نفخ الخدود

[وردة حبيبها]

مرحبا يا بنوتات
حابه استفسر من البنات الحلوين اللي جربو نفخ الخدود عن طريق الدهون من نفس الجسم

هل تنصحوني اسويه ؟؟
وهل صحيح هو لفترة مؤقته لمدة 6 شهور بس ؟؟
وهل له اثار جانبيه ؟؟

وسمعت ان الوجه يزرق و يصير فيه كدمات متى يعني تبين نتيجة الوجه الطبيعيه للنفخ يعني هل الكدمات تطول على ماتروح ؟؟؟


شاكره لكم يا حلوين اتمنى تساعدوني يا بنات بودي حييل اسوي النفخ ,,

 

[tooonaaa]

لا يزرق ولا شي اختي مسويتها بطسبه كلينك عند دكتور (نسيت اسمه والله) بس مو وايد طبيعي وفي انواع واللي سوته يظل سنه وشكلها صار عجيييييب

 

[وردة حبيبها]

تووونااا

يعطيج العافيه و ربي يوفقج لانج رديتي علي
طيب تقدرين تعرفين من اختج شنو نوع اللي سوته

ويعطيج انتي و اختج الف مليون عافيه

 

[نجمة على الأرض]

أعرف وحده تافخه بدهون الجسم ..تقول أول شهر يكون متفوخ
الويه وايد ومع الوقت يرد طبيعي وآنا شايفتها ما شالله الويه
حلو مليان جنه من الله حلو ..وصاير لها سنه ليلحين ويها حلو
صج اشويه ضعف بس ما زال مليان

 

[ريونه المزيونه]

حبيبتي الدهون اللي من الجسم اضمن واحسن من الموااااد اللي يعبون فيها


في دكاتره اول مايعبون الويه يخلون كميه كبيره ,,, لان مع الايام يخف ويصير طبيعي ,, فيزيدون الكميه وقت العمليه عشان لما يخف بعد سبوعين من الورم يكون شكله حلو ,,, واصلا الدهون اتم فتره طوييله بين السنه والسنه ونص..

واعرف وحده مسويه اينون خدودها,, على الاقل دهن من جسمج.. مو مواد تجميليه ,, لان في دكاتره ماتخاف ربها يحطون مواد رخيصه ,, ويمكن ماتروح من الويه,, وتسوي اعراض جانبيه

فالدهون احسن لج

 

[النويره]

صاجه يا ريونه

 

[وردة حبيبها]

نجمة على الارض

يعطيج ربي اللف الف الف عافيه
ومشكوره لطرح تجربة رفيجتج

احس بديت اقتنع بنفخ الدهون

 

[وردة حبيبها]

ريونه فديتج قلبي
تسلمين للمعلومه المهمه
وانشاءالله بسوي نفخ الدهون لان هذا اللي سمعته ان افضل

يعطيج الف الف عافيه

 

[وردة حبيبها]

النويره
تسلمين حبيبتي لمرورج و افادتج الحلوه