نقاش وحوار جاد ؛.( مناظرة كويتيات ).؛حياكم الله

[Ameeraaaaaa]

طبعا ,, في الكويت هناك نوع من الضرائب المخفية او الغير علنية مثلا :
مواقف سوق السالمية , اللي ندفع 100 فلس والموقف غير مظلل ( يعتبر نوع من الضريبة )
مثلا في دولة الامارات اعتقد الكل مر من الشوارع اللي تطبق نظام سالك ,, نظام سالك يعتبر نوع من انواع الضرائب ولكن ايضا بطريق غير مباشر.
في مصر ضريبة المبيعات عند شراء بعض السلع
في الدول الاجنبية عند شراء ابسط الامور نجد ان الضريبة مضافة لها

 

[Marymary]

شوفي دبي على سبيل المثال تنميتهم احسن منا بوااايد ويشجعون الاستثمار الاجنبي فيها مع ان احنا ياما سمونا هروس الخليج وما انسى يوم الدكتور بالجامعه وقف وقال اول مدرسة بدبي بنتها الكويت هذا مل يدل على دور الكويت الاستثماري في الخليج سابقا حيث كان الكويتيين يستثمرون في الكويت وخارجها ما يعود ايجابا على المواطنين . وما انسى كلام ابوي ان دبي بعد الغزو كانت مجرد برر و ب١٠ سنين اصبح استثمارها ينافس اكبر دول العالم مع ذلك ليس هناك اي ضريبه تطبق ومع ذلك فلوووس الدولة للشعب التجار يعملون الفقير يعمل كلهم لمصلحة بلدتهم ومعاشاتهم اقوى من معاشاتنا والسكن متوفر لكل اماراتي ولمدة اقصر منا بكثيررر
واحنا بالكويت اول دولة خليجية تستقل

 

[حرم القيصركمودس]

رد : نقاش وحوار جاد ؛.( مناظرة كويتيات ).؛حياكم الله

 

[Marymary]

وللاسف احنا بالكويت اول دولة استقلت بالخليج والدولة صاحبة فكرة صندوق التنمية مافي تنمية في بلدها

 

[Ameeraaaaaa]

طبعا خلوني خواتي لا نخلط الامور
احنا عندنا ازمة اخلاق وفساد ادراي ولكن احنا قاعدين نتكلم الحين عن نظم الضريبة
خلونا نتكلم عنها وبعدين نشوف موضوع الحرامية وسراق المال العام .
طبعا امريكا والدول الاوربية تفرض الضريبة علي شعوبها وعلي جميع من يسكن ارضها
شعوب راسمالية بها سلبيات كثيرة ولكن لا نستطيع ان نمنع الحقيقة وهي ان لهم نظام ممتاز في التعليم ومدراس مؤثثة ومستشفيات علي اعلي المستويات وشوارع مرصفة ومعبدة ............................. الخ

 

[Marymary]

هذي ما تعتبر ضريبه
اقصد الضريبه الي راح تطبق بالكويت اهيه الضريبه الي شاملة السلع

 

[الليدي رانيا]

رد : نقاش وحوار جاد ؛.( مناظرة كويتيات ).؛حياكم الله

نقاش رووعه
اب
اب

 

[monmon12]

وللاسف احنا بالكويت اول دولة استقلت بالخليج والدولة صاحبة فكرة صندوق التنمية مافي تنمية في بلدها

المشكلة في فرض الضرائب المشكلة في أصحاب القرار الي يمشون الديرة ايهم عائق التنمية

وحتى لو وجدت الضارائب هم ماراح نستفيد منها والسبه نفس هالأشخاص

صناع الأزمة في الديرة

 

[Marymary]

اختي اميرة انتي تتحدثين عن الضريبه بايجابياتها متناسيه الواااقع العام في البلاد والمستوى الذي نعيشه
نعم انا معك بأن الضريبه قد. تنمي الدولة لكن ليست في دولة ترتفع فيها الاسعار يوما بعد يوم
من جميع النواحي اصبخ الشاب الكويتي يعاني من ازمة السكن وهو موظف حكومي لا يتعدى معاشه الالف غهو في بداية حياته يبي يتزوج لازم ينطر عشرين ساعه عشان يطلعله بيت باخر الكويت وماكو خدمات وطول العشرين سنه يدفع 400 و 500 او اكثر لايجار الشقق واذا قرر يشتري بيت او ارض ما يعطونه مبلغ يكفي ان يشتزي بيت او ارض لان الارض صار سعرها 200 دينار ما بالك البيت

 

[Ameeraaaaaa]

طبعا احنا مشكلتنا اننا دائما نتكلم اننا كنا وكنا وكنا
ولابد ان نعرف ان كل الدول تمر بفترات انتكاسة
لا توجد دولة في العالم حافظت علي الصدارة منذ نشأتها الي الان .
بالنسبة لنا في الخليج وفي دولة الكويت تحديدا نمر بالعجي من الازمات حاليا
منها مثلا حرب الخليج الاولي وحرب الخليج الثانية ( تحرير الكويت )
تذبذب اسعار النفط
فمن البديهي ان تبدأ الدول بالتفكير بطرق اخري لتمويل الدولة . منها الضرائب

 

[حسآويه]

رد : نقاش وحوار جاد ؛.( مناظرة كويتيات ).؛حياكم الله

نقاش حلو كملوا

 

[انا وايد حلوة]

في ناس حرام ماعندهم فلوس شلووون عليهم

 

[Marymary]

انا بعطيج مثال عن ولد عمي شاب كويتي من عامة الشعب
معاشه ٨٠٠ ساكن بشقة ٤٠٠ يبقاله جم ؟ ٤٠٠
الماجلة ماشالله تدش الجمعيه تطلع صارف ١٠٠
صارت ٣٠٠
احتياجات الزوجة لانها تدرس
احتياجات ولده
الخدامة
كسوة الشتا كسوة الصيف
اقصاده
تتوقعين بتكفي فلوسه لي اخر الشهر مع الضرايب ؟

 

[انا وايد حلوة]

اب
اب

 

[Marymary]

اخت اميرة حضرتج تتكلمين عن موضوع الضريبه بشكل عام بس لاتنسين ان الكويتيين مستويات
مو كل كويتي عايش بقصر مو كل كويتي عنده شهاده عاليه
لا تنسين عندنا وفدين الكويت قاعد ترتكز عليهم
كوني انا مدرسة عندنا وافدة بالقسم معاشها 380 دينار وصارلها 10 سنين خبرة بالكويت احنا محتاجينهم لان في نقص
اوكي ميخالف مافي بدون مظلومين بالكويت عايشين طول عمرهم بالكويت وومولودين بالكويت بس لا حياة لمن تنادي
بتقولون مانبي وافدين انزين منو يشتغل فراش ؟ و ينظف شوارعنا منو مستعد يشتغل بالمجاري منو مستعد يصير فراش هذيله الفراشي الهنادوة و البنغاليه الي الشركات تتأخر في دفع رواتبهم شنو ذنبهم اذا طبقو الضريبه ؟

 

[Ameeraaaaaa]

انا لا اتكلم عن الضريبة كأنها حل سحري للمشاكل
بالعكس
انا عشت فترة في بريطانيا وعرفت معني ان تؤخذ نسبة ما تعادل 20% من دخلي كضريبة
وان ادفع ضريبة سكن وضريبة للمواصلات وووو
ولكن انا اتكلم ان فرض الضرائب سيخلق جيل واعي اقتصاديا وماديا , جيل مسوؤل يقدر قمية العمل وقيمة النقود التي يحصل عليها وكيقية استثمارها بدلا من انفاقها علي امور لا قيمة لها .
النقطة الاهم اننا سنكون اصحاب القرار في العديد من الامور لاننا من حقنا كدافعئ ضرائب ان نعرف في ماذا انفقت نقودنا
نحن كشعب كامل نحتاج الي العديد من الوعي والثقافة وتعلم مسوؤليتنا الحقيقة تجاه وطننا ,, وان يكون هناك قانون يفرض علي الكبير قبل الصغير .
اي بالمختصر المفيد ان نتعلم سلكيات الشعوب المتحضرة ونتحمل مسوليتنا تجاه وطننا .
من المؤكد ان اغلب قد سمع او قرأ عن مسوؤل فلاني في دولة ما قتل نفسه او انتحر حين قصر في اداء مهمته
لماذا ؟؟؟ لان حبهم لاوطانهم يفوق حبهم للثروةوالمال وسرقة اموال الشعب .

 

[الليدي رانيا]

رد : نقاش وحوار جاد ؛.( مناظرة كويتيات ).؛حياكم الله

ما شاء الله وايد تواجد بالمناظرة

 

[حرم القيصركمودس]

رد : نقاش وحوار جاد ؛.( مناظرة كويتيات ).؛حياكم الله

 

[Marymary]

اوكي بتفرضوون الضريبه فرضوها لكن كونو عادلين مع الشعب ورحموو الفقير قبل الغني قللو الاسعاار اسعار السلع الاراضي البيوت الايجارات . كتبت موضوع عن ارتفاع الايجارات بالكويت رديت علي وحدة قالتلي ان صاحب البيت رافع علينا ٣ مرات الايجار طول الفترة الي قعدنا فيها انزين مو حرام ؟

 

[الليدي رانيا]

رد : نقاش وحوار جاد ؛.( مناظرة كويتيات ).؛حياكم الله

رافع علينا ٣ مرات الايجار طول الفترة الي قعدنا فيها انزين مو حرام ؟

وييييييي حرام
رايي
مالومة المالك لان اهوة بعد محتاج فلوووس
فيمكن المؤجر انظلم