نفخ خدود عند د خالد الصبيح

[هوّن على قلبي]

السلام عليكم

اشلونكم حبوبات


بغيت اسأل منو جربت تتفخ خدودها عند د خالد الصبيح ؟؟

انا سمعت انه وايد زين حتي الماده اللي يستعمها زينه


بلييييز لاتبخلون علي بالرد
اختي عروس وعرسها 3 ابريل
وويها ضعيف
بلييييييييز ساعدوها

 

[الدلال]

انا نفخت بس عند طلال العلي
طبيعي وحييل حلوو

 

[هوّن على قلبي]

مشكوووووره اختي الدلال على الرد

بس بغيت اسال اشكثر مدته يعني سنه او ست اشهر

وجم كلفج؟
وشنو الماده؟


ومشكوووووووووره مره ثانيه

 

[ان شكينا بكينا]

اي والله ياليت البنات اللي جربوا يبلغونا لاني انا بعد ناويه اسوووي لكن مادري وخايفه وابي شي طبيعي مو تلزيق وتلطخ

انا مدحولي مستشفى العرف وانترناشونال

وجمال الحربي

عاااااد اتمنى ماتقصرون فينااا

وتسلمين اختي هون على قلبي لانج طرحتي هالموضوع

 

[7alawa]

up

يمدحونه بالمنتدى

 

[جزيلة العطا]

اختي سوت عند الصبيح شي خيالي

 

[ms.mercedes]

اخت جزيلة العطا حبيبتي ممكن تقولين تذكرين لنا تفاصيل اكثر عن تجربتج ...

يعني جم كلفج ؟ وشكثر قالج الدكتور راح يتم ؟ وهل له اثار جانبية ؟ ...الخ

او وين صايره عيادة د.الصبيح ؟

ومشكوره ....

 

[هوّن على قلبي]

ايه والله ياليت اختي جزيلة العطا
تعطينا التفاصيل التفاصيل جزاج الله خير

ومتي اختي تسويهم قبل عرسها بأسبوع مناسب ؟؟

 

[ms.mercedes]

إخت جزيلة العطا ممكن تذكرين لنا تفاصي اكثر يعني مثل:

1- جم كلفتها ؟

2- هل فيه ألم العملية قبل وبعد ؟

3- بشكثر بينت النتيجة معاها ؟

4- شنو المادة المستخدمة ؟ وشكثر قالها يبقى مفعولها ؟

5- وين صايره عيادة الدكتور ؟

ومشكوره أدري أسإلتي وايد

 

[qema87]

العلي يمدحونه اكثر .. وايد يذمون خالد انا ماجربته بصراحه

 

[جزيلة العطا]

حبيباتي والله اسمحوا لي تو شبكت
عموما الساعه الحين وحده يعني مقدر ادق عليها
هي سوت عنده عمليتين....عملية حق خشمها وجنه كلفتها 2000
وفتح الملف اذا مو ناسيه 40 دينار...غير الصور اللي يطلبهم...والجبيره اللي يحطها على الخشم جنها حديد ملونه كل اسبوع يغيرها لها
وخدودها كانت مسويتهم عن لاري وتخيلوا خد وارم وخد فاش...ولما راحت حق دكتوره معروفه قالت لها الماده اللي حاقنها لج لاري من سنة جدي والاطباء ما يستخدمونها...محد يستخدمها عفا عليها الدهر وقالت لها مقدر اطقج ابر ولا اي دكتور راح يطقج ابر لان ماده دائمه الللي حطهم لج
المهم هي راحت الصبيح مع رفيجتها وبعدها بجم يوم شفتها مو خدود....لا
وجها اول منصفق مسميها ابوي الصمونه
صار وجها مدور بعد ما كان بالطول...بس مو يخرع نفس الفنانات...لا شكله حلو وحتى وجها مع التفخ فتح
بس انا شفت رفيجتها اعجبتني اكثر من اختي صج خدود روعه....قالت انها سوتها عن دكتور بطيبه كلينك ماني ذاكره اسم الدكتور بس باجر اسال اختي بالتفصيل الممل وارد عليكم
حلو حيل قلت لها شلون غامرتي وسويتي عنده وانتي ما شفتي احد مسوي عنده يعني ليش ما سويتي مع اختي عند الصبيح
جان تقول بعد ما طلعنا من الصبيح رحنا لطيبه بسوي لي غمازه جان الاقي وحده منقبه ناطره دورها سولفنا معاها وخليناها تفصخ نقابها وانصدمنا من النتيجه
وعلى طول بعد ما شفت البنت غيرت رايي من الغمازات وقطيت فلوسي على الخدود
وبحيل الله اسال اختي باجر وارد عليكم....اعلمك بالتكاليف وغيره....سامحوني

 

[هوّن على قلبي]

جزيلة العطا

مشكووووووووره على ردج
والله لايغير على اختج ان شاء الله

بس ناطرين التفاصيل

 

[7opyq8]

آآآآآآآآآآآآب _03ba:

 

[Q8stylle]

عند طلال العلي حلوين وطبيعين

 

[عسولة ودلوعة]

هلا هلاه علا


انا سوىيت روحي وانت مغممممممممممممممممضة


لا تروحين مستشفى العرف ديري بالج
وانا قبل كاتبة موضوع عنه


وما عليج من اللي يقولون لج كل ست شهور تتفخين
انا صار لي سنتين ونص

يجنننننننننننن
وكل من شافني قال لي واااااااااااااااااااااااو

وترى الدكتور يكفي ان كويتي ويخاف علينا


اما لاري لا تروحين وكتبت عنه موضوع

مادته خفيفة بسرعة تروح بو شهرين


الله يوفقك

 

[هوّن على قلبي]

عسوله ودلوعه
الله يغير عليج

بس جم كلفج؟

 

[الدلال]

انا صار لي من شهر 3 2008 وللحين ماتغير شي

خدودي شحلااتهم وكلفني مع الخطين اللي حوالين الفم 500 بس طبعا من غيرهم راح يكون ارخص

وماكو عوار ولا ذاك الاثر

 

[هوّن على قلبي]

اب
اب
اب

 

[هوّن على قلبي]

اب
اب
اب

 

[just-me]

انا ودي عقب الريجيم أتفخ خدودي اذا الله كتب و كملت الريجيم ... بس الصراحة ودي من نفس الشحيمات اللي بجسمي .... تعرفون احد يسويها او وحدة مجربتها ..؟؟؟ ياليت تفيدوني ...