نفسيتكم بعد العمليه "السليف. التحويل. الحلقه"

[حياة زوجي]

حياة زوجي بالعكس على الرحب والسعه لا ملقوفه ولا شي احنا اهنيه خوات انواسي بعض ونستفيد من خبرات بعض والله يطمنج مثل ما طمنتيني يا عمري متى اخلص من هالكابوس (العمليه) واقوم بالسلامه لعيالي ومشكووووره حبيبتي على اللقافه الحلوه

انشاء الله تقومين بالسلامه وتبشرينا
وتكملين رحلتج بالعمليه وتعلمينا شنو صار معاج​

 

[فيلوفوفيا...]

خواتي حبيباتي الكويتيات اقولكم بكل حزن واسف ان الدكتور رفض يسوي العمليه اللي كنت ناطرتها من سنين لان فيني جرثومه بالمعده ادري بتقولون عادي تعالجينها بس انا مدرسه ما عندي وقت ما بقى شي وتخلص الاجازه ورمضان على الابواب والدكتور سعودي يزور الكويت كل شهر مره واي ناظر ه ترضى اغيب اسبوع الله يعافيكم حدي متضايقه يعني راح استمر حبيسة هالوزن ما اعيش مثل الناس لاحول ولا قوة الا بالله الخيره فيما اختاره الله والله العبره تخنقني كنت ناطره على احر من الجمر

 

[فيلوفوفيا...]

للرفع

 

[فيلوفوفيا...]

تصدقون فيني غمته بقلبي ودي اصارخ بعلو صوتي حييييييل اللي حوليني يقولون خييييره وانا احس بتحطييييييم من داخل وخيبة امل كبييييييره

 

[فيلوفوفيا...]

للرفع

 

[حياة زوجي]

يا حياتى والله خيره
لازعلين هذى مو آخر الدنيا
كل تأخيره وفيها خيره
والله ضيقتى خلقى بس والله الحمد الله عرفو بمعدتج جرثومه
اشوا انهم ما سووها وانتى فيج الجرثومه جان صار فيج شى والله خيره

 

[Galaty]

بعد قلبي فيلوفوفيا لاتضايقين نفسج ولا شي
وشصار عالجرثومه عالجتيها ولالا؟ روحي حق باسل السميط يعالجلج اياها تالي يسويلج العمليه...
ترا انا قبل العمليه كان فيني بكتيريا بالمعده وتميت فتره اعالج تالي سويت العمليه
ومعدتي من النوع الحساس وايد وايد وايد فا اعشان جذي تعبت بالفتره الاولى ... لكن الحين مادري والله بنات احس مو قاعده انزل كلش ومابي اشوف الميزان اخاف
حتى موعد عند الدكتور مو قاعده اروح عشان اخاف يهاوشني يقولي اذا مانزلتي اقل شي 5 كيلو خلال شهر معناته ماسوينا شي

 

[كويتيه78]

مرحبا بنات
ممكن انضم لكم انا مسويه تحزيم صارلي 8 شهور وودي اشارك احد بتجربتي الفاشله بصراحه ماوصلت للوزن اللي ابيه كنت احلم قبل العمليه اني اصير سمبتيك بس ماكو شي للحين

 

[حياة زوجي]

ليش جذى ليش فاشله جم نزلتى 8 اشهور

 

[الفرح والدلال لي]

حبيبتي اول شي الحمدلله على السلامة
وثانيا اللي تمرين فيه شي طبيعي لان كمية اكلج قلت ومرات ودج تاكلين شي وموقادرة بس ان شاءالله لما تروحين السوق وتشوفين القياس فرق معاج وااااايد نفسيتج راح ترتاح ولما الناس يشوفونج ضعفانة وصغرانة هم راح تستانسين
وانتي شربي عصائر واااايد زينة لج وشيلي منج الكااااابة ترة الحالة النفسية اللي انتي فيها انتي اللي حااااطتها بطريجج
والله يقومج بالسلااااامة
ويتمم عليج دوام الصحة والعافية
اللهم ااااااميييييين

 

[كويتيه78]

ليش جذى ليش فاشله جم نزلتى 8 اشهور

نزل اول شهر تقريبا 6 كيلو وبعدين قمت انزل عالبطئ يعني وصلت 10 كيلو ووقف وزني مو راضي يتحرك وبصراحه مليت

 

[حياة زوجي]

حاولى تمشين او دخلى نادى
انا تقريبا نفسج الميزان قام يزعلنى ينزل بطئ
بس وره العيد انشاء الله بدخل النادى
وعلى فكره انتبهى على اكلج مو كل شى تاكلين

 

[كويتيه78]

نزل اول شهر تقريبا 6 كيلو وبعدين قمت انزل عالبطئ يعني وصلت 10 كيلو ووقف وزني مو راضي يتحرك وبصراحه مليت

حاولى تمشين او دخلى نادى
انا تقريبا نفسج الميزان قام يزعلنى ينزل بطئ
بس وره العيد انشاء الله بدخل النادى
وعلى فكره انتبهى على اكلج مو كل شى تاكلين

هذي المشكله انا ماتحرك ارد هلكانه من الدوام وعلى ماانام وبجابل عيالي الا الطاقه راحت بعد مافيني حيل امشي والدكتور جم مره قالي امشي بس بصراحه مافي وقت شكلي وراالعيد بروحله اخليه يضيجها سانتي عشان اصكر حلجي عدل وبشترك بنادي عشان التزم وبالنسبه للاكل بصراحه مرات اخورها :0bee2e8d89:لا وزعلانه ليش مانزلت بس تصدقين معاي وحده سوتها وكانت تخربط بالاكل وضعفت اكثر من 30 كيلو ماشالله

 

[ii DareeN ii]

بنات شكثر عقب عملية التحويل او التكميم عقب شكثر تقدرون تمارسون حياتكم الطبيعية

 

[حياة زوجي]

ادرى حبيبتى جسم عن جسم يفرق
بس عن نفسى انا مسويه تحويل مسار وبصراحه نزلت نزول محترم فى البدايه
بس الحين بالاسبوع مره انزل كيلو ومره نص كيلو
وقررت ادخل النادى نحرك هالشحوم شويه لوووووووووووووووول
بس عندى لج اقتراح وانتى كيفج
حاولى تشتركين بدايت كير او دايت سنتر ترا مع اكلهم ينزل وزنج من غير رياضه

 

[Papaya_87]

هلا بنات شلوونكم ؟ بس حبيت اسأل ان الاغلبيه يقول سوى او بيسوي تحويل مسار , انا انشاءالله بسوي سليف بعد العيد بس مادري جني ترددت , وزني 100 و طولي 163 و الدكتور باسل السميط السليف احسن و مخاطرها اقل لان ما تعيشين عالفيتامينات طول عمرج نفس التحويل , بس ياربي مادري كل من يقوول ان التحويل نتايجها اسرع و تدوم اكثر , الله يخليكم بديت احاتي
شنو رايكم بالعمليتين ؟ و اتوكل على الله و اسوي السليف ؟ والله بديت اخاف مع اقتراب موعد العمليه مع اني اصلي صلاة استخاره و مرتاحه بس مادري اخاف اتعب و اسويها و اتحسف اني ما سويت التحويل

الله يوفق الجميع انشاءالله

 

[كويتيه78]

انشالله البنات يفيدونج بصراحه تحويل المسار مامنه رجعه والسليف شويه ارحم بس على حسب وزنج والدكتور اخبر اهوا اللي يقيم حالتج وجسم عن جسم يفرق بس ليش ماتجربين الحلقه اول يمكن تضعفين عليها

 

[كويتيه78]

ادرى حبيبتى جسم عن جسم يفرق
بس عن نفسى انا مسويه تحويل مسار وبصراحه نزلت نزول محترم فى البدايه
بس الحين بالاسبوع مره انزل كيلو ومره نص كيلو
وقررت ادخل النادى نحرك هالشحوم شويه لوووووووووووووووول
بس عندى لج اقتراح وانتى كيفج
حاولى تشتركين بدايت كير او دايت سنتر ترا مع اكلهم ينزل وزنج من غير رياضه

تصدقين ودي اشترك معاهم واشوف وبصراحه اذا ضيجت الحلقه ماراح اقدر اكل شي بشوف بس تحسفت ليش ماشتركت برمضان بصراحه زاد وزني مع خرابيط رمضان

 

[حياة زوجي]

بنات شكثر عقب عملية التحويل او التكميم عقب شكثر تقدرون تمارسون حياتكم الطبيعية

انا مسويه مسار وبعد العمليه بأسبوع تمارسين حياتج عادى ​

 

[فيلوفوفيا...]

السلام عليكم حبايبي وينكم بالذات حيات زوجي وعاشقة الكاكاو وينكم وينكم ابشركم سويت العمليه تحزيم المعده عند باسل السميطبس ليما الحين ما نزلت ولا ضيقت والكل يقول انها عمليه فاشله الله يستر