حلو الموضوع و لو اني حاسه ان بيصير فيه ذبح مذابح وتشكيك فالدين واحاديث مب متاكدين منها !
في اللي لبس عبايه بكامل حشمتها ( وهذي الله يثبتها ان شاء الله )
/
وفي اللي تلبس عبايه مع ميكب خفيف جداً ( القصد تعديل الملامح )
يعني مثلا هذي مطقوقة وجروحه على سبيل المثال اكيد بتغطي عيوب وجهها
او مثلا هذي لونها غير و غير ماتبي احد ينظر لها بنظره مو حلوه
او تصفية الوجه لان وجها متروس حرار و حبوب وبثور فحاب تغطيهم
وانا من و مع هالفئة بصراحه ! ( وجهي متروس حبوب و احب اسوي لهم تغطية )
/
وفي اللي تلبس ايضا عبايه و مكياج كامل وبف ولا فرق و في منهم الاوفر و في منهم المعتدل بس يظل مكياج !
هذي عاد مايسمى حجاب لانها متبرجه + مطلعه شعرها
( و وايد من هالفئة اكثر من فئة الحجاب الصحيح )
/
وفي فئة البدلات اللي يلبسون تنانير او بدل واسعه لا تصف ولا تشف لا مكياج ولاهم يحزنون وهالفئة بعد احترمها وااايد وتناسب حق اللي في وضع سفر او شي و حق الحياه اليوميه ( بالاخير حرية شخصيه )
/
وفيه اللي لقنز و جينز و شورت و تحته لقنز
و اللقنز اللحمي
وااايد اكثرت ظاهره اللقنز اللحمي وتحسين انج قاعده تجوفين جلدها سواء تحت العبايه او مع البدله !
انا عن نفسي في مجتمع قطري اجباري لبس العبايه بالمجتمع من العادات و التقاليد و منقود عدم لبسها وشي طبيعي .. و اجوف هالظاهره كثرانه هالايام اللقنز اللحمي !!!
صج صج عيب و مقرف وفي اللي تاخذ عبايه لف ( اللي مافيها ازره و اتم ماسكتها بيدها ) و تلبس تحت لقنز لحمي و مثلا هدت العبايه بتطلع جوالها من الشنطه و لابتعدل الشيله تطير العبايه من الهوا ويبين القنز و يكون ضيق صوب الشيسمونه ةهي عادي عندها !!!
عيييب صج صج عييب !! ، و المصيبه الكبرى انها لما تكون مع زوجها او اخوها او ابوها هذي المصيبه !!!
استغرب من اللي ماعندهم غيره على بناتهم و زوجاتهم و خواتهم !!
والله عييب ريال شطولك شعرضك واقف حذاها ليش ..؟؟؟؟
ولا اللي المره ريحة عطرها اقوى من ريحة عطر ريلها و مكياج حتى العروس ماتحطه و الشيبه وراها شايب عايب و شايل اجياس الدنيا و الدين وهي تفرفر وتتضحك وتتشرآ ...
عادي يمكن يبي يدلع مرته يشيل عنها لكن بهالمنظر تخلي مرتك تطلع هذي مكياج حتى عرووس ماتحططه !! والله اني قبلها كنت رايحه عرس و اقول ان مكياج العروس اخف من مكياجها و لا الروج فووشششششي يبرق من بعيييد !!
( هذي طبعا لا تسمى عبايه )
طبعا ممكن اني شوي خرجت عن نطاق الموضوع حبتين و لكن دامج انج ذكرتي القنز و هالسوالف ماتوقع انج تمانعين اني اذكر نقاط مختلفه حق الموضوع لانج ماتكلمتي فقط عن العبايه
في الاخير صحيح هذي حرية شخصية و ممكن انتي تكلمينها اذا متحمله الردود واذا ما استجابت كيفها اولا واخيرا عندها رب يحاسبها وهي عارفه شنو قاعده تسوي ! ..
بس اهي انثى تحب تلبس وتكشخ وجذي و مايكون فبالها ان حق الشباب و مايكون فبالها ايضا انها راح تغري احد لانها مثلا متعوده ولكن اللي يحز بالخاطر ريال طول عرض واقف احذاها ولا يكلمها !!!!
