نفسيتي تعبت بنات من المتن ميته من القهر

[barosha]

بسم الله الرحمن الرحيم
بنات انا وايد تعبانه وضايق خلقي ابي اضعف وتعبت نفسيا مو قادره اتحمل وايد تعبت وزني مو راضي ينزل وله راضي يتحرك مو قام اكل وله شي بس مو راضي ينزل وكل ما اجوفه مو قام ينزل قام اموت قهر وابلع
اول وزني 62 قبل لا احمل بالحمال صرت 84 ويوم ولدت صرت 73
وله راضي ينزل للعلم انه انا صارلي 3 اشهر والده
وايد تعبانه نفسيتي واحسن انه الثقه ماتتت عندي للعلم طولي 154
بنات كلش انعدمت الثقه بنفسي وقمت اتمشكل على اي شي مع ريلي عشان لا ايه صوبي وتعذر
وتنحش عشان لا يشوف جسمي بنات مفتشله منه ومفتشله من الناس كلش تعبت شسوي
يرحمل والدين الي تساعدني ​

 

[ياغفور اغفر لي]

حبيبتي امشي يوميااا وقللي اكل واكل سلطات وفواكة بس او شي خفيف ماكووو دسم ابدا
مو تقولين ادش نادي لااا انا مايعجبني النادي احلا شي المشي

اذكر وحدة قالوا لي عنهااا كانت متينه وماتاكل ابداا حارمة نفسهاا ومع ذلك ماضعفت راحت سوت شي اسمه البصمة ١٥٠ دينار بمستشفا يبين شنو اسباب السمنة عندج والاكل اللي مسببلج السمنة
طلعت سمنتهاا من القهوة والجاي يعني الدكتور قالها تاكلين ذبحة ولا تشربين قهوه وجاي

 

[barosha]

انا ما احب الجاي بس اشرب قهوه يارب والله تعبت

 

[mĬŝ∫Řξξm]

شوفي حيااتوو
لا زم تتبعين نضاام غذاائي
ووكثرري من شرب المااء الداافى ع الرييق الصبااح ووقبل ماتنااميين
يسااعد في حررق الدهووون
واكلي زباادي اكتييفيااا ايضا بعد يسااعد في عملية الهضم وانزاال الوزن
والله يوفقكـ

 

[barosha]

عفيه بنات ساعدوني

 

[^LILY^]

حبيبتي اتبعي رجيم عذاااااري ان شاااء الله بجربه
انت بس اكتبي بقوقل رجيم عذاري ويطلعلج الرجيم

 

[شهد-الكويت]

بشوره حياتي ليش ما تسوين عمليه تحزيم سهله وحلوه انا مسويتها وضعفت وايد

 

[barosha]

مايسونها لي لاني مو متينه وايد بس انا متعقده

 

[el7ob Klah]

وييييييييه انتي قصيره اشوي يعني شكلج تختوخه

والله نصيحه كل يوم امشي نص ساعه لاتوقفين

اشتري لج جهاز سير من الغانم صغير سعره تقريبا 60 دينار

او امشي بالممشى كل يوم لاتقولين اتعب لازم تتعبين اول اسبوع بعدين عادي

المشي يضعف ويشد الجسم تضعفين وجسمج مشدود بدون ترهل + رجيم لاززززم

قلدي شركات التغذيه

اول اسبوع

الريوق
بيض مسلوق بدون الصفار لان يمتن + خيار + شريحه جبن سلايس قليل الدسم + كوب حليب خالي الدسم بدون سكر

السناك تفاح اخضر 1

الغدا

سلطه بدون طمام لانه غني بالاملاح يحبس السوائل بالجسم و بدون ملح لان الملح يجمد الدهون بالبطن

حطي ليمون وخل مع السلطه + 6 قفاش عيش مشغول بدون شي + روب خالي الدسم


السناك قهوه بدون سكر + 3 تمرات وانصحج بالقهوه العربيه مافيها ولا سعره جراريه


العشاااااا روب خالي الدسم + خياره وحده + 3 خسات


وشربي بين الوجبات شاي اخضر بالنعناع بدون سكر لانه مدر للبول ( وانتوا بكرامه )

ينزل الماي من الجسم

جربيها اسبوووووووع بس اسبوع بدون خرابيييييط وكل شي مشي نص ساعه

اكيييييييييد راح ينزل وزنج اقل شي كيلووو

 

[el7ob Klah]

نسيت اقوووووول لج

اخذي حبوب زينيكال من الصيدليه وقت الرجيم

تساااعد لانها تنزل الدهووووون

 

[دموع الظلام]

امشي على اي دااايت يعجبج

بس حبي نفسج أكثر عشان ماتتعبين

و ياااااااااااارب يصير وزنج مثالي وانتي بصحه وعافيه

 

[فجر_الكويت]

ان شاء الله تضعفين بصحه وعافيه يارب

 

[barosha]

مشكورين مشكلتي اني عندي بيبي وكليه وترتيب ودراسه ومجابل ياهل وغسيل واوتي وتنظيف وفوق هذا كله ريل
نفس الياهل يبي اهتمام ومجابل مشقوقه شق اكل الي جدامي اكله ما يمديني اسوي شي حق نفسي وخدامه مابي احد يدخل بخصوصياتي وجابلني

 

[dana-q8]

اي هذي المشكله النفسسسسيه انا وحده تعبتني السمنه احاول اسوي رجيم بس ضغط الدوام وضغط البيت والزوج طلباااته الي ماتخلص تخليني ارووح الثلاجه وادور شنو ادسم واغث اكل الي يملي معدتي عدل واكله والله نفس حالتج مادري شسوي بعمري احاول اهدي عمري يطلع لي مليون شغله ومن ولت صايره مااتحمل اي ضغط ييني

 

[؛؛حلاوه؛؛]

مو عذر الزوج والعيال

بالعكس شغل البيت يلهيج عن الاكل

اكلي توست وجبن وتفاحه تنسد شهيتج

وسوي جم يوم مفتوح وردي للرجيم

تضعفين اكثر وشربي اعشاب
ونامي وانتي يوعانه

 

[I don’t care]

الرياضه الرياضه صدقيني

 

[سمو الغلآ]

كثثري ماي وخصوصا الماي الدافي


شرب جاي اخضر+نعناع +زنجبيل ..

كثثري مشي وخصوصا صعدت الدرج ونزلته تشد الجسم..



وحطي لج بالخلاط قبل النوم شرايح اناناس مع حبه كيوي ..,<<يحرق الدهون


ان شاء الله وزنج يوصل 55 وانتي بصحه وعافيه..,

 

[nado0o77]

كلي حبوب تنحيف ماغريم دايت اللبنانيه كثير ممتازة سوي بحث عنها بقوقل

 

[فجرر]

حطي فكس في بطنك وشديه بالمشششد

 

[dala3-katkoota]

انا اصلن بسرعه امتن والله اكسر الخاطر و حالتي نفس حالتج بس انا ما حملت من غير شي امتن ابط الجبد و صدقيني الضعف ايي من الاراده ثم الاراده ثم قوه الاراده و قوه الاراده تيي من طرق وايد اول شي توكلي على الله و كوني على ثقه ان كل ما تبينه بتنالينه برضاه و استجابته و اعي وايد هالفتره و لهي نفسج بقراه القران و نفس الوقت دوري على كل انواع الرجيم و نقيلج اللي يعجبج و اللي انتي من داخل و بقراراه نفسج تدرين انج بتكملين عليه و امشي تحركي اكو الفين طريقه للحركه بالبيت نادي دوام مشي حتن لو مجمع و ركزي على هدف انا الهدف الاول عندي اني احمل بعدين اكون حلوه بعيد الاضحى و كذا سبب ابالي منهم ان خلاص ليه متى المتن و كله اشوف افلام و اقول بقلبي كا غيري محافظ احنا حريم و اهم شي الجمال عندنا و اكثري الاستغفار والله كريم و ان شاء الله عن قريب نضعف و نكون الاجمل بالعيد يا رب امين و الله يحقق اللي في بالج و بالي و بال كل خواتنا يا رب العالمين .​