمادى اكثر

بس حطي ببالج ان 90 بالميه الرياجيل جذي بعضهم يتوب مو عشانه تزوج عشان مرته اثرت فيه ويعوره قلبه انه يخونها

وانتي تدرين اغلب الشباب قبل الزواج مغازل وتلفون صعبه بعد الزواج يعقلون

فطولي بالج

وحاولي تغيرين من نفسج دلعيه طيريه للسما في موضوعين باول صفحتين بالقسم عن الاهتمام بالزوج والله ان طبقتي الكلام بيعقل وبيطلع ويدش وتلفونه معاج وبعلمه وبموافقته

اترا مافي رجال يجي لمرته باول الزواج غشيم مو عارف ومكلم بس المشكله لي صار هالشي عاده عنده والزواج صج كفاح للمرأه

انتي طالعي السوق والتي في والنت امبيه كل شي فيه فساد ويشجع الرجال ع الخربطه واصلن البنات بالسوق حتى المستوصف يغازلون الرياجيل والرجال مايصدق على الله

يعني المغريات والمفسدات واجد بهالزمن

املكيه وخليه يتحسف يخربط


اما لو نبشتي بتتعبين ويمكن يقول دام عرفت بنفسها خلاص ماني مستحي منها بغازل قدامها خل اشوف شتسوي خاصة اذا شاف انها ضعيفه

بس عموما في طريقه ممكن تخليه يفهم ويحس فيج قولي له قصة وحده زوجها حاط رقم سري ويخربط وقولي رايج قولي لو يحبها ليش يخربط واكيد يخربط ولا ليش حاط رقم سري ومو واضح بتلفونه انا لو منها اتركه احنا بنات ناس مو لعبه بذمتك يافلان اشرايك تخيل وحده من اهلك بهالموقف مع زوجها بسم الله علينا بعدين الي يكلمها ومزعل مرته عشانها اكيد تكلم غيره اشلون يزعل مرته عشان وحده بهالمستوى بس كلميه بجديه وكانه مو عنكم

بس مادري اخاف نصيحتي هذي تجي عكسيه

والله يفرج همج ويهديه ويسخره لج ومايشوف ولا يحب غيرج ابد

وموفقه ياارب

 

[ملكه افكاري]

الله يعينج حبيبتي ويبعد بنات الحرام عن ريلج يارب

 

[الصعيريه]

رد : نقال زوجي اللي بينني ويطلعني من طوري

الله يعيينج وفهميه انه هالتصرف يضاايقج

الله يهديه ويسخره لج

 

[كـّلي ذوٍؤٍوٍق~]

رد : نقال زوجي اللي بينني ويطلعني من طوري

أحسني الظن يمكن عآدي مآفي شي
لاتخربين حياتج بالشك


الله يسخره لج إن شاءالله

 

[(100%)]

انصحج تحسنين الظن عشان تريحين نفسج واذا في شي رايح ينكشف مع الايام لاتعورين قلبج واذا لسمح الله طلع عند سوالف لاتواجهينه شوفي اول انتي بشنو مقصره وغيري اسلوب حياتج هذا اذا ماتبين تخسرين زوجج بس انصحج لاتنبشين من وراه ولاتبينين انج شاكه فيه والله يوفقج ان شالله

 

[انتظر حبه]

نصحيه اشتري راحتج بالج اشتبين بعوار الراس
انتي تتعبين وهومادري عنج
الله يهديه

 

[ام يوسف الكويت]

يعني شنو ماعنده اهل يدقون عليه ؟؟

كلامه غير منطقي ومايدش الراس

وريلي يقولج قوليله لا تبوق لا تخاف