نــــــداء الى مزيونه وشقره ولبنات المنتدى...

[في منتهى الذوق]

السلام عليكم ورحمة الله وبركاته ...​

يسعدلي صباحكم ..

شلونكم حبايبي انشالله بخير

نـــــــــــــداء الى كل حبايبنا بنات المنتدى وخصوصا حبيبتنا مزيونه وشقره

ابي منكم مساعده واللى تساعدني لها مني دعوه بظهر الغيب وحتى اللى ماتساعدني هم بدعيلها
انا حامل بالشهر الثالث وابي خلطه تبيض و ماتضرني ولا تضر البيبي لانه احس نفسي اسمريت خصوصا اني كنت محافظه على بياضي وتركت كل شي يوم حملت وحسيت اني اسمريت مو وايد بس بالنسبه لبياضي قبل لا احمل ...

وبليز ابي خلطه مجربه لاني انا خوافه:krkrkr:

والله يوفقكم دنيا وآخره
وشكرا ..​

 

[بس احبك]

جربي الزيوت حيييييل حلوه وطبيعيه

زيت الجلسرين والخروع واللوز المر حييييييييل حلووين

 

[برد ابو الذهب]

خلطه مزيونه وشقره ربي يوفقها والله العظيم والله العظيم ان جسمي كان خرايط وانوان واشكال قررت اغيره وصار عندي اراده وشوفي نظامي واسويه 3مرات بالاسبوع
اولا قبل السبوح بساعتين اتدهن بزيت اللوز والجلسرين خالطتهم مع بعض وعقب الساعتين ادش اسبح اول شي بخلطه مزيونه وشقره الله يوجهلها الخير واتفرك بليفت بدي شوب وتقريبا اقعد 10 دقايق وعقب اغسل جسمي وبعدين اسنفره كله بسنفره المشمش مره ومره بسنفره حليب اليوكو طبعا انا حتى وجهي ادخله من ضمن الحسبه لوووووول وعقب اغسل واطلع
ومسويتلي خلطه لوشنات عجيبه تبيض وترطب وريحه جنان
1- فازلين بزبده الكاكاو
2-زبده الكاكاو من بالمرز حق خطوط البيضا وانتي تنفعج عشان لايطلع خطوط بيضا وحمرا ببطنج
3-لوشن نيفيا لشد الترهلات
4-جلسويد
5-فيتامين سي
6-لوشن كان عندي من بدي شوب بريحه الياسمين قلت خل اخلطه معاهم عشان تطلع الريحه حلوه
ادري بتقولين ليش وايد لان كلهم مفيدين وكلهم كانو عندي فقلت ليش ما استفيد منهم كلهم مع بعض
وخلطتهم بعلبه وخليتها عندي وعقب كل سبوح اتدهن ,,,,,,,,,,ووووبس هذي عناياتي اللي خلت جسمي ينور وانصحج تسوينها يوميا حق طلعت نفاسج وشوفي اشلون تردين عروس بس ضيفي عليها خلطه السنفرات مالت حيادر الله يوجه لها الخير استخدميها ورا خلطه مزيونه وشقرا
ادري طولت بس حبيت افيدج وادعيلي اذا ياز لج ما كتبت

 

[قدساويه!!]

خلطات تبيض وانتى حامل مو زين!!
زيوت ممكن

 

[انواروه]

احس مو زين واايد يذمون اللي جذي خلطات وانتي حامل

 

[ام ساره 4]

خلطة مزيونه وشقره رووووعه شويه عليها والله العظيم لمن تسبحين مره وحده تحسين بنظافه وجسمج فيه نظاره يعني لو تستمرين راح تشوفين نتيجه ولا أروع صج تفتح الجسم بس إستمري عليها والله يهون عليج وتقومين بالسلامه إن شاء الله

 

[•• لبـّيِــگ }]

جزاج الله خير برد بوذهب الله يعطيج العافيه ويوفقج ماقصرتي

 

[هذا تالي تقديري]

حبيبتي
السمرار اللي فيج من الحامل يروح بعد فتره من الولاده
لانه سبحانه بعد الولاده كل شي يرجع مكانه
بس انت استعملي الجلسرين والزيوت احسن لج
الله يهون عليج وقومين بسلامه يارب

 

[هذا تالي تقديري]

حبيبتي
السمرار اللي فيج من الحامل يروح بعد فتره من الولاده
لانه سبحانه بعد الولاده كل شي يرجع مكانه
بس انت استعملي الجلسرين والزيوت احسن لج
الله يهون عليج وقومين بسلامه يارب

 

[الفدنه]

حبيبتي انا توني طالعه من النفاس ماتم لي شهرين
بحملتي هذي الكل يقولي ماكلفتي نفس حمالج قبل
والله كنت استعمل جليسوليد وعصير ليمون روووعه
ما اقولج تصيرين لمبه لا بس السمار مال الحمال مايكون جايد