- إنضم
- 25 فبراير 2013
- المشاركات
- 197
- مستوى التفاعل
- 0
- النقاط
- 0
السلام عليكم ،، انا سالفتي طويلة بحاول اختصرها واقول المهم اللي بقلبي ،، انا متزوجة صارلي تقريبا سنتين وشي وللحين ماصار حمل واللي يعرفني بيعرف سالفتي مع الحمل ،، المهم انا احب زوجي حيييييل و الله شاهد علي احس اهوا كل شي بحياتي لانه شفت منه اشيااء واااايد زينه مو معناته انه مايغلط بلى يغلط بس زينه اكثر من شينه ،، انا وااايد حسااسه و زوجي يدري بهالشي فمرات تصير بيننا مواقف انا اتنرفز وانفس فيها غصبن علي والله وابجي واهوا يقولي انتي غلطانه شحقه تبجين وانا ادري اني غلطانه بس انا ماسويت الغلط الا لانه فعل منه ضايقني مادري شلون اشرح لكم بس اتمنى فهمتوني ،، مثلا اليوم كنت رايحه معاه المستوصف على اساس اسوي تحاليلي ولمن وصلنا قالي قعدي انا بتكلم معاهم شوي جذي ناداني الممرض قالي انتي بأي يوم دورة قلت ثاني يوم قال خلاص تعالي الاحد نسويلج لانه الخميس مافي وانا دورتي 5 ايام يعني يصادف اليوم الخامس من الدوره يوم الاحد وانا مادري انه يصير اسوي تحليل باليوم الخامس عقب لمن طلعنا من المستوصف جان ريلي يسبني ويغلط ويمد ايده بالسياره وقبل لا نصعد السياره عطاني طراق ياريت محد شافني بالشارع اتمنى لانه موقف موحلو كل هذا عشان اهوا كان مجذب عالدكتور وقايله اني بثالث يوم عشان يسوون التحاليل غصب وانا جذبته وقلت ثاني يوم ،، انا والله العظيم ماسمعته لمن تكلم مع الممرض وموقصدي اجذب زوجي عبالي سؤال عادي عصب علي حييل وانا ابجي قلت له اسفه والله مادري يقولي انتي غبيه ومن هالحجي اللي يجرح والله هالموقف الوحيد اللي طول عمري معاه حسيت اني مظلومه صج اانه مد ابده علي بشي انا موقصدي اسويه ،، وعقب يحلف مابي منج يهال انتي اصلا مو مهتمه باليهال وانا والله مهتمه وكل يوم ابجي وادعي ربي وغير جذي قالي ماراح اوديج مراجعاتج عقب الفشله اللي كسرتي كلمتي جدام الممرض وانا امي مريضه مو مال مشي و مواعيد وخواتي مايسوقون رياييلهم يودونهم كل مكان يعني اطلب من منوو يوديني ؟؟ مالي غيره بهالدنيا و عقب هالسالفه اول ماتزوجنا كنت ضعيفه حييل قالي متني كان وزني بالاربيعات صار بالخمسينات اول شي كان يمدح بجسمي الحين يقولي جسمج خرا اسفه عالكلمه بس هذا كلامه ويقولي في وايد بنات اجسامهم احلا منج كسرررنييي حيييييل واشتغلت على جسمي ضعفت جم كيلوو باقي جم كيلو بعد واهوا بنفسه يقولي ضعفتي بس لمن يعصب يقولي جسمج خايس يدري هالشي يجرحني ومره صارت سالفه بيننا انا غلطانه كالعادة الغلط ترا اني انفس اذا صار شي مايعجبني عصب علي عقب فترة اكتشفت انه يكلم وحده وهالوحده دازتله صور جسمها و خلفيتها انصدمممت انا اعرف زوجي يحبني مايخونني واجهته قال كله منج انتي كله تنفسين علي عقبها خذيت وعد على نفسي ما ازعله لانه صج ادور رضاه واحبه وقعدنا فتره مافي مشاكل بيننا وتلفونه كله معاي عشان يثبت لي انه مايكلم غيري المهم بعد اخر سالفة سالفة المستوصف كرهني اتاسفت له بس موراضي وانا خايفه يخونني وبنفس الوقت اقول بس نفسيتي حييل تعبت قام يطلع لي شيب من التفكير وانا توني عمري 21 وبنفس الوقت اقول مابي اصير انانيه افكر بنفسي انا تعبت ريلي معاي وايد باسلوبي واعترف بهالشي بس والله انا قاعده اغير من نفسي عشانه لاني احبه من كل قلبي لانه يعارف شلون يعاملني يحسسني جني بنته ويهتم فيني بس وقت العصبيه يكرهني ويجرحني بكل شي يقدر عليه ،، انا ماحب ادخل اهلي احس مشاكلنا احنا لازم نحلها خاصة انه احنا عارفين شالحل ،، بس الحين احس انه كارهني حتى يقولي انتي مافيج يهال اصلا مادري شنو الشعور اللي حايشني الحين بس ودي يتاسف لي على اللي سواه يعني انا لمن ازعله اتاسف اهوا لااا ،، وغير جذي احس ودي اوخر عنه فتره ارتاح انا واهوا يرتاح بس ماقدر والله ساعدوني قولولي شسوي لاتقولولي كلام يجرح اللي فيني مكفيني وزياده ابي نصايح من القلب بس بدون تجريح ومشكورين واسفه اني طولت و ع فكره كله يهددني بالطلاق وانا مابي اتطلق منه وبنفس الوقت احس ظالمته مادري مشاعري مختلطه اهوا يحبني ادري بس مايحب تصرفاتي وانا قلت لكم خذيت وعد اني اغير نفسي بس من اخر سالفه سالفة المستوصف احس خسرته ،، وترا السالفه صارت امس
