نفسيتي تعبانه ،، ريحوني :(

[queen92]

مشكورين بنات ع ردودكم وترا انا شخصيتي معاه كلش مو ضعيييفه بس حزة الهواش مرات اشتري راسي مالي خلق اتهاوش ومرات لا ارد عليه بس مو بهواش بهداوه !! و الله يهديه ان شاء الله واللي تقولي مايحبج انا اقولها امبلى يحبني انا اخبر بريلي بس اهوا عصبي وايد وان عصب يصير شخص ثاني.

 

[خابت هقواتي]

يحبج ؟؟؟؟؟؟؟؟؟؟؟؟؟؟؟؟

شلووووووووووووون عرفتي انه يحبج ؟؟؟

حبيبتي هذا مايحبج ... لا تقولين يحبني ...

الي يحب ما يهدد بالطلاق اصلا ماييب طاري الطلاق !!

شلون يهددج بالطلاق على كل شي ؟

وشلون يكلم غيرج .؟؟ وانتي راضيه وموافقه

انتي على كل شي تبجين ... وعلى كل شي تتأسفين ..

دايما محمله روحج الذنب !!

مع ان كل الي قلتيه هو الغلطان ...

لا تضعفين لااااااااا غلط .. واكبر غلط !!

الريال يكره الحرمه الضعيفه يحبها قويه .. وبصراحه طاقته بالطوفه وانتي الظاهر لاصقه فيه ع الاخر ...

عشان جذي رافع خشمه عليج ومتكبر وشايف روحه وايد نفسسسسيه شدعوه عليه !!

تحملتي الاهانه الاولى !!

تحملتي الاهانه الثانيه !!

وتحملتي الاهانه الثالثه واعتذرتي !!!

اكيد يتمادى عليج ,,

اصلا لو حاسب لج حساب جان ما كلم غيرج ولا بكل وقاحه يقول ايييييييييييييي خنت !!!

جان ع الاقل قعد يبرر

انتي شايفه هذا حب ؟؟؟

الله يطول بعمرج هذا مو حب ... هذي مذله واهانه ومنه !

يطقج على سبب تافه جدا وتعتذرين ,

وبيرد يمد ايده مره ومرتين وكل يوم ... لانه خلاص مافيه شي يخليه يوقف عند حده ,

تقدرين اذا تبين تقدرين ... خليه يولي

خليه يعرف قدرج وقيمتج على شنو يمن عليج جذي ...

يبا ترا الاسلوب مو بفلوس ؟؟؟

سمعيني وسوي الي اقولج عشان مصلحتج .. ان كان معاه او مع غيره ..

روحي بيت اهلج بكل هدوء من غير اي ردة فعل ..

لا تعاتبين لا تبجيييييييييييييييين...

جذي قولي تعبانه بروح اكلم امي بموضوع ..

واذا اصر شنو الموضوع قولي .. ما اقدر اقوله مايخصني يخص اختي خاص فيها ..

وروحي لاهلج ...

سكري فونج .. تعرفين شلون تسكرينه يعني انسسسسسسيه يومين ع الاقل ...

حاولي راح تقدرين ...

بعد اليومين فجي فونج وشوفي ...

داق ! ... او داز مسج !! ... او اي شي !!

وشنو فيه ؟ .. مشتاق يهاوش يعاتب يزف ؟؟

شوفي ردة فعله شنو كانت ؟؟

مستغرب من غيابج ومحتار ومشتاق ؟؟

ولا ماكو شي ابد ؟؟

ردي سكري فونج لا تحنين اذا شفتي شي منه ...

نطري يومين وسوي نفس الشي !!

اهني راح تعرفين قدرج !

اهني راح يعرف ان لكل شي حدود .. انج مو غبيه مو طيبه لاقصى درجه ...

انج لج شخصيه علميه شلون يحترمج هذا الانسان الي راح تعيشين معاه طول العمر ..

شدراج خيره ما ياج عيال للحين ؟؟ .. شدراج مو انتي طيبه حيل والله عارف نواياه السيئه ومايبيج تتوهقين معاه ؟؟

والله انتي بنعمه ...

ربج له حكمه بكل شي ... واهني صج صج صج فيها حكمه انه ماياج عيال ليما الحين ...

ضبطي براغيه اول .. وبعدها خليه يصير مربي للاجيال

واذا انتي ع قولتج يحبج !! ...

وعاجبتج حياتج ...

كيفج براحتج .

..

 

[أم مهره وميثاء]

لا يا اختي... الوحده حلو انها تحب ريلها بس مش بهالطريقه.. تخلينه يغلط عليج ويتمادى عليج ويمد ايده!!!
وهالشي اللي مخلنج صغيره ف عيووونه... ودايما يغلط عليج !! لانج مش واثقه ف عمرج حبيبتي....

صدق يقهر ريلج

 

[فطيم البحرين]

اول شي العيال بيد الله سبحانه وتعالى مالج الا الدعاء وكل تاخيره فيها خيرة
يمكن الله مايبي يرزقج احين بحكم انتي صغيرة او بسبب المشاكل الي بينج وبين زوجج .. كلشي الله يسويه في حكمه حق بني آدم فـ اللهم لا اعتراض

ثاني شي كل انسان لمن يعصب له طريقة معينه في ان ينفس عن غضبه وااذا انتي ماستحملتيه واهو ماستحملج شفايده العلاقة الزوجية ؟!
بس انه ماقول ان مصخووها لا كلشي بعقل

وثالث شي شلون ترضين على عمرج ان يمد يده عليج ؟! الي يمد يده مرة يمدها الف مرة لان بيقول كل مرة بارقعها طراق وبتسكت !! كلشي الا المهانة

رابع شي اكتشفتيه يخوووونج !!!!!!!!! ياهي كبيرة في حق البنية وقالج كله منج ورضيتي ؟!!
اوكي قلنا تحبينه بس مو جذي على حساب نفسج

 

[ميس الريم]

حبيبتي انتي خليتيه يتمادى وايد ويغلط عليج وبنفس الوقت انتي تتاسفين منه وطلعين نفسج غلطانه ليش

انتي لانج تحبينه وماتبين تخسرينه تطلعين نفسج غلطانه وتحطين له اعذار على الغلط اللي يسويه

احنا كلنا مو قاعدين نخرب حياتج ولا نشوشج على زوجج بس نبي مصلحتج

اول شي تسوينه لازم تقوين شخصيتج

ولازم تبينين له ان عندج ثقه في نفسج وفي جمالج وفي جسمج وفي كل شي فيج

ولو قال شي ضحكي ضحكت استهزاء وقوليله شكلك ما شفتني عدل وخلج واثقه وبيني له انج واثقه انج حلوه وجسمج حلو

مو تضعفين وتمتنين كل يومين عشانه وفي النهايه ما يقدر

لو كان يقدر كان قلت لج سوي اللي يبيه بس دامه ما يقدر خلج مثل ما انتي وكوني واثقه من نفسج

سالفه الخيانه مو عذر انج نفسيه لكن في نفس الوقت لازم تغيرين نفسج وتغيرين هاي الطبع اللي فيج لان مو زين وطبع يملل الطرف الثاني

بس بنفس الوقت ترى الغلط مو منج الا بسالفه انج تقلبين نفسيتج اما باقي الغلط كله من زوجج

انتي تغيرين نفسج لكن لازم تقعدين معاه وتقولين له اللي سويته وايد غلط وانا ما ارضى فيه

ما تغلط علي بالكلام ولا ترفع ايدك علي لازم يفهم هاي الشي

لانج لو سكتي ومشيتي الموضوع بيتكرر بس لازم
يعرف ان هاي الشي انتي ما ترضين فيه وماره ثانيه ما راح تسكتين عنه

وبيني له انج اول مره انصدمتي وما عرفتي شلون تتصرفين ولا استوعبتي اللي سواه عشان جي ما قدرتي تتكلمين حزتها

ووقفيه عند حده بموضوع ان يهددج بالطلاق ولا تسمحين له يقولج هلكلام مره ثانيه

والله حبيبتي هاي الشي وايد ضروري

واللي بقوله لج اول شي

الله يهديكم لبعض ويسخركم لبعض ويسعدكم ويرزقكم الذريه الصالحه

وثاني شي قوي شخصيتج وخلج واثقه من نفسج ولا تبين له انج بتموتين لو طلقج

 

[latkt7as]

بقووولج شي

الرجال قلبه فندق

زوجي لما سالته شلون تخوني وتحبها وتقول تحبني

قال عادي وقتها كنت احبج انتي وياها؟؟؟؟؟

الرجال بثثثواني ممكن تملك قلبه غييرج

بس الرجال مايحب الي مالها شخصيه

انا ممكن اتنازل بس بشرط يكون اهو بعد يتنازل مععاي

زوجج بيحملج مسئوليه تاخر الحمل
اهو حلل؟؟سوئ فحص؟؟اشاعه؟؟راح لاب دكتور يشوف وضعه؟؟

شوفي بخصوص الطراق هالشي بالنسسسبه لي اكبر من الخيانه
فيه اهانه لي وقله تقدير

اما بخصوص خيانته لج والصور الي ششفتيها

لو انج جييييكككره ماله ححق يخووونج ابدا مايبيج يتركج تشوفين نصيبج
مو يعيش حياته وانتي لا

حبيبتي حببببببي نفسسسسسسج
تششوف الدنيا غيير

نفسيتج اهم شي
يعني حاولي تتدربين تتخلصين من انج
تكونين حسساسه عشانج انتي؟عشان مو اي شي يجرحج ويضايقج

تغزلي بنفسج ودلعيها

سوي لكم سهره ع فلم حلويات وشبسات وعصاير وجذي

حاولي تخلين الوقت ممتع معاج عششششانج عشان انتي تستانسين

انتي احسج ضعيفه واهو مستغل هالشي باهانتج

لاتسسمحين لاي سبب يمد ايده لو غلطانه
اذا بيهددج بالطلاق قولي ع راحتك ماجبر احد يعيش وياي واهو مايبيني

واي شي تحتاجينه ارسليلي خاص

 

[سور المدينه]

اهو الغلطان وتنكسر عينه
وخلاص بسج تعتذرين منه شذي بيتمادى اكثر واكثر

 

[اقماري]

الله يهديكم ويصلح بالكم ويشرح صدوركم وايسخركم حق بعض ،،

انتي طيوبه ادعي ربج والحي عليه بالدعا وتأكدي انه مارزقج بيبي للحين لان هالشيء فيه خيره واختبار لج،

بيرزقج يهال حلوين مثلج بس الصبر حلو عيشو حياتكم اللحين بعدي عنه اشوي كلميه بثقل وثقه ،،

اذا قالج جسمج وجسمج قوليله اهم شيء عاجبني وهذي خلقة ربي عجبك اهلا وسهلا ماعجبك براحتك
ومرات انتقدي فيه شغلات مثلا شفيك متنان او شعرك وخلج ذكيه قوليله حتى انت مو كل شيء فيك عاجبني بس ماتكلم من هالناحيه لكل انسان عيوب واللي ايحبك ايحبك بعيوبك،ساوي نفسج فيه وبكل برود اذا انتقد او سب فيج شيء قوليله يمكن ماعجبك بس اكيد مليون غيرك بكل برود وسالفه عابره لاتركزين عليها وايد ،

ونفس الوقت اشتغلي ع نفسج ،،خلج حنونه وياه بس هم قويه بنفس الوقت لاتمادين وياه بالهواش قوليله والله عيب احنا مو يهال نتهاوش ونتطاقق ،،

الله ايسخره لج ويهدييييييييه ،،

 

[Tom ♥ Jerry]

,


لو انا منج ؟ طلاااااااااااااااااااااااااق و الحمدلله انه ما يبتي منه عيال

 

[ريتاج_90]

الصراحة زوجج مايستحي على وجهه شلون يمد
ايده عليج الصراحه اناا مستغربه منج شلون عادي عندج
وما اثر فيج هالشي والله لو انااا مكانج لاكسر
ايده منووو اهو عشان يمد ايده وسالفه انتتي مافيج عيال يمكن العيب منه وحاطه فيج
بسس ماقول الا الله يهديه ڵــچ ويسخره
بسس جد حرني لما مد ايده ولا بمكان عام بعد
وفوق شينه قوات عينه يكلم بعد زوجج موكفوو تزعلين نفسج عششانه بسس
انتتي وكيفج والله يهديه لج

 

[انسام الكويت]

الغلط منه اهو شافج تسكتين ودورين رضاه وحالتج حاله وتتأسفين مع انه اهو اللي غلطان

وفوق هاذا تحاتين لايزعل ... خلاص لحد اهني وستوب وثاني مره لمن يلغط بحقج سواء. يطقج او يزفج اتخذي موقف منه وازعلي مو تبجين

مو تتأسفين منه لا خليه اهو اللي يدور رضاج ويتأسف منج وبخصوص انه بس يضغط فيج عن جسمج

يعني اهو قالج متني ومتنتي ورد قالج ضعفي وقام يضغط بجسمج ويطنز وفوق هذا لمن صدتيه يخون تعذر هالشي انه جسمج موحلو !!

عذر اقبح من ذنب اهو شاف شخصيتج مهزوزه حساسه قال هالسالفه عشان يغطي عن خماله ويحمد ربه انه له زوجه بالحلال وتحبه ليش

هالاسلوب القاسي وياج يعني يقدر يتكلم بطريقه حلوه بدون مايجرحج وإذا تطنز على جسمج ثاني مره قولي له

جسمي حلو عاجبني والكل يمدح بجسمي ورشاقتي خليج واثقه قدامه و عموووما

اهو عرف نقطة ضعفج وعرف شلون يخليج تحسين انه الغلط منج مع الغلط راكبه اهو فخلي دائماً لج ردة فعل

وازعلي اذا غلط عليج عشان يحس ويعرف يعاملج عدل

 

[Banota22]

تبين الحل !! اتوقع كل البنات قالو انج خليتيه يتمادى اوكي كلامهم صح بس الحين شنو الحل ! شوفي هو يشوفج تدورين رضاه وتتاسفين لاغلطتي ويعني تحاولين ماتزعلينه ,, وصار واثق تماما بعد كل هوشه لو شنو يقولج يدري انج عادي ماراح تتغيرين انتي الحين لاتهاوش معاج سكتي ولا كلمه تردينها عليه لو شنو يقول وازعلي يومين ثلاث احقريه خل يعرف انج تغيرتي روحي لاهلج عيشي حياتج ولاتعطينه اهتمام اذا كان زعلان وطنشيه وبينيله شخصيه ثانيه غير غير اللي يعرفها صدقيني يبي يدور رضاج ليش لانه شاف وحده مطنشته يعني بايعتها وخلي يراضيج واذا كلمج تكلمي برسميه ردي ع قد السوال ولاتعطينه وجه ،، صدقيني يبي يتغير والله يسخرلج ريلج وادعي واستغفري وايد لاتستهنين بالاستغفار والله يسهل حياتج وادعي انه يسخرلج ريلج وانه يراضيج ويحترمج اشكي لربج صدقيني الله مايرد احد بس كثري الدعاء وصبري قلبج ،،

 

[Hadeel al90]

ممكن سؤال اهو مواليده جم وانتي مواليدج جم ابي اليوم والشهر والسنه لو سمحتي وتالي اقولج ليش

 

[Hadeel al90]

اول شي انتي لمن تسوين شي غلط لا تبررين له سكتي لمن يهدا سولفي وياه جنه مو صاير شي حتى لو يحقرج ضحكي وسولفي وكلميه عن سالفه تضحك او ضحكي ويا الخدامه او دقي على امج يمه وسولفي وضحكي وياها بصوت عالي اهو راح يتنرفز ويكلمج واهو يبي تغيير يبي وحده تدلع عليه مو تتاسفله وتتسامح منه يبي بنت دلوعه ناعمه وكلها انوثه وجسمج لبسي الي يناسبج مثلاً مكوتج صغيره لعبي رياضه عليها ولبسي نفنوف او بجامه تكبر مكوتج سدرج صغير حاولي تبرزين الشغله الحلوه الي فيج راح يغطي على الي الموحلو فيج تعبي على نفسج شوي وقوليله ابي سياره عشان تطلعين الريال يحب المره الجريئه مايحب الخجوله والحساسه خلج دوم مو فاضيه عشان اهو يدور عليج راح يحبج اكثر لانه يحسج صعبه وقوليلي اهو اي برج عشان اعرف احلل شخصيته

 

[امـ خــزامـى]

اسمحيلي الغلط منك انت


شخصيته لاتعليييق عليها بس عشان مااجرحك

حبي نفسك

حبي نفسك

حبي نفسك


وزوجك ابحثي عن رضاع بس بحدود

هالحدود تكون راجعه لشخصيتك


سوري رجل يتحكم بجسم زوجته

صاحبة الجسم ممكن اعرف هي وش تحب ؟؟؟؟

ولا مالها راي الراي والشور لزوج المصون

للاسف ثقافتك واسلوبك وشخصيتك
فاشله من ناحية الحياة الزوجيه


تدرين زوجك ليش يقول مابي منك اطفال

تتوقعين عشان جسمك مو حلو !!!!
ولا عشان عطاك طراق وغلط عليك وتأسفتي له !!!!


زوجك يبي زوجه لها كيانها وشخصيتها محد يتحكم لها
يحترمها
يقدرها

يبي ام عياله تكون مثقفه وخبره بالتعامل
تناقش وتثق بنفسها وتحبها
لها رايها وافكارها


اعذريني قسيت عليك بس لاني تعاطفت مع وضعك وحسيت لازم اقسي عليك
وافتح عيونك

لانه واضح بريئه وقطوه مغمضه


والرجل مايحب هالشخصيه
يبها دلع تمثيل
بس ان جاء الصدق يبي وحده يعتمد عليها ويأمنها على بيته وعياله

الله يرزقكم ويسخرلكم

 

[queen92]

مشكورين بنات بس انا سبق وقلت لمن اتأسف يكون الغلط مني بس اخر موقف كان الغلط منه وانتوا عبالكم سيده ورا الغلط اتأسف لااا انا اتأسف لمن احس اني هديت حيله بالمرادد ادري شي مو حلو بس انا جذي طبعي لانه مرات يقهرني واللي تقول زين مايبتي عيال وتطلقي ماراح ارد عليج ،، واللي تقولي صيري دلوعه انا دلوعه بعينه وبعين اهله بعد معني ماشوف نفسي دلوعه لانه هالشي فطره وسالفة الجسم خلصنا منها انا واثقه انه جسمي مافي شي و اهوا بعد قالي انا بس ابي اضايقج مثل ما تضايقيني و مافي شي ينفع معاج غير هالشي لاني احب جسمي واذا بضعف بضعف عشان نفسي لاني انا متعوده عالضعف ،، ومن ناحية الجمال اهوا يقولي انا خذيتج لانج جميله والمواصفات اللي ابيها ورسمتها فبالي فيييج ،، وسالفة الطراق اول مره يمد ايده وتأسف لي بعدها و ع فكره رحت عند امي لقيته يدق ويحن ابي اردج ويوقف عند الباب ينطرني بس اقوله يلا عشان ياخذني ،، وعمري اللي تسأل جم اعمارنا انا 21 واهوا 25 واللي تقولي اخذي سياره زوجي مايبيني اسوق الا لمن اخلص دراسه واهوا يقول انا استانس لمن اوديج واييبج ورفيجاتي كل وحده تزوجت انشغلت بحياتها ،، و اللي تقول شدراج يمكن لانه اهوا خبيث وانتي طيبه للحين مايبتوا عيال انا اقولج انا حملت وطيحت وارتفع هرمون الحليب وقاعده اتعالج ويمكن للحين مايبنا لانه اثنينا ندرس ،، والحمدلله الحين كل شي اوك بيننا وتصافينا والله يخليه لي ولايحرمنا من بعض ويعطيكم العافييه

 

[brettey]

/اهو لان شايفج ضعيفه وسلبيه جدا فعشان جذي قاعد يتمادى المفروض لما يمد ايده عليج توقفينه عند حده وماتسكتين ولما عيب على جسمج قولي له المهم انه عاجبني هذا كافي ولما يهعدد بالطلاق قولي له مو متعطله عليك بيني له انج قويه ومو خايفه قطيعه هذا ما ينتعاشر بس لما تبينين له انج قويه راح يخاف اهو مستغل نقطه ضعفج

 

[Hadeel al90]

عيل شحقه كاتبه الموضوع دام اموركم تمام عالعموم الله يهنيكم ويسعدكم ويخليكم لبعض

 

[خجل~]

شفتي كلام البنات ؟


كلهم يقولون اانتي السبب ! ولا وحده حطت اللوم على زوجج

لانج انتي اللي خليتيه يتماادا . .


اسمعي حبيبتي

ردي لنفسج وحبي نفسج اكثر منه !
اصبغي شعرج عن الشيب وااتركيه بحاله

خفي اهتمام فيه
ترا النفس من كثر الاهتمام فيها والحب تزهق !

اذا مد ايده وقفيه عند حده ؟
انتي ماخنتي ولا سبيتيه ولا قصرتي بحقه
ليش الطق ؟

لانج معطيته اكثر من حقه بس !!


الله يهديج ويهديه

 

[queen92]

كاتبه الموضوع عشان تعطوني حلوول وانا خذيت بنصايح البعض والحمدلله من جذي اموري تماااام