نفسي اعرف وش تفطرون ...

[كتكوته ستايل]

صبااااااااااااااح الخيرات :eh_s(17):


بنات نفسي اعرف وش تفطرون :eh_s(22):

نفسي افطر شي حار وساخن مو سندوشتات جبنة باردة وعصير :eh_s(16):

 

[ام كداوي]

انا اسوي خبز اسمر بالبيت خبز صاج
واسوي فول مع حمسة طماطم وبصل وتوم احمسه واحطه بالخلاط وبعدين اقدمه واحط فوقه صلصة طحينة وزيت زيتون وكمون
اسوي بعد حمسة جبن حلوم مع طماط وفلفل وزعتر
اسوي جباتي بالبيت مع عسل
اسوي بيض بفطر وجبن تشيدر او موتزريلا وبصل
اسوي بعد فطائر زعتر ولبنة
ومرات حمسة كبدة
واقدم اجبان وزيت زيتون وزيتون وزيت اركان المغربي وقشطة وعسل وجبنة مالحة
هدت فطوري مع زوجي ومنه للعشا مافي غدا

 

[ام كداوي]

انا اسوي خبز اسمر بالبيت خبز صاج
واسوي فول مع حمسة طماطم وبصل وتوم احمسه واحطه بالخلاط وبعدين اقدمه واحط فوقه صلصة طحينة وزيت زيتون وكمون
اسوي بعد حمسة جبن حلوم مع طماط وفلفل وزعتر
اسوي جباتي بالبيت مع عسل
اسوي بيض بفطر وجبن تشيدر او موتزريلا وبصل
اسوي بعد فطائر زعتر ولبنة
ومرات حمسة كبدة
واقدم اجبان وزيت زيتون وزيتون وزيت اركان المغربي وقشطة وعسل وجبنة مالحة
هدت فطوري مع زوجي ومنه للعشا مافي غدا

 

[كتكوته ستايل]

ماشاءالله تبارك الرحمن

واضح انك سنعة والله شهيتيني

بس كيف حمسة جبن حلوم مع طماطم مافهمت ؟

 

[نكتار 2010]

نسكافيه

خبز محمص

جبنه او زبادي

بيض احيانا

 

[بحر الذكريات]

حمسة جبن الحلوم مع الطماط طريقتها سهله تحطين بالتاوه زيت زيتون عقب تحمسين طماطه مقطعه وتكونين منقعه الحلوم المقطع بماي وتصفينه من الماي وتحطينه ع الطماط وتقدرين تضيفين فلفل اخضر بارد وترشين زعتر فوقه لو بغيتي كاضافات
والريوق انواع بيض بانواعه او فول او حمص واجبان ولبنه وزيتون يوناني وشاي حليب

 

[M!ss CoLoRz]

أيام الدوام صج وهقة تبين تغيرين وبنفس الوقت تبين شي سريع

أيام الاجازة تقدرين تفنتقين وتقدرين تاخذين كل الوقت اللي تحتاجينه

بقول لج انا شسوي أيام الدوام ( طبعا غير التوست الحل السريع )

-اشتري درزن كرواسان فريش صغار وافرزنهم ولي بغيت اطلع منه اسخنه احشيه جبن او طماط وخيار وجبن وهاي طبعا اكون في الليل قاصته ومجهزته في الثلاجة .. او احشيه لبنة وزيتون وارش شوي زعتر او مربى .. يعني كل اسبوع حشوة غير واستانس على روحي

- الفكرة الثانية أشتري جباتي مثلج من لولو هايبر اللي بس يحتاج تسخين لا أكثر "جذي ما تطلع ريحة وتصبغ فيني " .


- وافلز وهاي ريوقنا اليوم ... الخلطة اسويها في الليل وبعد سيده في الثلاجة ويصير تخزنينها يومين في الفريزر واقعد الصبح اسخن الجهاز واصب الخلطة ولما اجهز يكون الوافل جاهز بعد.. يمه عسل او نوتيلا وفراولة او اناناس معلب او عنب ... الموجود يعني.

- وجبتي المفضلة اهيه بيض في الفرن ... تاخذين روتي سلايس قطعتين وحدة تدهنينها بجبن سايل والثانية تاخذين قطاعة وتقطعينها من النص وتلصقين الشريحتين فوق بعض .. كسري في الوسط بيضة "واذا تحبينها مستوية كامل مثلي قزي البيضة بشوكة " رشي ملح وفلفل ودخليه الفرن عشر دقايق ربع ساعة بالكثير على ما تجهزين روحج الا البيض جاهز والتوست محمش ولذيذ ولا ريحة طباخ ولا هم يحزنون.

- بيض مفيوح بعد حل منقذ قطيها في الماي وانسيها الى ان تجهزين .

- بيتزا قيصر او اي معجنات من المخبز اشتري في الليل واسخن الصبح.

وبس هاي افكاري المطبقة حق الزوجة العاملة اللي تفطر الصبح في بيتها مع زوجها / عيالها .

إن شالله اكون فدتج ويلا عطوني افكار انا بعد =)

 

[ام كداوي]

حمسة جبن الحلوم نفس ما حطتها الاخت فوق جزاها الله خير تنقعين الحلوم وتحمسينهىبزيت زيتون وتضيفين طماط مقطع صغير وفلفل بارد وشوية فلفل اسود وزعتر وزيتون اسود شرائح وبس وهم تقدرين تحشين فيها خبز تورتيلا مع اوراق جرجير تطلع عجيبة
وانا اسوي مرات كريب ماادري شتسمونه اقدمه مه صلصة شوكولاته
تقدرين تسوين هم سندويتشات توست تحطين فيها قرص بيض جبن سلايس وشريحة تيركي وقرص طماطم وتدهنيها جبن قلاص وتحمصينها تطلع عجيبة
اسوي كبدة اسكندراني زوجي يحبها
وشي والله عجيب للفطور احنا نسويه عند اهلي دايما جيبي قطايف جاهزة انا اسويها بالبيت وسخنيها واخدي زبدة دوبيها على النار وحطي عليها عسل وسيدة حطيها فوق القطايف يمي يمي مع شاي حار جربيها بس ورديلي خبر

 

[ملامح بريئة]

تسلمون بنات والله شهيتوني انا البيض والطماط رهيب خاصة اذا حمستي الطماط لما يذوب وتالي تحطين البيض يطلع طعمه حلو نكهة مرات اغير حمسة زهرة واسويها عالسريع اقصها صغار كانها مفتته واحمسها بزيت زيتون وملح لما تحسين استون او تحمرت وتكون بجانب البذنجان نفس الطريقة اقطعه صغار و اخلطة بزيت زيتون واحط فوقه طماط وارشه سماق وزيت زيتون والتزيين يغضل كزبرة وبقدونس شهيتوني

 

[كتكوته ستايل]

اشكركم جمييييع
ام كداوي

نكتار

بحر الذكريات

mss kolorz

ملامح بريئة

والله شهيتوني مررررررررررة

وان شاءالله بجرب وصفاتكم ..

ام كداوي تصدقين من زمان اشوف الناس تشتري جبنة الحلوم

واقول بنفسي شلون ياكلونها بس ان شاءالله بجرب طريقتك شكلها مشهي

يعطيكم العافية .....

 

[كتكوته ستايل]

أيام الدوام صج وهقة تبين تغيرين وبنفس الوقت تبين شي سريع

أيام الاجازة تقدرين تفنتقين وتقدرين تاخذين كل الوقت اللي تحتاجينه

بقول لج انا شسوي أيام الدوام ( طبعا غير التوست الحل السريع )

-اشتري درزن كرواسان فريش صغار وافرزنهم ولي بغيت اطلع منه اسخنه احشيه جبن او طماط وخيار وجبن وهاي طبعا اكون في الليل قاصته ومجهزته في الثلاجة .. او احشيه لبنة وزيتون وارش شوي زعتر او مربى .. يعني كل اسبوع حشوة غير واستانس على روحي

- الفكرة الثانية أشتري جباتي مثلج من لولو هايبر اللي بس يحتاج تسخين لا أكثر "جذي ما تطلع ريحة وتصبغ فيني " .


- وافلز وهاي ريوقنا اليوم ... الخلطة اسويها في الليل وبعد سيده في الثلاجة ويصير تخزنينها يومين في الفريزر واقعد الصبح اسخن الجهاز واصب الخلطة ولما اجهز يكون الوافل جاهز بعد.. يمه عسل او نوتيلا وفراولة او اناناس معلب او عنب ... الموجود يعني.

- وجبتي المفضلة اهيه بيض في الفرن ... تاخذين روتي سلايس قطعتين وحدة تدهنينها بجبن سايل والثانية تاخذين قطاعة وتقطعينها من النص وتلصقين الشريحتين فوق بعض .. كسري في الوسط بيضة "واذا تحبينها مستوية كامل مثلي قزي البيضة بشوكة " رشي ملح وفلفل ودخليه الفرن عشر دقايق ربع ساعة بالكثير على ما تجهزين روحج الا البيض جاهز والتوست محمش ولذيذ ولا ريحة طباخ ولا هم يحزنون.

- بيض مفيوح بعد حل منقذ قطيها في الماي وانسيها الى ان تجهزين .

- بيتزا قيصر او اي معجنات من المخبز اشتري في الليل واسخن الصبح.

وبس هاي افكاري المطبقة حق الزوجة العاملة اللي تفطر الصبح في بيتها مع زوجها / عيالها .

إن شالله اكون فدتج ويلا عطوني افكار انا بعد =)

انا بعد مثلك موظفة واصحى الصباح مستعجلة وماكنت افطر

لكن تعبت كثير ونقص وزني وصار عندي خمول ونقص فيتامينات

فقالتلي الدكتورة لازم تهتمين بأكلك خصوصا الفطور

عشان كذا سالتكم وش تفطرون وصراحة استفدت كثير من وصفاتك

وبأذن الله اسجلها عندي واجربها ... تسلمين ربي يوفقك:eh_s(7):

 

[كتكوته ستايل]

اليوم لاني مو مداومة فقلت خليني اسوي لي شي حار

سويت بان كيك مع العسل وكوب حليب مررررة لذيذ ومغذي

طريقتة :

كوب دقيق ( استخدمت دقيق بر عشان افضل ) - رشة ملح - ملعقة صغيرة باكنج بودر - بيضة وحدة )

نعجنها بالحليب السائل لحد ماتصير رايبة بعدين نسخن المقلاة وندهنها بشوي زبدة ونبدأ نصب العجينة ونقلبها طبعا لحد ماتتحمر من

الوجهين وبعد مانخلص كل الكمية نصب عليها العسل وبالهناء والشفاء

 

[معزوفة عشق&]

مشكوورين حبيباتي
افادني الموضوع ككثير
عاد انا اتكاسل ف وجبه الفطور بس حطيت الموضوع بالمفضله
ربي يسسعدكم

 

[اذوب بكلامه]

اهم شي وجبه الفطور
اتذكر ايام الدوام كنت لازم افطر حتى لو ماعندي وقت كنت اخذت تفاحه وكوب حليب المراعي احبه بارد المهم اني افطر
وطبعا البيض هو سيد الفطور يم يمي احبه مقلي مع الجبن

 

[زوجة حياتي]

شوفي هالوصفات زينة حق الفطور

جباتي بالخضار واسويه بعد سادة مع كاكاو او سمن وعسل

http://www.q8yat.com/t1126699.html


وهذا جبن الحلوم

http://www.q8yat.com/t1125512.html

وممكن بس تحمرينه بروحه مع شوية زيت زيتون وزعتر

 

[معزوفة عشق&]

رررررررررفع
استغفر الله واتوب اليه

 

[فوزيه الراسي]

يسلموا

 

[كتكوته ستايل]

معزوفة عشق

اذوب بكلامه

زوجة حياتي

اسعدني مروركم العطر ...

 

[كتكوته ستايل]

بالنسبة للناس اللي يحسون بغثيان في الصباح

بعطيكم طريقة جدا مفيدة عن تجربة :

نخلط ملعقتين زيت زيتون مع زعتر وندهن فيها التوست وندخله الفرن

حتى يتحمص ...

طبعا بعد مانخرجة من الفرن انا احط علية لبنة او جبنة بيضا وشوية زيتون اخضر مع كوب عصير تفاح

معلومة : الخبز المحمص يساعد على تخفيف الغثيان في اي وقت حتى للناس اللي عندهم قولون انصحكم تاخذون قطعة خبز

محمص مع زيتون اخضر مهروس قبل اي وجبة دسمة مثل الغداء والعشاء ...


.....................

ثاني شي بالنسبة للناس اللي يجيها غثيان عند شرب الحليب في الصباح انصحكم تضيفون له شوية سكر وأي نكهة مثل الهيل او الزنجبيل أو القرفة ( هذي المعلومة عطتني هيا الدكتورة )

 

[مـرايـم]

والله انا على حسب المزاج اسوي الريوق p;
مرات اسوي ع السريع مثل : تاخذين توسته مدهونة بزعتر وزيت زيتون وشوية ماي عشان لا ينشف الزعتر
فوقة طماط وزيتون وجبن موزاريلا وجبن قشقوان و رشة اوريغانوا وعالفرن

جربي هالوصفة عجيبة اوي اوي :
اللي اهي تحمسين بصل وطماط وفلفل حار وبقدونس وبيض ملح وفلفل اسود وو بالعافية 