نــــــرفـــــزتــــــونـــــــي

[دكتواره]

الله يهدي الجمميع انشاءالله

 

[حبي لله اشد]

صح كلامج وانا أأيـد احد يحط كان بعلاقه ثم تـاب لكن
تشتكي احب حبيبي وهالكلام جذي مانصح احد يحط

 

[طبعي مزاجيه]

نصيحه بناااااااااااات لحد يتشمت وربي اني صاجه تكفوون

لا تقولون عنهم كلمه تجرحهم انصحوهم اي ادعوا لهم بالهدايه اي

بس لحد يتشمت نصيييييييييييييحه لوجه الله

الله يهديهم ويهدينا ويصلح حالهم

الله يفتح على قلوبهم وينجيهم من ما هم فيه

 

[مـهـرة]

كراميل من صجج ؟ قوليلها السالفه يمكن هالشي بصالحها تعرفه

 

[مسك حياتي]

الله يرفع عنهم ولا يبلانا ...

اهمه بخطء و كل انسان يخطىء لكن خير الخطاؤون التوابون ...

ولازم الانسان ما يجاهر بالمعصيه ...

الله يهدينا جميعا و ينور بصيرتنا ...

اللهم استرنا فوق الارض و تحت الارض و يوم العرض ...

جزاج الله خير حبيبتي ...

 

[أإلع ـشق دلع ـهـأإ]

تعبت وأنآ أنصح أنبح صوتي ..

بس لآ حيآة لمن تنآدي ..

أنك لآ تهدي من أحببت ولكن الله يهدي من يشاء

 

[المرتاحة]

انا يمكن وجهة نظرى بتكون نوعا ما جريئة

واقولها لكم مو كل زواجات التعارف فاشله ولا كل الزواجات التقليدية ناجحة

احنا مجتمعنا للأسف اهو الي اجبر البنات و الشباب يتعرفون بالتخفي و يمشون على هذا الطريج اللي اختلط فيه الحابل بالنابل ..يعني في شباب يبون يتعرفون على البنت قبل الزواج ونيتهم شريفه وفي بعضهم يبون يلعبون ويخربطون وهمن البنات نفس الشي فتلاقونهم حظك نصيبك يا تصيب و يا تخيب.


عيب الزواج التقليدي انهم اليوم يشوفون بعض و عقبها جك بوووم صاروا زوج وزوجه و اهم اساسا ما يعرفون عن بعض غير رؤوس اقلام.. في ناس ما يتقبلون الطريقة هذي وانا وحده منهم

وبعض زواجات التعارف تفشل (على فكره حتى بالزواج التقليدي نفس الشي تعارفهم بوقت الملجه) لانهم يكونون هايمين بالحب و مسوين مسلسلات تركيه ويفكرون بس بعواطفهم و عايشين بخيالات واحلام ورديه و العقل صاير له "شت داون" بالفترة هذي يعني ما عطوا عقولهم فرصه انها تكتشف هل هذا الشخص اللي بتزوجه اهو فعلا يناسبني ولا لآ... اهني هذيلا بعد الزواج راح ينصدمون بالواقع و يكتشفون ان شخصياتهم مو مثل ما كانوا متخيلين ومنطقهم و تفكيرهم كل واحد بصوب علشان جذي ما يصير توافق وبالتالي يصير الطلاق

اما اذا تعرفوا على بعض بعقلانيه و تركوا عواطفهم بصوب والهياته و الطلعات و ركزوا على شخصيات بعض ومستوى تفكيرهم و اسلوبهم وطموحهم بالمستقبل ومهم جدا انهم يبينون شخصياتهم الحقيقية و ما يتصنعون.. وصار توافق اهني زواجهم ينجح لانهم ركزوا على الاهم


انا تعجبني طريقة بعض العوايل عندهم فترة يسمونها الخطوبة .. يعني بعد ما يشوفون بعض و يصير فيه قبول مبدئي و يتفقون على تاريخ الملجه مثلا بعد شهر او شهرين تكون الفتره هذي للتعارف يكلمون بعض بعلم الاهل طبعا و ممكن انهم يقابلون بعض بحضور الاهل لين تتم الملجة.. اهني اهم يملجون و اهم صج مرتاحين لبعض


بالنهاية انا ما انصح البنات انهم يحاولون يتعرفون على الشباب خوفا من الذيابه اللي يتصيدون البنات

 

[شاكيرآ]

كلامج درر

اللهم لاتؤآخذنا بما فعل السفهاء منا

 

[الـــــغــــلا]

معك حق اختي

مجاهره بالمعصيه

العلاقه قبل الزواج غير شرعيه

واغلبهم يتسلون اي حب اي بطيخ

الحب الحقيقي بعد الزواج اللي ربي سبحانه وتعالى حلله

اما الحب اللي بالظلام زائف وليتهم يتعضون من مصايب غيرهم

عادي عندهم ولا فيه خوف من الله سبحانه

الواحد لو يفكر دوم بالموت وشلون تكون خاتمته يحذر بكل تصرفاته

الله يهديهم ويستر عليهم

يعطيكِ العافيه

صـــــااااادقه آختي العلااقه قبل الزووواااج غيــر شررعيه والله يهدي الجميع
يســـــــــــــــللمو​

 

[اوبراا]

اب اب

 

[القلب الخالي]

انا معاج بكل كلمة قلتيها فديتج
وانا بعد اعصب من البنات اللي يقولونها اشكره
من زمان ما اتصل علي ولا من هالخرابيط