|| نـوكيا & سوني اريكسون || إيجابيات & سلبيات [شاركونا]

[xxx]

نوكيا & سوني اريكسون

هناك خلافات كثيره من العضوات بين الشركتين
وكل شخص يبرهن أن الشركة أفضل من الأخرى في كل النواحي

أرى ان كل شركة لها ايجابياتها وسلبياتها
التي يميزها عن الأخرى



~~ نوكيا ~~

الإيجابيات:

- شركه قوية وهواتف عمليه تتميز بسهولة الإستخدام
- تلبي حاجة المستهلكين بالشرق الأوسط بكل مايريد بشكل مرضي وسريع وتوفر المميزات المطلوبه بشكل قياسي في معظم الأجهزة
(Gps بالخرائط وبعضها معرب -دعم اللغة العربيه - صوت وكاميرا وفيديو جيدين - دعم الجهاز بشبكات الإنترنت السريعة -.. إلخ )
-توسع الشركه في وسائل الترفيه ( ألعاب n gage - افلام كامله - اشتراكها في قنوات تلفزيونية ومواقع الإنترنت )
- توفر ملحقاتها في الأسواق


.
السلبيات:

- استخدام خامات رديئة في معظم الأجهزة
- غالبا يكون حجم الجهاز غير مدروس وتفقد بريقها سريعا ماأن يأتي الجهاز الجديد الأفضل حجما وشكلا
- اصدارات الهواتف سريعه وكل جهاز جديد يسحق إلي قبله بكل شي
(يعني تشتري جهاز غالي ويبقى عندك لفتره بسيطة ويصير جهاز قديم وحجمه كبير مقارنه مع الجديد)
- بسبب نظام السمبيان المفتوح يسبب مشاكل التعليق وهدف للفيروسات
- تشابه جميع اجهزتها بنفس القوائم والترتيب ممايشعرك بالملل سريعا
- لاتوجد في أجهزتها أي تميز جميع فئات الشعب يمتلكون نفس الجهاز برغم ان بعضها غالي الثمن

.

.

.


~~ سوني اريكسون~~

الإيجابيات:

- اجهزة مميزة ومنفرده في الشكل والخامة وطريقة الإستخدام
- معظمها من خامه ممتازة وحجم مدروس
-كل جهاز له ميزته الخاصة ويستهدف فئة معينه حتى لو نزل إلي بعده يبقى جهازك له شكله ومميزاته الخاصة والمنفرده
(ولذك ممتلكي سوني اريكسون لايغيرون اجهزتهم بسرعه مثل النوكيا )
- أجهزة ممتعه في الإستخدام وآمنه (السمبيان) وشاشات حيوية وأشكال وألوان رائعة (الجافا)
- مفاجئات من سوني اريكسون بجهاز بمميزات وابتكارات جديده في عالم الهواتف


.
السلبيات:

- اهمال الشركة بتلبي حاجات ومتطلبات الشرق الأوسط بشكل متواصل وغير مبرر
(صوت عالي - GPS مع الخرائط وسهل الإستخدام - دعم اللغة العربية بشكل افضل -
امكانية تشغيل المقاطع اثناء المكالمة - ميزة اتصال PTT - فيديو بجوده افضل - ..الخ)
- اخطاء في الصنع لأجزاء معينه لبعض الأجهزة
- تأخر الشركة الواضح في إصدار الهواتف والملحقات والدعم المطلوب
- معظم أجهزتها تفتقد للكماليه ونقصها لميزه مهمة غير موجوده




السؤال

الي جربو النوكيا و السوني اريكسون

يكتبون لنا عن الايجابيات والسلبيات من خلال تجربتهم ..

:gathering:

 

[xxx]

بشارك اول وحده @@


توني شارية سوني اريكسون واول مره اجربه

هذا جهازي C905

الايجابيات

استعماله حلو ومايفرق وايد عن النوكيا

وكاميرته روووووعه 8 ميغا بيكسل


السلبيات

مافي قفل برقم سري

وهالشغله وايد مهمه عندي

عيالي اسم الله عليهم مايخلون جهازي بحاله

ومافيه كاميرا امامية بس الرئيسية



وقاعده اكتشف اكثر لاني توني شاريته

يالله شاركونااااااا :ggdw:

 

[al7anona]

والله خوش موضوع وفديتج بنت الكويت على هالموضوع

وانا الناس كرهوني بسوني اركسون من كثر مايذمون بنوكيا من غير سبب بس عشان الناس كلها هبت بسوني اركسون صار نوكيا خلاص مو شي مو زين ولو تقولين لهم ليش ماكو اسباب مقنعه اغلب الناس هذا كلامهم

انا جربت نوكيا بالعكس صوته قوي وكل شي فيه اذا على المواصفات في وايد تلفونات بنوكيا كل واحد وله مواصفاته

ونفس الشي سوني اركسون هم حلو ومميز وبما اني مو مجربته هذا كلام الناس يعني مو كلامي وتوني شاريه مااقدر امدح واذم فيه

وكل واحد يعجبه شي معين سواء بالشكل بالمواصفات بس مو معناته يطيح حظ الشركة الثانيه من غير اسباب مقنعه او حتى يمكن ماجربه ولا مجربه من زمان كل شي يتطور


والحمدالله نوكيا كل التطورات فيه

وبصراحه انا مع نوكيا واحب هالشركة حتى الحين عندي سوني اركسون بس هم احب نوكياااااا


وحتى لو احب نوكيا ماراح اذم سوني اركسون كل واحد وله مميزاته


بس اعارض كل وحده تذم بشركة نوكيا بأسباب غير مقنعه


اذا على الكاميرااا احدث الكاميرات عندهم وقوية يعني اللي بيقول سوني اركسون كاميرته قوية هم نوكيا عندهم

اذا على الصوووووت انا بالنسبة لي عندي نوكيا صوته اقوى من سوني اركسون

اذا على خدمة الـGPS. موجودة بسوني ونوكيا

خلصنا من نوكيا



الحين سوني اركسون ماعندي خبره فيه كلش

بس الاشياء اللي بقولها عنه شكله حلوو وخلفية التلفون متحركة عجبني هالشي ماعرفت الا هالشي للحين

والسلبيات مثل ماقالت بنت الكويت مافي كاميرا امامية والحين هالشي بأغلب التلفونات وبما انه التلفون اللي عندي وعندها يديد المفروض يكون فيه وانا احب الكاميرا الامامية:0bee2e8d89:

والقفل عندي حيل مهم ومافيه:0bee2e8d89:

وصوته مو وايد قوي

​

 

[فرروووشه]

هاي بنات اشلونكم
بلا سون بلا نوكيا وعوار راس
هههههههههههههههههههههه
بنات توني اتعرف على البلاك بيري ومن مميزاته ان تعرفين زوجك المصومن وينه فيه اذا كان عنده نفس التلفون
يطلع لج بال GPRS وينه فيه يعطيج سيجنال
وميزه ثانيه حقنا البنات يطرش بسعر العادي voice message

 

[بيحار]

صراحه اركسون خيااااااااااااااااااااااااااااااااااااااااااااااااااااااااااااااااااال


انا جهازي

ماقولك خرب وطاح بس زان الحمدالله




مره مره انا مرتاحه مع الجهاز اركسون احسن من نوكيا نوكياء لاخرب خرب خلاص



اركسون يعيش وتحسفين تشرين غيره


والي يجرب اركسون مايرجع لنوكياء

 

[sunshine22]

حلو جهازج انا عندي اللون الوردي


اريكسون اللي خلاني اشتريه شغله وحده


طـــــــــــول عمر شحنه
على عكس نوكيا اللي كل اشوي لازم اشحنه
------------------------------

 

[some 1 love u]

بليز ابي اسأل كل فونات اركسون مافيهم قفل برقم سري للوحة المفاتيح ؟؟؟ كللللللللللللللهم ولاا بعضهم واذا بعضهم ياريت للي تعرف جهاز w995 فيه قفل او لأ ؟؟

 

[xxx]

مشكورين على المشاركة

والي اعرفه كل سوني اريكسون مافيهم قفل

:tek:

 

[مطر صيف]

للاسف كل ما عندي رمز للقفل
بس انا سمعت انه فيه بس لازم تنزلون البرنامج عشان تحطونه بالجهاز
وانا لقيت البرنامج
بس خفت احطه بجهازي يخترب لان البرنامج من النت بس ما جربت ورحت للمحلات
اذا صار ببشركم
وجهازي سوني اريكسون الجديد w705
حلو
وصح عيبه القفل والصوت مو نفس اصوات نوكيا

 

[noreez]

معروف عن سوني اريكسون انه متفوق على نوكيا من كل النواحي بالكاميرا والوانها وجوده ودقه الصوت وعمر البطاريه وشكل وتصميم التلفون يكون احلى واجمل والشاشه خصوصا مع الثيمات المتحركه واعطاله قليله
ووايد شغلات ومميزات
ويكفي الي يستخدم سوني اريكسون مايقدر يغيره ويرد على جهاز ثاني

 

[PO PO22]

يااااااااااااااااااااازييييييييييييييييييين
سوني اركسون:tek:

 

[BURBERRy]

هذا جهــازي​

​

ايجابيته :-​

1. اذا استقبلتي اغنيه من بلوتوث او صوره اهو يتسيف بالاستيديو برووحه

2.وكذا مره يطيييح مني ويطييح بالماي ومايخرب

3. فيه حروف زايده وزخارف واختصارات ​

سلبياته :-​

1. كاميرته ماتعجبني احسها مو صافيه

2. اذا كنتي قاعده اتكلمييين بالتلفوون وبتسمعين اللي معاااج اغنيه مايصير << هذا اللي مايعجبني فيــه

3. مافي قفل

سوني اريكسون ما استغني عنه

وتم التصـــويت ​

 

[{ PiNk }]

بالنسبـة لي سـوني اريكسون أحسسن
جم مره افكر اغير لنوكيا او سامسونق بس قلبي ما يطاوعنـي <عندي ولاء عجيب لشـركه


جهازي الي اللحيـن C905
واحسسن مافيه الكاميرا عجيبه :eh_s(22):
بس عيوبه المصنعية شكثر ..الكل يتحلطم منها
عن نفسي بعد 4 شهور خربت علي السماعه فجأة و صرت ما اتكلم الا بالسبيكر او اركب السماعه :eh_s(1):
وديته الوكاله وتوني طلعته امس :eh_s(6):

المهم ..,

انا ماعمري استخدمت نوكيا بس الي لاحظته بتلفونات رفيجاتي واهلي ..

ان الشحن بسرعه يخلص عكس سوني اريكسون ..
والكاميرا بعد ألوانها ما تعجبني احس انها ما تطلع اللون الصجي ..
والاحظ انها تعلق حيل ..
عن نفسي تلفونات سوني اريكسون ما عمرها علقت معاي (يمكن يرجع لطريقه الاستعمال لاني انا احافظ على التلفون ما اخليه يطيح مني او يمكن يرجع لنظام التلفون -اقصد تلفونات اريكسون الجافا مو السمبيان)

والي لاحظته بعد ان سعر تلفونات نوكيا مو بسرعه تنزل مثل تلفونات سوني اريكسون الي بسبوعين ينزل السعر < ما أدري هذي ميزة ولا عيب :eh_s(10):


ومن ايجابيات نوكيا ..القفل و ان اذا خرب تودينه لأي محل عادي ويصلحه لج عكس سوني اريكسون ما يصلحونه لج الا الوكيل ماله ..واذا ماعليه كفاله بتتوهقين فيه لان ماراح يعرفون يصلحونه و غير قطع غياره الي مو متوفـره ..
وبعد البرامج الي تركب على نوكيا واجد عكس السوني اريكسون (الجافا) شويه البرامج الي تركب عليها


وعلى فكـرة تلفونات سوني اريكسون السمبيان لها قفل بس الجافا اهي الي مالها قفل لحد اللحيـن

وانا بصراحه جم مره افكر ان مميزات نوكيا وسامسونق اقوى من سوني اريكسون ..
بس كلش ماارتاح بالاستخدام وما اتقبل شكل تلفونات نوكيا نهائيا ما تعجبني ..

يعني ممكن تكون الشغله نسبيه او شخصيه او على التعود مو على اساس المميزات و العيوب الواحد يختار شركه ونوع جهازه < يمكن يكون هذابالنسبة لي انا بس

 

[al7anona]

نوكيا تطرح جهازها الجديد “نوكيا N86″ وبدقة كاميرا 8 ميغا بكسل


sony ericsson c905 كاميرا 8 ميغا بيكسل



<<<<الكاميرا>>>>



الشركتين عندهم اجهزة قوية وحلوه


وكل واحد يشتري على حسب المميزات اللي يحبها وعلى حسب الشكل اللي يحبه


والشركتين على طول قاعدين ينزلون اجهزة يديده وكل جهاز في مميزات احلى من اللي قبله


وبالنسبه لي ماحسيت بالاختلاف حتى بطريقة الاستعمال اثنينهم استخدامهم سهل

ولازم كل تلفون تختلف طريقة استعماله عن الجهاز الثاني حتى لو من نفس الشركة


والشركتين بالنسبه لي زينين


وكل شركة لها طعمها المميز_03BA:

ونوكيا وسوني اثنينهم ناجحين.....

اكثر شركتين مشهورين بالكويت

ولازم يكون بكل شركة عيوب تختلف من شخص لي آخر على حسب الاشياء اللي يحبها وعلى حسب الذوق


بس الشي الوحيد اللي يخليني اعصب لما اشوف احد يذم شغلة من غير سبب احب الواحد يكون عنده شخصية مستقله ولما يذم ويمدح برايه الشخصي ويفكر باللي يقوله

وكلامي مو معناته انه هالشركة افضل من الثانية كل شركة ولها مميزاتها



وكل وحده وكل واحد حر برايه وباختياره

 

[sonan]

ماني ذامه بنوكيا ..
بس قاعد تتفوق عليه شركه سوني ايركسون بوايد

 

[xxx]

للاسف كل ما عندي رمز للقفل
بس انا سمعت انه فيه بس لازم تنزلون البرنامج عشان تحطونه بالجهاز
وانا لقيت البرنامج
بس خفت احطه بجهازي يخترب لان البرنامج من النت بس ما جربت ورحت للمحلات
اذا صار ببشركم
وجهازي سوني اريكسون الجديد w705
حلو
وصح عيبه القفل والصوت مو نفس اصوات نوكيا

هلا اختي

مشكورة على المشاركة

انا بشوف هالبرنامج وان شاءالله القاه

ضروري القفل ياربي

 

[xxx]

معروف عن سوني اريكسون انه متفوق على نوكيا من كل النواحي بالكاميرا والوانها وجوده ودقه الصوت وعمر البطاريه وشكل وتصميم التلفون يكون احلى واجمل والشاشه خصوصا مع الثيمات المتحركه واعطاله قليله
ووايد شغلات ومميزات
ويكفي الي يستخدم سوني اريكسون مايقدر يغيره ويرد على جهاز ثاني

هلا نوريز

الالوان ودقة الصوت عالية بنوكيا

شنو الي استخدمتيه بنوكيا مافي جوده بالصوت والالوان ؟؟

عمر البطاريه انا معاج السوني شحنه يطول اكثر من النوكيا

ويكفي الي يستخدم سوني اريكسون مايقدر يغيره ويرد على جهاز ثاني

شلون حكمتي :gr4uu:

 

[xxx]

يااااااااااااااااااااازييييييييييييييييييين
سوني اركسون:tek:

مشكورة على مرورج :d

 

[xxx]

هذا جهــازي​

​

ايجابيته :-​

1. اذا استقبلتي اغنيه من بلوتوث او صوره اهو يتسيف بالاستيديو برووحه

2.وكذا مره يطيييح مني ويطييح بالماي ومايخرب

3. فيه حروف زايده وزخارف واختصارات ​

سلبياته :-​

1. كاميرته ماتعجبني احسها مو صافيه

2. اذا كنتي قاعده اتكلمييين بالتلفوون وبتسمعين اللي معاااج اغنيه مايصير << هذا اللي مايعجبني فيــه

3. مافي قفل

سوني اريكسون ما استغني عنه

وتم التصـــويت ​

هلا اختي

مشكورة على الرد

 

[xxx]

بالنسبـة لي سـوني اريكسون أحسسن
جم مره افكر اغير لنوكيا او سامسونق بس قلبي ما يطاوعنـي <عندي ولاء عجيب لشـركه


جهازي الي اللحيـن c905
واحسسن مافيه الكاميرا عجيبه :eh_s(22):
بس عيوبه المصنعية شكثر ..الكل يتحلطم منها
عن نفسي بعد 4 شهور خربت علي السماعه فجأة و صرت ما اتكلم الا بالسبيكر او اركب السماعه :eh_s(1):
وديته الوكاله وتوني طلعته امس :eh_s(6):

المهم ..,

انا ماعمري استخدمت نوكيا بس الي لاحظته بتلفونات رفيجاتي واهلي ..

ان الشحن بسرعه يخلص عكس سوني اريكسون ..
والكاميرا بعد ألوانها ما تعجبني احس انها ما تطلع اللون الصجي ..
والاحظ انها تعلق حيل ..
عن نفسي تلفونات سوني اريكسون ما عمرها علقت معاي (يمكن يرجع لطريقه الاستعمال لاني انا احافظ على التلفون ما اخليه يطيح مني او يمكن يرجع لنظام التلفون -اقصد تلفونات اريكسون الجافا مو السمبيان)

والي لاحظته بعد ان سعر تلفونات نوكيا مو بسرعه تنزل مثل تلفونات سوني اريكسون الي بسبوعين ينزل السعر < ما أدري هذي ميزة ولا عيب :eh_s(10):


ومن ايجابيات نوكيا ..القفل و ان اذا خرب تودينه لأي محل عادي ويصلحه لج عكس سوني اريكسون ما يصلحونه لج الا الوكيل ماله ..واذا ماعليه كفاله بتتوهقين فيه لان ماراح يعرفون يصلحونه و غير قطع غياره الي مو متوفـره ..
وبعد البرامج الي تركب على نوكيا واجد عكس السوني اريكسون (الجافا) شويه البرامج الي تركب عليها


وعلى فكـرة تلفونات سوني اريكسون السمبيان لها قفل بس الجافا اهي الي مالها قفل لحد اللحيـن

وانا بصراحه جم مره افكر ان مميزات نوكيا وسامسونق اقوى من سوني اريكسون ..
بس كلش ماارتاح بالاستخدام وما اتقبل شكل تلفونات نوكيا نهائيا ما تعجبني ..

يعني ممكن تكون الشغله نسبيه او شخصيه او على التعود مو على اساس المميزات و العيوب الواحد يختار شركه ونوع جهازه < يمكن يكون هذابالنسبة لي انا بس

هلا اختي

مشكورة على المشاركة

وتلفونات نوكيا فيها الزين والشين

على حسب النوع