نفخ الخدوووووووووود اللي لها خبره بهالسوالف لا تبخل علينا

[hutoon]

السلام عليكم ورحمة الله وبركاته

.
.

بنات واللي يرحم لي والديكم مشكلتي مشكله

جسمي ولله الحمد عاجبني ومقتنعه فيه

بس أبي يطلع لي شوية خدود .. وجربت كل شي ومافاد

اللي عندها شي مجرب وموثوق منه

ياليت تقولي عنه

وإن شاءالله ماراح أنساها من دعائي ​

 

[!! الواصليّـــــة !!]

هلا وغلا في بنت العم ..
مشكلة الخدود مشكلة أزلية !
بس مدام جسمج عاجبج عندي لج خلطة بس مفعولها مؤقت !
يعني تحطينها تنتفخ خدودج . وانتي تقولين سالفتج تنفش
<<< مزحة عاد لاتصدقين ..
والله انا احبها هالخلطة ( ماي الحلبة+ خميرة ) قناع للوجه مدة ربع ساعه ..
وسلامتج

 

[حبيبته آنا]

اخذيها مني ماكو خلطه تنفخ الخدود!!!!!!!!!
مابقى شي ماجربته ولا شي نفع مابقى حلبه ماحطيتها بويهي الله لايعيد هذيك الايام ريحتي تفوح عند بعد من الحلبه
اخرتها تفخت خدودي وافتكيت من هالعباله وعوار الراس
والنتيجه بنفس الوقت وتتم معاج جم شهر
يعني الفلوس اللي بتقطينهم على مشترى هالخلطات يمعيهم وزيديهم شوي وتفخي خدودج احسن لج

 

[دندونة]

على ايدك يامعودة منو ترشحين لي ابي دكتور زين ويا ليت بدار الشفا مرة وحدة اسوي نحت لجسمي واتفخ خدودي

 

[الفرحه السجينه]

دندونه ؟؟ بايعتها شكلج ..نحت مره وحده خخخخ

بس اشوف البنات بالمنتدى يمدحون جمال الحربي

 

[حبيبته آنا]

اي انا مسويتها عند جمال الحربي
شوفي بالنسبه حق التجميل بكل انواعه روحي حق اي دكتور بس لاتقربين يم دار الشفا وهذي نصيحه

 

[سكـ الليل ـون]

مانبي عمليات ودكاتره

مافي شي طبيعي أو حبوب ؟؟

ماحب دخلة المستشفيات

 

[رومية]

د. سحر غنام شاطره وايد بعد....مجربينها اهلي ...يمدخونها ..واشكالهم طبيعيه حيل .

 

[hutoon]

مسشكوورين حبايبي فديتكم

أنا ألحين طحت لي على شي من الصيدليه

ساعه تمدحه لي لاعت جبدي منها وخذيته هههه

فألحين صار لي يومين قاعده أجربه إذا طلع منه رجا

ماراح أبخل عليكم بإسمه وبعد أصور لكم علبته

وإذا جذبت علي الصيدلانيه منها لله لوووول

 

[رومية]

يالله ناطرينج....ولو اني ماظن مفعوله راح يكون واضح مهما كان...مافي شي يعبي الويه والخدود الا الحقن.... ادري ضيقت خلقج سوريييييي!

 

[ريمه الكويت]

قولى ساروونه شسار معاج

 

[ام عبود الحلو]

نصيحه لااااااااااااااااااااااااااااااااا تستخدمون الابر
اول شي تنفخ وبعدين يترهل الي انفخه

انا نصحت رفيجتي بس ما سمعت الكلام والحين ندمانه على الي سوته وتفخت خدودها


عكس اختها جربت منتج انا طالبته بس ينحط على الخدود ينتفخ شوي بطريقه حلوووووووه وهو منتج تجميلي من بره
بس بعد ما عرضته بالمنتدى لاني كنت يايبه منه 10 علب وطلبوها مني اهلي فما مداني اعرضه بالمنتدى بقسم كويتيات مول
وهو تركيبه طبيعيه منتج امريكي

انا مسويه طلبيه يديده الي تبي اتقولي علشان احجز لها
ويبين مفعوله بعد 10 دقايق

طبعا سعره مقارنه بسعر الابر يطلع ولا شي
وهو 31دك

 

[*ستايل*]

ناطرين تجربتج سارونه

 

[حبيبته آنا]

صارلنا جم سنه واحنا نتفخ بهالخدود اشحلاتهم لا ترهلو ولا هم يحزنون

 

[الفرحه السجينه]

بالعكس الابر زينه والكولاجين اصلا مادة طبيعيه وتحتاجها البشره بس اللي ييصير عمرها 25 وفوق يتوقف افراز الكولاجين عن بشرتها عشان جذي نستخدم كريمات فيها نسبة كولاجين او ابر ... يعني الابر تعطي نضارة وامتلاء و الكولاجين مهمممم للبشره واصلا ماكو كريم ينفخ البشره من برا...يعني الكريم ما يرهل والابر ترهل !!! !! اشدعوه

 

[غموض المطيرى]

انا اللى اعرفة حتى اللى تسوى حقن نفخ بعد فترة يفش ويطلع شكل الوجة حدة يخرع ادرى ضيقت خلقكم بس واللة هذا اللى اشوفة بكذا وحدة

 

[مزعلة النسا]

انزين من الناحيه الشرعيه شرايكم انا ودي اسويها واتفخ بس خايفه ليكون حرام هذا اولا وثانيا محتاره وين اروح اي عياده

 

[العيون الفاتنه]

اي والله يا ساروووونه
طلبتج طلب حياتي شوفي النتيجه
وبلغينا

 

[مزعلة النسا]

ها شصار ما في اخبار عن الخدود

 

[روزالكويت]

يابنات شخباري خدودكم
انا وكلت امري لله ورضيت بالواقع بلاحلبه بلاريحه لاعت جبدي ماكو نتيجه.