نقاش/منو منكم جربت تداوم ع 7 مواد او اكثر تقولنا تجربتها ^^

[غلا،،]

السلام عليكم

كان جدولي 8 مواد و20 وحده
سحبت ميكانيكا وتميت ع 7 مواد و19 وحده

اول مره اخذ 7 مواد :eh_s(2):
متخوفه من هالكورس مو متحمسه
وخصوصا يوم الخميس متضايقه منه هو الوحيد عله عندي 4 ساعات بريك :eh_s(11):
ولا باجي الايام تمام :rerrerek:
مادري شبسوي فيه

االكورس الي فات كنت 6 مواد والحمدالله عدا سهالات ^^

منو جربت تداوم ع 7 مواد او اكثر حسيتوا بضغط ولا الامر عادي :eh_s(10):؟؟


والحين شوفوا جدولي تحسونه زين من ناحية المواد والوقت والدكاتره ؟؟

اتحفوني



:eh_s(17):

 

[؛؛حلاوه؛؛]

اعرف محسن الصالحي بس ويهبل

أنا جربت الكورس اللي طاف خذيت 8 مواد

صج ضغط بس اغلب الدكاترة زينيين

اذا الدكاترة اوك كملي

أنا قدرت الصراحة بس طلعت ب2 dللاسف لان ضغط

 

[غلا،،]

مشكوررره عالمرور حبيبتي ^^

والله يعوضج

والله يعيين ان شاءالله انا بشد حيلي وعلى الله

 

[فروووووحه]

وعليكم السلام ورحمة الله وبركاته


هلا وغلا ب غلا


هو ضغط ضغط انا الكورس اللي طاف 8 مواد 20 وحده بس الحمدلله طلعت من الكورس

انتي انتبهي للدكاتره اذا زينين اضغطي على عمرج وشدي حيلج ولا تهملين لا بالحضور ولا الواجبات ولا الاختبارات وان شاء الله تعدين

نسيت اقول شغله الحلو بالكورس اللي طاف ان كان عندي مادتين بس بيوم واحد بالاسبوع وكان يوم الثلاثا
واللي كرهته فيه اني اجي الصبح وطلع الساعه 6 من الكليه وكانت فاضيه تخيلي كنا 6 بنات ونطلع اخر شي بالكليه كان دكتورنا نحيييس يطلعنا على اخر دقيقه هههههههههه الحمدلله عدى الكورس على خير



السموحه طولتهاا موفقه ان شاء الله وشدي حيلج وتوكلي ع ربج وافتكي من المواد كورس اضغطي ع عمرج وكورس خففي من الضغط





بكل الحالات بتاخذين المواد ضغطي عمرج او خففتي


انا افضل تخلصينهم وترتاحين منهم لا تقولين ضغط وما اقدر باذن الله بتقدرين وارتاحي منهم صارو هم استغفر الله كافي التسجيل برووحه هم نصييحه اذا الدكاتره زينين كملي وخلصيهم

 

[غلا،،]

مشكوووررره حبيبتي فروحه عالمرور
والله يوفقج ان شاءالله

انا بحاول الكورس ان شاءالله اضغط ع عمري شوي

ان حسيت بضغط بسحب ماده بوقت السحب

والله يسهل ان شاءالله ^^

 

[سحابة امل]

مرحبااا

احم احمم انا تخرجت الحمدلله

وكنت اخذ بالكورس من 8 لي 9 موووااد

صج ضغط بس استحمل عشان ابي اتخرج وافتك تعبت من الدراسه

ودايما كنت جدولي من 8الصبح لي 5العصر


وتخصصي تربية فنية ومحاضرتنا الوحده اربع ساعات بس الحمدلله عدت وتخرجت


انا انصحج اذا انتي بنوته وماعندج التزامات اضغطي على نفسج واخر شي بترتاحين


خصوصا لمن تشوفين جدولج وانتي خلصتي 8 مووواااد حيل بترتاحين وتستانسين


والله يوفقج

 

[DaLoo3t BaBaTii]

.



8 !!!
9 !!!


آنآ 4 و كآرهه نفسي !!

بآلغصب آدآوم !

آلله يعينج !

.

 

[غلا،،]

صح والله احساس حلو بالاخير لا خلصتي هالمواد كلها واجتزتيهم بنجاح ^^

لانه صج هم بخللص بسرعه واتخرج

الله يسهل ان شاءالله ويخفف ويعدي هالكورس بسرعه

والحمدالله ان فترة شتا يعني برااد

عالكورس الثاني ان شاءالله بخفف ع عمري ^^

 

[غلا،،]

شدعوه وينكم

 

[شقاوتي غير]

انا تقريبا الكورس الي طاف والكورس هذا 20 وحده

ويمكن نص الكلية جذي يبون يفتكون

وبالعكس مو تعب حييل يعني الكلية بتساعدج شوي والجو بيتعدل يعني بيخليج تتحملين تقعدين بالكليات ساعات طويلة

وترا الكورس بسرعه تعدي بغمضت عين فأحسن شي اضغطوا على روحكم وبترتاحون ان شاء الله بالاخير

بس اهم شي الدراسة اول باول علشان بوقت الورطه ماتقولين المواد شكثر شدرس وشخلي

 

[غلا،،]

اي والله صاجه اهم شي الدراسه اول باول
عاد انا دراستي العام اي شي بليلة الامتحان ابطل الكتاب
هالكورس ان شاءالله لازم اغير طريقتي


شاكرتلج مرورج ^^


:*

 

[نبع الحنآن]

غلوي تبين تتخرجين تو النااااااااس توج ثاني سنه

ماعليه شدي حيلج و ان شاء الله تعدين

الخميس كلش مو شي ياااااااااو

انا بريكي 3 ساعات سيري علي خلينا نفتر

 

[Arwa AL-O]

انا ماخذه سبع مواد وقاعده احاتي مثلج
بس الكل يقولي عادي شدي حيلج وخلج اول باول مجابله وكل شي اوك
الله يسهل يارب
انا قاعده افكر اسحب وحده بس شلون يصير الحين والا لا ؟؟؟​

 

[طالبه مصدومه]

بنات بعد اذن صاحبه الموضوع بغيت استفسر هذا رابع كورس لي يصير الطالبه المستمره تسجل ١٩ او ٢٠ وحده؟؟
لاني سمعت انه مايصير الطالب المستمر ياخذ اكثر من ١٨ وحده واخاف اسجل ٢٠ وحده وبعده يسحبون مني جم ماده فياليت تفيدوني

 

[اسيل الصمت]

للرررررررررررررررررررررررررفع

 

[عادت ذكرياتي]

أشوف إنه على حسب إنتي وشطارتج ونظامج لأن بيصير ضغط عليج ^_^